USA president Donald Trump cu Coronavirus a ngei nainsiizung ah um duh lo in White House ah a lawi. Zarhteni hi White House hmai ah mibu tonnak a tuah lai i cuka ah cun bia a chim ding a si caah siibawi le zawtnak kong a theimi tampi nih an mawhchiat ngaingai.

Donald Trump Campaign Says 'Dishonest Media' Misinterpreted His Second  Amendment Comment : NPR

Mah cu lawng a si lo, Fox News nih a chimning ah Tucker Carlsons Talkshow ah interview aa tuahter hna lai i cuka hmun ah cun TV in zapi zoh khawh ding in siibawi Marc Siegel nih a zawtnak kong he pehtlai in a zoh (check) lai ti a si.

One month out, battered Trump campaign faces big challenges - Times of India

 

“Coronavirus hi ttih hlah u, nan nunnak ah i dawnhter hlah u,” tiah Trump nih a chim lawng si loin a rammi zawtnak lei thiamsang hna bia le Centers for Disease Control and Prevention (CDC) nih zulhphung an chuahmi zong a zul lo ti a si. Hmanthlak hi Supreme Court caah min a tar lio a si i mahhi tan hin White House ah zawtnak a karhmi a si tiah theih a si. USA ah Covid-19 in a thimi sing hnih leng an si.

Trump's Campaign Fundraising Falls Far Below Hillary Clinton's | Fortune

Thawngpang Dang>> President Donald Trump nih Democrats hruaitu hna le House Speaker Nancy Pelosi cu Stimulus Check pek khawh lo ruangah faak ngai in twitter ah a soisel hna. Mah tluk in American mipi nih harnak an ton I bawmhnak pek an herh lio caan ah Stimulus check cu politic game celhnak ah an hman. Democrats party nih biapi deuh in an chiahmi cu tthitha in an uk khawh lomi democrats khua le state pawl bawmhnak lawng an tuaktan mi a si. American mipi le riantuan tu bawmh an I tim lo” tiah a chim. US i, sual a tamnak, meithal kah a tamnak le misifak an tamnak khua hi democrats pawl nih an ukmi khua a tam ti a si.

Donald Trump Has Brought On Countless Controversies In An Unlikely Campaign  : NPR

Mah ruangah President Trump nih Republican hruaitu hna le White house Secretary of Treasurer hna cu Democrats pawl he Stimulus Check kongah deal tuah ti lo ding le iceihhmainak tuah ti lo dingah nawl a pek cang hna. A ra laimi president thimnak tuah hnu tu ah a thar in ceihmainak tuah dingah nawl a pek cang hna. Mah ruangah tukum chungah cun cozah bawmhnak stimulus check ngah than dingah ruahchannak a um tuk ti lo.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha