Commender in Chief Min Aung Hlaing telh in thahrum in uknak la tu chungtel ralbawi minung 10 le Companies 3 cu President nawl chuahnak in dantat an si. Cu hna pawl cu Commender in Chief Senior General Min Aung Hlaing, Deputy Commender in Chief Lieutenant Senior General Soe Win, General Tin Aung San, General Mya Tun Oo, Lieutenant General Aung Lin Dwe, Lieutenant General Ye Win Oo, Lieutenant General Ye Aung.

Image result for min aung hlaing

Lieutenant General Tin Htut, Lieutenant General Sein Win le atu lio Acting President U Myint Swe an si. Cu lak ah Commender in Chief Senior General Min Aung Hlaing le Lieutenant Senior General Soe Win cu Rohinga pawl cung ah ningcang lo thazaang hman mi kong he pehtlai in Human Rights phung buar tu tiah 2019 kum tein cu dantat cia an si.

Image result for min aung hlaing

Ralkap he pehtlai mi chawkhelnak rian pawl asi Cancri (Gems & Jewellery) Co., Ltd. , Myanmar Imperial Jade (Gems & Jewellery) Co., Ltd. le Myanmar Ruby Enterprise (Gems & Jewellery) Co., Ltd. zong cu dantatnak ah cun telh an si ve. Hi dantat nak lawng si lo in US cozah nih Myanmar Defense Ministry, Home Affairs Ministry le Security Forces pawl caah thilri pawl kuat le zuar ding zong an phih lai tiah theih asi. (Ref: BBC)

Relchih: Myanmar ah ralkap nih nawlngeihnak an lak hnu in mipi lamzawhnak a tam chin lengmang, ralkap lei zong nih an tlaihmi an tam chinchin. Hi lio ah 2012 i cozah he remdaihnak a tuahmi CNA nih cun an chungkhar, an nupi le fale hna caah Mizoram cozah sinah i dor chungnak nawl (asylum) a hal tiah theih a si.

Mizoram ah dornak a halmi CNA ni chungkhar 40 hrawng an si. CNA nih cun Camphai District ah halnak ca an tial. Camphai District in cunglei ah a kal rih lai. Asylum kongah hin ramkulh cozah nih biakhiah khawhnak a ngeih thlu lo caah India cozah, Home Security tiang a phan lai i cu hnuah biakhiahnak tuah a si te lai tiah Camphai district deputy commissioner Maria CT Zuali nih a chim.

CNA nih Mizoram ah dornak an halmi kong he pehtlai in Mizo mipi nih cun lunglawm tein cohlan ding le umnak zong khanpiak dingin timtuahnak an ngei. Asinain ramkulh cozah nawl lawng a si lo caah zeitindek thil umkalning a si te lai?

CNA cu CNF tangah a ummi an si bantukin Mizoram i dornak nawl an halmi kongah CNF hnatlaknak aa tel theu lai tiah zumh a si.. Source: Indian Express (Hmanthlak: Google)

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.