Florida ahcun mipakhat nih Biden/Kamala campaign nak catar pawl bulldozer in a hrawh piak dih hna caah police nih an tlaih. Early voting hi nihin tiang ah minung 58 million midang nih an ti i, 60 million renglo an si cang tiah Reuters hna nih cun a chim ve. 1908 hnu in US election ah vote thlak tamcem kum kan si lai, tiah an zumh fawn. Kum 2016 kha vote tla mi dihlak 137 million asi i minung 100 million nih vote an thla duh lo.

The air quality is filthy': How Indians reacted to Trump remark during  presidential debate | Trending News,The Indian Express

Tuhi Pres. Trump cu a sinak dihlak le thazaang dihlak in campaign cu a tuah cuahmah ve ,Pennsylvania ah a au cuahmah ko. Hitluk in a thazaang um ek a chuah mi ah a sungh sual ahcun ai lungsak tuk ve lai zumh a um. Poll le media nih a hlan kan in an chimmi hi a dik dih ti khawh an si lo caah Trump tanhtu pawl tha chiat ding asi lai lo. Kum 2016 lio zongah poll in Hillary nih Trump a tei ko nain election nikhua a vun tlin taktak tikah Trump nih a tei ko, Cucaah thil hi ai letthal kho tham mi asi ko rih.

Trump's 'beautiful' failures | US & Canada | Al Jazeera

Relchap>> Senate nih Amy Coney Barrett cu an fehter cang. President Trump ca lawngah teinak si loin, Khrihfa ca hrimhrim ah teinak thawngtha a si. Pathian thawnnak hmual a langhnak zong a si fawn. Mah ruangah President Donald Trump kan dirkamh cionak a si. President Donald Trump nih tutan thimnak ah teinak co lo hmanh seh, Supreme Court ahcun khrihfa kan zumhnak a him cang. Pathian a tel ahcun Zei paoh a si kho ko. Khrihfa zumhnak a dirkamhtu President Donald Trump nih teinak a hmuh thannak dingah thlacam cio kan herh rih.

GOP senators power Amy Coney Barrett toward Supreme Court confirmation

Tuan i ka tial bantuk in Republican senator 53 an um i, Maine Senator Susan Collins lawng nih duh lonak thimfung a thlak. Democrats 45+2 Independent le Susan collins an dihlak 48 nih duh lonak thimfung an thlak. Pathian thawnnak a langh nak a si. White House ah President Donald Trump nih lawmhnak puai a tuah hnu ah Supreme court Justice caah biakamnak a tuah colh lai.

Supreme Court ah khrihfa zumhnak a dirkamhtu conservative biaceihbawi, minung 6 le zum lotu hna a dirkamhtu liberal biaceihtu minung 3 an si cang, cucaah khrihfa zumtu hna caah kan himnak a si. Hi hnu kum 30 in kum 40 chung cu khrihfa mi kan him rih lai tinak a si. Zum lotu hna le liberal democrats hna nih an dirpi mi nule nu pale pa thit-umhnak, same sex marriage, nau thah, nau hrawh, abortion, nu sinak le pa sinak a thlengmi hna, transgender timi a pommi hna caah cun thawngchia taktak a si ve.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.