Zatlang nunphung kongah Republican party le Democratic party cu an ruahnak a dang ngaingai. Republican party nih cun thit-umhnak [ Same Sex Marriage ] timi cu nu le pa lawngah a si ding a si. Nu le nu, pa le pa thit-umhnak le sualnak poahpoah an pom lo. Nau thlak, nau hrawh zong an pom lo. Cucaah Pro Life ti zongah an ti hna.

Obama puts Biden to sleep with budget speech? - YouTube
Democratic party nih cun Nu le nu, pa le pa thit-umhnak le sualnak zong an pom. Nau thlak, nau hrawh zong a poi ah an chia lo, cucaah “Pro Choice” ti zongah an ti hna. Democratic nih hin meithal hi ri khiah in ngeihter an duh hna. Tha tein background check hnu ah a nunning a thianghlim mi lawng meithal tlaihnak nawl le cawknak nawl pek an duh hna. Asinain Republican nih cun meithal tlaih cu mah le mah I vennak le himnak caah a si tiin meithal itlaih le ngeih an duh.

Biden has nickname for Trump after president called him 'Sleepy ...

Thawngpang dang<<President Donald Trump cu Democrats party hruaitu hna nih President nawlngeihnak hmang in Ukraine President Volodymyr Zelensky cu Democratic party presidential candidate, Joe Biden le a fapa Hunter Biden sualnak kawl a fial caah phung a buar ti in impeachment tuah dingah timhtuahnak an ngeih lio a si. Joe Biden Fapa Hunter Biden cu 2014 April 18 ah khan Ukraine ram I zinan company pakhat a simi Burisma Holdings company ah board of directors in rian a rak tuan. Mah company a ngeitu cu, Ukraine ram I, vuanci hlun pakhat a si vemi, Mykola ZIochevsky ta a rak si. ZLochesky cu Ukaraine Prsident hlun Viktor Yanukovych tangah vauci a rak tuanmi a si. Viktor Yanukovych cu Russia lei ttang a si caah an ram ah buainak a chuak, US lei a ttanhmi pawl nih dohdalnak an tuah I, buainak nganpi a chuah caah Russia ralkap nih Ukraine ram cu luhnawh dingin nawl a pek caah President sinak Viktor Yanukovych cu an dawi caah Russia ram ah a zaammi a si.

Why Is Everyone Sleeping on Joe Biden? - The Bulwark

Viktor Yanukovych cu an dawi hnu ah amah he a pethlaimi business vialte cu cozah thar nih tax an pek le pek lo, ziknawh eihmuar nak an tuah le tuah lo hlathlainak rak tuah a si. Mah lio ah Joe Biden cu Vice President a tuan lio a si. A fapa Hunter Biden nih Board of Director a tuannak Burisma Holding Company zong cu cozah thar nih tax an pe maw pe lo, hlan lio cozah nih ngunkuai tthumhnak an tuah piak hna le tuah piak lo, chekhlat dingah Viktor Shokin timi pa cu prosecutor general rian an rak pek. Hlathlainak an tuah lioh chekhlattu, Viktor Shokin rian bawmtu pa, Vitaliy Kasko cu an riantunning a nuar tuk caah le an chekhlat ning a lungtlin lo caah a rian in aa phuak. Mi tampi an zumhning ah Viktor Shokin nih hin eihmuarnak a tuah caah Burisman company nih eihmuarnak a tuahmi an kawl kho lo tiah an zumh.

Biden rules out in-person appearance at Democratic convention

US Vice President a simi, Joe Biden nih a fapa sualnak a kawl lengmang tu, Viktor Shokin nan phuah lo ahcun US nih Ukraine bawmh dingmi US$ 1.Bilion cu ka tlaih lai tiah Januarty 23, 2018 lio ah video record pakhat ah a rak chimmi a um. Viktor Shokin cu prosecutor sinak in Ukraine cozah nih a phuah hnu ah Joe Biden fapa director a tuannak Burisma company tazacuainak zong cu an rak ngol piak hna.
Joe Biden nih April 25, US presidential cuh dingah thawng a thanh. Hunter Biden zong cu Spring lio khan Burisman company in a chuak ve. Company in a chuah ni thla atu tiangah Burisman company nih an chim duh lo, an thuh piak. Mah an chim duh lomi nih an din lonak a langhter tiah an zumh. Joe Biden Presidential cuh a timh hlan in a fapa a chuah a si ahcun Donald Trump hi a sualnak a thiang colh ding a si hnga.

May 19, 2019 ah khan President Donald Trump cu Fox News nih interview an tuah lio ah, Joe Biden nih a fapa Hunter Biden cu tazacuai lo dingah Prosecutor Shokin cu phuah dingah pressure a pek tiah a chim. July 24, 2019 ni ah Special Counsel Robert Mueller nih Russia nih President Donnald Trump cu 2016 Presidient thimnak ah an bawmh le bawmh lo report cu congress ah fianternak a rak tuah I, Donald Trump cu impeachment tuah tlak a sualnak an hmu lo. Mah ruangah Democrats pawl cu an thin a hung, an lung a tlin lo caah President Trump cu phundang in a sualnak kawl hram an thawk colh than.

Joe Biden appears to be sleeping during Obama's debt speech. - YouTube

July 25, 2019 ah khan Trump nih nih Ukraine President Zelensky cu Joe Biden fapa, Hunter Biden nih Zurisma zinan company I director a rak tuannak kong a hal chihmi kong cu CIA ah spy a rak tuanmi a si lai tiah an ruahmi Whistle Blower nih August ni 12 ah khan the inspector general of the intelligence community ah report a tuah caah atu bantuk in thil a chuahnak hi a si. President Trump zong nih Ukraine President Zelensty he minutes 30 chung an I chonhnak vialte cu zapi hmuh ding in a chuahpi lawlaw.

September 24 ah House Democrats pawl nih President Trump cu a nawlngeihnak hmang in Presidential candidate Joe Biden sualnak cu ramdang mi hmang in a fial hna caah phung a buar ti in Impeachment tuah dingah an thawk colh ve.
President Trump nih Joe Biden fapa nih eihmar ziknawhnak a tuah le tuah lo ka hlatmi a si lo. Corruption an tuah le tuah lo kong ka hlathlaimi a si, China cozah zong nih Joe Biden techung nih eihmuarnak an tuah le tuah lo hlathlainak an tuah ding a si tiah October 3, ah khan a chim chap.

House ah Trump sual kawlnak an chuhapi mi cu House committee minung 6 nih hlathlainak a tuahmi vialte cu House Judiciary committee ah an chuahpi lai. House Judiciary committee nih an chuahpi mi cu House Representative hna nih debate an tuah hnu ah vote an thlak lai. House Representative palai cheu hnih ah cheukhat nak tam deuh, simple majority nih an tei ahcun impeachment cu senate ah an chuahpi lai. House ah hin Democrat s 235 an um I, Republican 197 lawng an um . Cucaah Democrats cu minung an tam deuh caah fawi tein an pass lai tiah zumh a si.

House I an pass mi cu Supreme court hruainak in Senate ah an chuahpi than lai I, Senate palai minung 100 chungah cheu thum cheu hnih, minung 67 nih President cu a sual tiah thimfung an hhlak hnu lawngah President Donald Trump cu a rian in phuah khawh a si lai. US senate ah hin Republican 53 an um I, Democrats 47 an um caah Democrats nih vote 67 hmuh khawh dingmi cu a si khawhnak lam a tlawm taktakmi a si. Republican Senator minung 20 nih Donald Trump an doh than I, Democrats lei I an ttan lawnglawng ah President Donald Trump cu President sinak in an dawi khawh lai.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha