Nizan i thawngpang kan theih mi tuk a sum taktak mi Phakanh vawlei cimh ruangah thihnak kan tong mi cu vawlei ahnih dih i kan ngai a chia cio. Vawlei cung ngai hi an pawcawmnak ah riantuan cio a si tikah kan kawl tuan cio mi hi a khat cio lo, pawcawmnak ruang i riantuan ruangah hi ti bantuk thihnak vanchiat tong a si tikah atuar tu ca labang cu celh ding hrim khi a si lo. Mah ahcun nuhmei ngaktah fa hna an um ti bantuk tanwg a leng tam ngai tikah ngaih achia khun ko.

Kanmah Chinmi zong minung pa 5 an i tel ve hyna ti mi thanwg kan theih cu ngaih a chia hringhran. Tuarpi thiam zia zong thiam a har ngaingai hna. kaltak mi chungkhar tu Bawipa nih hnemh hram ko hna seh. An ruak an taklawng zeihmanh hruk lo in an chiahmi hna khi cheukhat cah zoh a rem lo ngai nain, an chiahnak aruang bik cu an chungkhat pawl nih pakhat khat tal in an taksa ah chinchiahnak an theih nak hna caah an chiah mi asi ti kha mipi nih kan i fiang dingah theihter ka vung tuah ta hna. 

July 2, Phakanh vawlei cimh ruang ah minung 200 leng an thi i, ruak hmuh mi 172, Ai hliam mi 54 an si cang. Mah chung in kan Chin, minung 5 zong an ni tel ve tiah Phakanh Chin Chiat that Bu, President U Nung Thang he kan i chawnhnak in thawng kan theih., kan lung a tha lo tuk.
19 Nov 2019 ah ACSY in Phakanh Chin Chiat that Bu kan tlawng hna. Chin Upa 100 hna he tonnak le Meeting ah Chin issue he pehtlai in ceihhmainak zong kan ngei ti hna. Tantak mi chungkhar Bawipa nih kan hnemhpiak ko hna seh. Credit: Peter Ngun Za Cung

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha