US 2020 presidential election hi Russia le Iran nih hnahnawhpek an timh, tiah US Director of National Intelligence John Ratcliffe nih Wednesday ah khan a chim.Hnawhnam ngaiin tuahmi news conference ah FBI Director Chris Wray he a tu bantukin in Ratcliffe nih thawngthanghnak a tuah hi a si. “Vote peknak kongah American mipi an zunhfehnak (confidence) vaivonhter an duh caah le, election a phichuak phundang in a chaakmerh an duh caah, ai telhvaihmi (actors) ramdangmi pawl an cawlcang” tiin election Ni a phaak nak dingah zarh 2 te lawng ai duh ah a tu bantukin in thawngpang a than caah, US top officials pawl ralrintein um hau an si cang zia a lang.

Vladimir Putin Moves to Heighten Russia's Role in the Middle East After  U.S. Kills Suleimani

A cheukhat vote petu pawl i an registration information hi Iran nih a bihzohpiak hna, cun Russia zong nih amah pumpaak tein bihzohnak a tuah ve thiamthiam, tiah Ratcliffe nih a chim.“Voter registration i a tamdeuh hi cu zapi theih khawh in a ummi an si. Vote petu pawl an ning tihter dingin le, mipi buaibaiter (social unrest) umter dingin le, cun President Trump hrawh dingin Iran nih email in thawngpang deu (mi dang an sual kawl duh ah an min i hman in thawngpang dik lo thlahpiak) a thlah mi vialte cu US cozah official nih an hmuh cang,” tiin Ratcliffe nih a chim.

Putin, Erdogan and Rouhani to discuss Syrian crisis in Ankara | Russia News  | Al Jazeera

Hi email thawngpangdeuh hi Pro-Trump Proud Boys group nih an thlahmi a si, tiin mipi lunghring dingin Iran nih an thlahmi a si, tiah US cozah sources nih a chim. Cu a chimmi cu Ratcliffe nih a vun i char chinmi khi a si. Iran nih hin Trump hi hrawh, hnursuan ai tim te kho men, cun Russia nih cun election ah buanco dingin a bomh khawh men, tiin tuantein khan US intelligence agencies nih ralrinpeknak bia a rak chim bal cang.

Trump taunts Lesley Stahl of '60 Minutes' after cutting off interview |  World News,The Indian Express

Ratcliffe nih a chimmi hi a dikmi a si tak ko ah cun, Irannih hin tuan i misual phu (violent group) pawl kha an taw vun phawh than hna i, Trump hi misual muisam vun kenter an tim le si lai, tiah US cozah he pehtlaihnak a ngei theng lo mi lenglei mifim pawl nih an ruahnak an chim. Cu email pawlcu a tu hi an dothlat lio pi a si i, hi email pawl a kuatu taktak mizeiset a si thi theih fian a si rih lo, tiah US intelligence source pakhat nih a chim.

Putin, Erdogan and Rouhani to discuss Syrian crisis in Ankara | Russia News  | Al Jazeera

Midang nursuannak tuah duh ah, Iran ah a ummi mi a cheu nih Proud Boys i an network asiloah an website hna hi Hack an tuahpiak hna le si kho men, tiin US officials an lung a hrin caah, a tu hi an hlathlai lio pi a si, tiin US cozah source pakhat nih a chim. Hi email phen ah hin Iran cozah hrimhrim zong hi ai tel ve lai, tiin US officials pawl nih an lunghrimh ko nain, tehte belte an hmu kho rih lo, tiah an source nih a chim.

A cheukhat an email ah hin mithiamsang pawl nih thatein an sermi video ai tel i, cu video nih cun ballot deu (fake ballot) pek/thlaak ning pungsan a langhter. Video in ballet deu thlaak daan an langhtermi hi a palhmi a si, tiin Ratcliffe nih a chim.Zei state, tiin min an langhter lem lo nain, US state a cheukhat i zapi theih phaak in langhtermi voter pawl an data hi Russia le Iran nih Hack tuah an timh, ti cu biafiang a si, tiah US nawlngeitu hna nih an chim. Hi voter data pawl cawkkhawhmi an si caah, phaisapek an hrial duh caah hacking an tuahnak a chan i a si ve kho mi a si, tiah an source nih a chim.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

 

By Chuncha