US Election le Cyberattacts.

A tu lio coronavirus ruang ah 2020 US President thim nak hi a hung lin sa tuk kho rih lo. 2016 US election lio ah Russia nih DNC ( Democratic National Convention) emails pawl cu an rak hacks piak hna. Cu tik ah Democratic pawl cu an thin a hung ngaingai. An mawh lo. Zei ruang ah dah DNC emails lawng an hack i, RNC ( Republican National Convention) email an hack ve lo timi cu ruah lo awk a ṭha ti lo.

1787 Summer ah President George Washington hruainak in, Philadelphia ah US founding father pawl cu Constitutional Convention an rak tuah. Cu an Convention pi cu zeidang kong si loin ramdang mi ( cu lio ah an rak i focus mi ram cu British le French hi an si ) nih US election pi hi an kan hnursuan nak hnga lo ti mi kong biatak tein an rak ceih mi asi. Federal Election Law ( 52 U.S.C 30121, 36 U.S.C. 510 ).

1996 election lio ah Bill Clinton cu Chinese Government nih an ṭan pi tiah Republican pawl cu an rak buai bal.

2016 thimnak ah Russia nih DNC emails cu an hack i vawlei cung pumpi theih in a thlah tik ah US Founder Father pawl nih an thin a rak phan tuk mi le Federal Election Law nih a co hlan lo mi kha Russia nih a duh poh in a tuah cang. Cu tik ah Democratic pawl nih a tu ban tuk thil ah daitein kan um ko ah cun hmailei zong ah US election hi a him lai lo tiah a tu tiang Russia investigation hi an ṭuan cuahmah mi asi.

Micheu nih Democratic pawl nih Trump a sualnak an kawl peng tiah an ruah. Trump sual kawlnak si lo in, misual miṭha lo pawl an kawl mi tu khi a rak si deuh.

A tu ban tuk in Russia nih DNC emails a hack mi ruang ah hin US hi dai tein um seh law, Russia cu vawlei cung ah Super Power ram asi hnga i US values cu vawlei cung ah a sang bik asi kho lai lo. Russia investigation nih hin US hi vawlei cung ah Super Power ram asi nak a langh ter pin ah, Democratic he Republican he Federal Election Law timi an dirpi mi asi.

2020 Election zong micheu nih an phan mi cu Coronavirus ruang ah Trump le China kar ah i hmuh thiam lo nak a fah tuk tik ah hin, Trump President chuak ṭhan kho ti lo ding in, Joe Biden hi Chinese Government nih cyberattacks hmang in an ṭan pi sual lai ti hi an phang ziar cang.

Cucaah Democratic nih Russia investigate an tuah peng mi hi hmailei US rampi thimnak caah himnak a pe tu ding cawlcanghnak a rak si.

Bia tlang kawm nak, Russia investigation kong ah Democratic pawl nih Trump sualnak kha tong te kawl in an kawl si lo in, Russia nih DNC emails afir mi ruang ah thil dik thil hman an kawl bia tu khi arak asi deuh.

Tuchan ah cun ram pakhat rawk nak ding ah bomb le mei thal nak in Cyberattacs hi ṭih a nung deuh mi hriamnam asi cang.

  BY : David Thuan

By Chuncha