FDA nih cohlan cangmi Covid-19 zawtnak hrik mah le inn cio ah i testnak, home test swabs an tuahmi cu 100 ah 80%-90% a result a dik tiah University of Washington [ UW ] le Seattle Children’s Research Institute in Dr.Chu nih NBC news ah a phuan. US cozah nih rammi minung million 50 renglo testnak an tuah khawh cang hna. Inn kip ah testnak an tuah thluahmah lio a si. Vawleicung ah US cu covid-19 testnak a tuah thawng bik an si. Test mi an tam caah, zawtnak zong atu nak in tha deuh in an control khawh cang lai ti a si.

Looking past 60K deaths: Trump still refusing to come to terms ...

Relchap <<By Salai Lungthli Tum: Fimcawnnak le rum kawlnak hnu in ram le miphun ca pumpeknak lamthluan lei ah; Caan sau ngai khua ka ruah hnu ah tukum thimnak ah Thantlang peng Pyine No.2 in luh ve ding biachahnak ka tuah, ka nu le ka pa zong nih thluachuah an ka ham piak cang. Fimcawnnak ah India college tha bik a si vemi Loyola College in bachelor ‘first class’ ka dih, ka chunmang a simi England zong ah MBA ka dih fawn. Pumpak rumnak chawva zong ka kawl than i ka tinhmi dirhmun cu ka phan cang. Atu hi ram le miphun caah ka sining dihlak ka pek caan a si cang tiah ka ruah. Ram le miphun caah saduhthah tampi ka ngei ve, nain ka saduhthah tlinter ding ah midang rinh awk an tha lo timi fiang tein ka theih. Hi ruang ah keimah pumpak hrimhrim luh ka tim hi a si. Independent in ka luh lai caah MP ka tlin ahcun vuanci le CM tibantuk cu tutan ah ka ngah lai lo a fiang. Nain, MP pakhat dirhmun in ka si khawh tawk Chin miphun dihlak caah riantuan kaa zuam lai. Khuate ka kal tik zong ah ka tuah khawh ding lawnglawng bia ka kamh hna lai.

Kaa tinhmi hi tuhnu kum 5 ca lawng ah a si lo, MP sawhsawh va tuan lengmang ding zong a si lo. Chinram caah ka saduhthah ka tlinter khawhnak ding caah cun Chief Minister tal ka si te hrimhrim a hau. Kum 15 maw kum 30 tiang a rau kho .Suu Kyi cu ka uar tuk, ka thih hnu tiang zong ah ka upat ko lai. Nain, ‘central power’ a tam tuknak party NLD ah cun zeitik hmanh ah luh kaa tim lo. Doh zong ka tim fawn hna lo, an tlamtlin lonak belte cu ka phuan pah te ko lai. Bawmh khawh tawk zong bawmh ka timh fawn hna.

 

Cun, CNLD bantuk in thutnak ngah duh ah miphun min zuar kaa tim bak lo. Ka party ah Chin ka telh(te lai) ruang ah vote pek ding ka si lai lo, ka tuahsernak tuanbia le miphun ka dawt le dawt lo ruang deuh ah vote pek or pek lo ding a si lai. Pumpak hlawknak caah si loin miphun caah riantuan a duhmi poahpoah he rian ka tuanti lai, hawikom ka ser hna lai. Nain,pumpak hlawknak a duhmi belte cu hrial an si lai. Keimah meehmun ah aa cuh ding hi Dr. Hmuh Thang, Saya Rung Kaw le MP Ni Sui Lian an si. Miphun a dawmi lawngte an si ve. Keimah caah harnak tampi a um lai, nain a dikmi zumhnak a um ko ahcun teinak a um hrimhrim lai tiah ka zumh. A donghnak ah, MP ka tlin ahcun ka ngahmi hlawh fangkhat hmanh kaa lak lai lo. Keimah nak a herh deuhmi sifak harsa bawmhnak caah a dihlak in ka hlut lai.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha