Coronavirus khamnak sii testing tuahnak, zuarthlainak le sernak ding caah, tiin US cozah nih Novavax Inc cu $1.6 billon a pek. Cu ti i phaisa tampi a pek nak a ruangbik cu 2021 January tal ah cun khamnak si tlang 100 million tluk tam hrawng tiangin chuah kho hna seh, ti a duh caah a si.Cu le cangka, Novavax a share cu 35% tiang a kai manh. Tutan i company pakhat kut chung i phaisa an pekmi hi cuhlan i an pek balmi phaisa vialte lakah a tamcem a si.

Khulrang in Karhlannak an tuahmi rian nih a hi zatzat chawva a hmannak a ruang cu coronavirus khamnak sii tlang 100 million hrawng chuah kho seh, ti a duh i, tu kum a dih lei cang tal ah cun cu khamnak sii cu phawtzamh thok khawh dingin timhlamhnak an ngeihpiak hna caah a si. Asinain, khamnak sii serkhawh dingin a ni zumhraih piakbik mi cu kumvui January asiloah February khi a si. Cunak tuan zongah kan ser khawh an zumh, tiah Novavax Chief Executive Stanley Erck nih Reuters ah a chim.Tutan phaisa chungin hin a dotthumnak sii hneksaknak ca zongah kan hman lai. Cucu, minung tak chungah hneksak tuah a si te lai i, October tal in cun kan tuah khawh te theu lai, tiin a chim.March lio ah khan Johnson & Johnson nih an ser cuahmahmi khamnak sii caah $456 million siseh, April ah khan Moderna Inc nih an ser cuahmahmi khamnak sii caah $486 million siseh, cun May lio ah Oxford University he tangti in khamnak sii a ser cuahmahtu AstraZeneca caag $1.2 billio, tiin cozah nih an hmanter hna hnu ah a tu bantukin thawng an thanh hi a si.

Vawlei pumpi huapin Coronavirus nih a thahmi hna hi ting 5 lengkai an si cang. Cucaah, mithattu pulrai thalo khamhnak ding caah a himmi le hmual a ngeimi khamnak sii ser khawh hi a biapituk mi rian a si.Marland ah a ummi Gaithersburg company hi coronavirus khamnak sii sernak rian ah tei a ma taktak mi a si ve. Khulrang tein khamnak sii ser dingin rian an khinhmi hna company mincazin lakah Gaithersburg hi ai tel lem lo. Ai telmi pawl cu Moderna, AstraZeneca, Pfizer Inc, J&J, le Merck & Co. an si hna.March lio i $4 million invest an tuah hnu ah May ah khan Novavax nih a hlei in Colalition for Epidemic Preparedness Innovations sinin $388 million bomhnak a hmu cang. 2020 chungah khamnak sii tlang 10 million chuah dingin US Department of Defense nih Novavax cu $60 milion an bomh fawn.
Novavax nih cun khamnaksii sernak techonology cu a dang sehzung ngan taktak pahnih sinah a kuat ve cang hna. Emergent Biosolutions zong nih sitlang a serpiak ve cang.

Virus a doh khotu immune system thanchotertu canser tlopnak sii phun khat hmangin Novavax nih khamnak si hi a sermi a si.Tu lio cu Sweden ah a cancer thlonak sii a ser lio pi a si. US ah virus khamnak sitlang billion pakhat tiangin kan ser khawhnak hnga, tiin thazaang an chuah lio pi a si. May hlan chung kha cu minung takpum chungah an hneksak lem rih lo. An hneksak rih lo nak a ruang cu, hi khamnak sii hi thilnung (ceep bantuk) takpum chungah an zuat/ciinmi a si i, lenglei vun chuah i vun thenh nak dingah cun ni 30 tal hngahngan a hau rih caah a si, tiah an chim.Thlapa thla khat cu kan sung bantuk ah a cang ko nain, kan data ningin cun kan kal kho ko, tiah a chim.Saram (rannung) takpum chung i test an tuahmi zoh tikah, immune system a thawnter ngai kha hmuh khawh a si i, virus thawhkhawhnak thazaang thawng taktak zong ai ngeih, ti a lang.

Hmaizarh hrawngin cun Hneksaknak dotkhatnak a phichuak kan hmuh theu cang lai. August asiloah September tal khin cun avoihnihnak hneksaknak kan tuah khawh te theu lai. Cun October in cun avoithumnak (a donghnakbik) hneksaknak kan tuah khawh te lai, tiah kan i ruahchan, tiin Erck nih a chim.Hmaikum deet ka khin cun US chungah thla khat ah khamnak sii tlang 50 million reet in kan ser khawh te lai, tiah ruahchannak kan ngei ko.

US chung i khamnak sii a ser chuahmahmi sehzung tampi lakah a ngan taktakmi sehzung kan si. 2021 khin cun US chungah khamnak sii tlang tam taktak kan ser khawh te lai mi hi kan i hlawkbikmi thil cu a si te ko lai, tiah a chim.Czech Republic zongah siai sernak sehzung an ngei i, Europe ah a dang 2, cun Asia ah 1 hrawng cu ngei chap kho u sihlaw kan duh ko, tiah Erck nih a chim. Cun, India i siai a serntu sehzung pakhat he zong rian kan tuanti. Kan i timhmi taktak cu thlakhat chungah sii tlang kan sermi hi 100 million lenglo si kho peng seh, ti hi a si, tiah Erck nih a chim.Credit:  chelsea Bawi

By Chuncha