UN Sectretary general, António Guterres cabuai cung ah cakuat pahnih a phan. Pakhat cu Ambassador Kyaw Moe Tun sin in a si. Kyaw Moe Tun cu President Win Myint le Foreign Minister Aung San Suu Kyi nih Sept. 4, 2020 ah UN ambassador caah an rak thimmi, a si bantuk in, keimah hi Kawlram ambassador ka si peng rih ko i, ka peh rih ko lai tiah ca a kuat.

UN Secretary General Race: Antonio Guterres | Time

A pahnihnak cu Min Aung Hlaing aiawh, State Administration Council in a si i, Kawlram ambassador Khyaw Moe Tun cu a rian in dinter a si cang caah, Kawlram Cozah a aiawh kho ti lo. Cucaah, amah dirhmun ah Myanmar’s deputy U.N. ambassador, Tin Maung Naing kha, Ambassador ah kan kaiter tiah ca an kuat ve. Asinain Tin Maung Naing nih ka cohlang hna lo tiah a facebook ah a taar colh.

Myanmar: Police fire water cannon as protests grow over military coup |  World News | Sky News

Tulio hi Kawlram ah Cozah pahnih an um lio a si i, UN ah kawlram tthutnak cu ralkap maw an pek hna lai? CRPH dah timi a fiang rih lo. Secretary General cabuai ahcun cakuat pahnih cu an um ko rih. UN members vialte meeting tuah in biakhiah a hau men lai tiah biavaivuan a chuak pah.

Mipi cungah ral a thomi, ralhrang Min Aung hliang/ralkap nih mipi cu an kah hna i, minung 38 an thi cang. Cucaah, UN Security Council ah innkhar ikharkhumh in meeting an tthu tthan colh lai. Zeibantuk biachahnak dah an tuah khawh te hnga?Credit:Zasang Cinzah

Relchih: Hakha le Thantlang ah palek a tuanmi Laimi tam deuh cu CDM ah an i tel dih cang, ti a si. Cu kong cu cheukhat nih Fb ah an an tial nain Hakha lam zawh lutlai cheukhat nih an sik hna, media zong an tialter duh hna lo. Palek caah a him lo ee an ti. Palek pawl nih cun CDM kan lut cang tiah palek lutlai sin ca an pek. A thli tein an tuahmi a si lo. Media nih hhi kong thawng an thanh ruang ah an ca tih a nun hleinak ding ka thei lo, an pu sin ah cazin a um dih ko cu ta.

Kan palek pawl tam taktak CDM ah an i tel ve timi hi media nih rak thanh hna sehlaw mipi kan thawng chinchin lai. Ai tel rih lomi zong CDM i tel duhnak lungthin an ngei deuh ve lai ka zumh. A chel ah cun lutlai ai timi cheukhat hi nan i ralrin a luan tuk deuh ko rua, i ralrin cu a tha ko nain a hleiluat tuk in i ralrin belte cu langak bantuk ralchiat tiah Laimi nih cun kan ti. Credit: Salai Lungthli Tum

Chin Ramkulh, Pengkomh le Peng Meithat Zung in CDM ah a luut mi 60 nih a voi hnihnak cathanh chuah: Chin Ramkulh (Pyine), Pengkomh (Khayaing), Peng (Myone), le Surkhua Meithat Zung in CDM ah a luut mi minung 60 nih a voi hnihnak cathanh cu March 1 ah khan an chuah than, tiah kan theih. Cathanh an chuah mi ah, “CDM ah aa tel mi cheukhat cu khunh hal loin Zung a kai lo mi cazin ah kan min an khumh.

Cucaah, Ramkulh, Pengkomh, Peng le Surkhua in Meithat Zung ah riantuantu minung 60 cu CDM ah kan luut, tiah kan thanh than. Rian kan tuan lio ah upadi he aa tlak in rian kan tuan i kan tuanvo kan tlamtlinh. Rian kan i phuak lo. Cunglei upate zeirello le an nawl ngai loin kan um a si lo. Ramkheel rian kan tuan a si lo. Nawlngeihnak a latu Ralkap kuttang ah riantuan kan zuam ti lo ca ah CDM ah kan luh mi a si. Mizapi kut asiloah thimnak ah teinak a hmu mi hna sin ah nawlngeihnak a phanh hlanlo, Zung kan kai lai lo i rian kan tuan lai lo, tiah cathanh kan chuah than,” tiah an tial.

Atu bantuk in Meithat Zung ah rian a tuan i CDM ah a luut mi hi Laimi (Chinmi) deuh lawngte an si. Hi kong ah Meithat Zung lutlai pakhat nih, “CDM luh kan duh cio ko nain thaal caan a si. Zung hngaktu pa thumli tal kan um lo ahcun ruahlopi in mei kaang hna um sual sehlaw kan i thlahphawih lai, ti kan phan ca ah a si,” tiah The Hakha Times ah a rak chim bal.

Kawlram he Pehtlaihmi Thawng: 1. England sawmnak in Kawlram kong cu innkahrenkhumh in a biapitukmi UN meeting cu 5 March 2021 ah an tuah lai i meeting hruaitu cu US a si lai tiah theih a si. 2. South Korea upadi ( law) lei in professional minung 6 nih kawl ralkap an tuahsernak thalo cu vawleicung International Criminal Court (ICC) ah chuahpi dingin timtuahnak an ngei tiah theih a si.

By Chuncha

Leave a Reply

Your email address will not be published.