Secretary-General’s Special Envoy on Myanmar Situation in Chin State as well as Sagaing and Magwe… incidents have echoed harrowing acts committed during 2017 “Clearance Operation”…..”Strong appealed for unified international action”…

UN Secretary General nih Burma ram I lamkaltu a thlah mi nih cun; Chin ram, Sagaing le Magwe I a cang cuahmah mi thil hna hi tuksapur in kawl ralhrang nih 2017 lio I Rakhine ram ( Rohinja miphun hna) I an rak tuah mi he ai lo. Cu caah vawlei cung ram hna nih kanzapi in action kan lak hrimhrim ahau tiah UN ah a ti tthan.

Kan ram sining kong ah Democracy a ttanhmi Vawlei cung ram ngan deuh le UN lei I kan konglam he aipehtlai mi viate cu an hna kan pemh lo mi hna le bia kan ruah lo mi hna hi an um ti lo ti awk tluk deng asi. Chim ding bia vialte cu chim le rel dih asi ko cang. Pathian nih a rem a ti ah cun kan tuarnak hma thawng hin ram pumpi him nak zong kan phan te ko lai. Kan chim voihna, lungsau te in kan ttang ttualmal rih hna lai. Credit: Salai Bawi Lian Mang

THINLUNG DIHLAK DAWTNAK NIH MIPHUN THLUACHUAH PEK AWKAH PATHIAN CU A CANGHTER LAI (Zaangfah tein rel dih mu) PATHIAN nih Abraham cu Thluachuah pek a timh taktak tikah, Abraham cu a hneksak! Ishmael cu Abraham fapa si ko hmanh selaw, PATHIAN nih zumhnak lei, thlarau lei in Abraham tefa ah a chiah lo caah a hal lo i, “fapa pakhat te lawng na ngeihmi Isak, na dawt ngaimi kha khangh thawinak caah ka pe,” tiah a hal (Gen 22:1-2).

Abraham nih PATHIAN a dawtnak cu a fapa Isak a peknak in a langhter! Cucaah Abraham cu BAWIPA nih Thluachuah a pek i tefa Thluachuah, Miphun Thluachuah cu a pek! Cucaah Abraham cu zumhnak pa, thlarau lei pa ti a si ( Rom 4:17). Nihin, kan Ram le Miphun caah chaw kan pekmi hi PATHIAN kan pek tiin hun ruat u. Zeicahtiah, BAWIPA nihcun, saram siseh, tangka siseh, a ei bal lo i kan thinlung tu kha a duhmi cu a si. Kan thinlung cu ‘aman’ kan pekmi hin kan langhter. Thongkhat na pek ahcun, thongkhat man in PATHIAN le a Miphun hi na dawt ti nak a si. Thongnga, thonghra na pek ahcun, thongnga man, thonghra man in na dawt tinak a si. Na tangka fang dihlak na pek ahcun, na thinglung dihlak in na dawt ti nak a si.

May be an image of 1 person and indoor

Ramțha a ummi Miphun dawtu hna, Thantlang khua a kangh nak in hninh nan si hnu zongah zaran cu thongkhat ah nan i zi ko rih hna. PATHIAN le a Ram na dawtnak cu thongkhat man te lawng a si! Thongkhat cu sing/ting 15-20 lawng a si. Nan dawtnak ngeihmi hi a fa tuk rih lo maw? Ram pakhat, Miphun pakhat sersiamnak caah nan i biatak nak thinlung hi, BAWIPA hmuh ah a za rih lo. Cucaah, zaran nihhin, nan motor pakhat cawknak cio tal in, BAWIPA nan dawtnak, Miphun nan dawtnak, Ram nan dawtnak cu BAWIPA Hmai ah nan langhter awk a si.

Zaran nak in PATHIAN nih thluachuah a pek deuhmi hna nihcun, Hakha, Thantlang i inn pakhat cawk/sak khawhnak tal in, BAWIPA nan dawtnak, Miphun nan dawtnak, Ram nan dawtnak cu nan langhter awk a si. Thongnga thonghra nan pekmi nih inn pakhat a caw in a sa kho lo. Cucaah BAWIPA le a Miphun, BAWIPA le a Ram nan dawtnak cu inn pakhat hmanh a caw kho lomi, a sa kho lomi dawtnak lawng a si caah, BAWIPA caah Thluachuah pek awk a tlak taktak rih lo. Cun, Chin Miphun lakah Abraham bantukin BAWIPA nih Thluachuah a kentermi hna nan um i cu hna tu nihcun, Motor pakhat cawknak siseh, inn pakhat cawknak men siseh a za ti lo! Nan tangka fang dihlak khan, nan pek a herh cang! Cucu, kan thinlung dihlak BAWIPA nih kan Miphun caah a kan hal mi cu kan si.

Abraham bantukin Chin Miphun le Chinram caah Thluachuah a ham tu ding caah, BAWIPA nih Special in thluachuah an pek hna i nun an hal țhanmi hna, dawtnak an halmi hna, an hneksak mi hna nan um ko. Asinain, nan pe rih lo! Thong 10 thong 20 cu nan pek cang ko. Cun, a herh ahcun ka chap te lai tiah siang ngaiin nan um ko. Cucaah thinlung dihlak nan pe rih lo. Nan pek taktak mi cu nan tangka fangin nan ngeihmi cheunga cheukhat a si lo le cheuriat cheukhat tibantuk hrawng lawng nan pek rih. Cucaah, BAWIPA le a Ram, BAWIPA le a Miphun, na Ram le na Miphun na dawtnak thinlung cu, cheunga cheukhat a si lo le cheuriat cheukhat te lawngin na dawt ko rih tinak a si.

Josep nih a pa Jakob cu a thinlung dihlak a hal. Cucu a a sianlo bikmi Benjamin a kalter kha a si. A sian lo bu tein, Benjamin cu a pek caah, ti le rawl ei cawk lo a hmuh i, a rak sungh cangmi a fapa dawt kum 20 renglo a rak țah cangmi Josep zong a hmuh kha! Ahodah, Kan Miphun aiawh in, BAWIPA a daw taktak lai? Aho dah dawtnak tlingin Miphun caah Thluachuah a ham kho lai? BAWIPA nih a kan hal ee!

BAWIPA JESUH nih, ” ka ti a hal,” a ti bang, Chin Miphun caah thinglung dihlak dawtnak aman a petu ding BAWIPA nih a kan hal. David zong nih Bethlehem tikhor ti a ngai ruang mang! Thih le thih tiin a mițhawng pathum hna nih an thanpiak. David nih a ding taktak lo, thih le thih tiin an than mi thi hi ka din lai maw a ti i, BAWIPA Hmai ah a thlet! Cucu dawtnak phung cu a si. Mithawng pathum nih thih le thih tiin an thanmi, David nih BAWIPA Hmai i a thlet mi Bethlehem ti/thi cu, Bethlehem i a hung chuakmi JESUH KHRIH ah a hung i cang i mi vialte nunnak caah thlet mi KHRIH thisen cu a hung si ( 2 Sam 23:15-17).

David mițhawng pathum bantukin, aho dah, Chin Miphun David caah Bethlehem tikhor ti/thi a chawva dihlak in a than kho lai? Tahchunhnak ah, Pu Ngun Tling maw? Hluanku pa maw? Aho dah a tangka fang ngeih dihlak BAWIPA Hmai ah Miphun caah a thle lai? Abraham nih a caan kum 25 a pek ko. Asinain Isak hrimhrim in, Abraham thinlung cu hneksak a si. Hihi vanlawng kahnak le zeidang hriam vialte nakin cawk deuh ding hriam țhabik cu a si.

Nihin, Bethlehem tikhor ti bantukin, nan nunnak thazaang dihlak i nan thanmi nan chaw hna, BAWIPA Hmai ah thi/ti bantuk in Chin Ram le Chin Miphun caah nan thlet cang mi le nan thlet laimi, thawinak hna hi Chin Miphun pi kan caah nun khawhnak Thluachuah a phurtu cu a si i BAWIPA Thinlung nih a kan halmi dawtnak, caansau a nguh mi Thluachuah cu a si.

Cu bantukin Miphun caah thinglung a ngeitu hna hna cu BAWIPA PATHIAN nih Abraham bantukin Thluachuah an pek hna lai. Chin Miphun dawtu pa/nu tiah Thluachuah an pek hna lai. Tefa thluachuah le chungkhar thluachuah an pek hna lai. Ramchung um mirum tampi hi cu Ishmael bantuk in BAWIPA halmi an si rua hna lo? Isak le a pa Abraham cu Moriah tlang lei ah an nunnak hmuh țhan awkah, an nunnak pek awkah an kal nuahmah bantuk in, kan nunnak hmuh țhan awkah Moriah tlang thawi awkah i thawh hna usih. Isak he kan rak kir țhan lai. An rel cio nak lai kua chin hna KHRIH Lamkaltu, Tluang Lian ( Martar)

By Chuncha

Leave a Reply

Your email address will not be published.