Sungh na tih ahcun, Teinak nih an Hrial ve lai. If You avoid Failure You also avoid Success: Tutan MP cuh a timmi hna tha pekpah in: Minung kip nih tinhmi kan ngei cio. Cucu phanhnak dingah akarlak ah donkhantu tete an um tawn, cucu pah ngam loin na hrial ahcun naa tinhmi cu na phan kho ve lai lo. Tih lo tein pah ngam kan herh. Na pahnak ding lamtu kha thiamthiam a herh. Tho nih thlaalang pah chih bantuk in pah loin, vuikhat na pah in lam a pih ahcun adang lamtu kha thiamthiam in naa tinhmi kha phak I zuam.


(New York Time Best Seller Author and Joel Osteen) nih an chimmi chungin I cawn awk ka lakmi an si. Pastor Joel Osteen kong hi tlawmpal tein ka vun langhter ta hmanh lai. Houston, Taxes state, US ram ummi Joel Osteen hi Pathian nih a hman ngaimipa, Pastor pakhat asi. Member hi thongsawmthum(30,000) hrawng a ngeimi asi. Keizong a Biakinn ah ka va pumh bal ve. An Biakinn hna cu mangtara (angan tak) khi asi. Annih hi tuchan holh cun pianthar buu deuh an si. US ram zongah hin Pathian bia lei in minthang ngaimipa zong asi ve. Joel Osteen le New York Time News paper a tialmi nih Zeitindah anti ti cu, na lam tluan ah harsatnak he naa chiah bal maw? Khakha Minung I kan chuahchan timi cu asi ko. Nain mah harsatnak kha suallam ngeilo in na cungah anrak ratmi tucu ansi lai lo. Mah na tonmi harnak hna kha nangmah nih na cawn awk caah an rak ratmi asi ee tiah an ti.

Thil thalo,harsatnak le caang sualmi (accidental) a chuah lio hmanh ah hin thiltha hmuh khawhnak dingtu kha I zuam. Hibantuk na tonmi hi hmailei na hram fehnak ding le khua na hmuh thiamnak ding caah ruahnak an peetu na (mentor) an rak si kho. Minung hi an sithat lio le hlawhtlinnak an hmuh lionak cha in, Harsatnak an ton lio ah hin, an tlamtlin lonak le an chambaunak kha an rak I theih deuh ton. Culawng hmanh asi lo, Harsatnak an ton lio caan ahhin, an thazaang, ruahnak hna zong fakpi in an chuah caah lung thawnnak le tuar khawhnak zong hi an rak hmuh khunnak hi asi.

Nain harsatnak kan in lio caan ahcun, a hohmanh aa lawm kho cu kan um ruam hnga lo. Mah kan tonmi hna kha hmailei na karhlannak caah thazaang an peetu le hmailei harnak na ton tik ah a tonzia le ruahnak tha an peetu ding hna caah lamtha an hmuhsak chungtu hna an rak si. Minung kan chan cu harsatnak le sithatnak kar ah kan I tenhmi kha kan chuahchan cu asi ko. Cu harnak kan tonmi kha a hman zia a tiammi nih miaknak cu an I chahpi ve ton. Cucu Hmailei Harnak kan tontik caan ah zeitindah kan tei khawh lai, khuakhan, lairel thiamnak (to solve and to handle) ding caah Phunli in ka rak langhter hna lai. You’re going through hard times, that’s Life. But I say, Nothing happens to you, It happens for you, see the positive in negative event.

One. It Happens to Everyone:
Mikip nih harnak tonglo kan um lo. Catial minthang ngaimi pa Majuracykama nih zeitindah atiti cun,Minung kan nunnak, khuasaknak timi cu camipuai pakhat bantuk khi asi. Cu camipuai asimi cu mah le pumpak nih kanmah tein phit cio dingmi subjects kan I ngeihmi hna kan ca an si. Cu bantuk cun Vawlei cungah hin a thawngbik le a Rumbik hna zong khi harnak/buainak he aa chiahmi lawngte an rak sive ko. Minung nih hin kanmah tonmi harnak, buainak kan inmi lawngkhi a harbik ah kan ruah, cun kan tonmi kan hma lawng khi a fak khun rua tiah kan ruah sual tawn.

A chel caan ahcun hitin ka rak I palh caah tubantuk in harnak ka tonmi hi asi tiah kanmah le kanmah kha sual kan I phawt sual tawn. Natein na pawngkam kha rak cuanhchunh tuah hmanh law, nangmah nakin lungretheih le harsatnak in mi tampi an rak um kha na hmuh ko hna lai. Cucaah harnak na ton caan ah na ruah dingmi cu, keimah lawng ka silo, mah le tawk zawn cio in harnak an in cio ko timi kha rak philh hlah. Pawngkam thil a caangmi nih hin, hi harnak cu na tei lai timi kha an theih caah ka cung a tlunmi hi asi tikha rak philh hlah. You alone are not facing problem, we all bear our share. Hihi Keimah chungkhar I ka tonmi chungin, forhfel kan duhmi hna asi. Harnak hi nangmah lawng nih na tonmi asi lo hi philh hlah.

Two. Remember How Far You Have Come!.
Harnak, buainak na rak ton lio caan kha ruat than. Kha lio caan ah zeitluk indah buaibainak na rak ton, zeitindah na tei, zeitindah na daihter khawh, mahtluk lungretheih na um lio caan ah teinak, na rak hmuh lio I naa nuamhnak kha na mittlam ah cuanter law, thazaang thar laknak ah hman kha philh hlah. Zeitluk indah buaibainak na ton tik ah, daihnak lam na kawl piak khawh cang timi kha an theih cang caah tubantuk in buainak kha ka chungah a tlungmi asi tiah ruat ko.
Na rak tonmi buaibainak, harnak rak um hlah sehlaw tubantuk buaibainak a thar kha na ton ding asi ti hnga lo. Pawngkam buaibainak hna nih hin na daihter khawh dingmi buaibainak le harsatnak an si kha an in theih caah tubantuk in na tonmi hi asi. Na tei khawh dingmi an si kha an theih caah, na sin an rat kha asi tiin ruat zungzal ko.You are facing this challenges because you have come through the previous one. Problem-Challenges

Three. Everything is Temporal ! You are having a test for the next step:
Vawlei ahhin zeithil hmanh a hmunmi an um lo. Ngakchia pakhat a ṭhaan deuh tik poah hmanh ah tlennak pakhat phunkhat in a lang ve lengmang. An haa pakhat a kheuh lai hmanh ah an tak lin, an zaw ve ton. Mahti an zawtmi zong kha an pum a ṭhaan duh caah asi kolo maw? A zawtmi nih a chuahpimi thatnak cu an pum ṭhan duhnak caah a rak si.
Hawikom na tonmi harnak hi hmailei karkhat na karhlannak caah camipuai pakhat phit bantuk asiti in ruat ko. A luan ciami caan ah nuamnak le harnak he na rak um, midang pawl hna zong kha an I nuamhnak le harnak he zungzal an rak um ve hlei lo. Tulio na tonmi harnak hi zungzal asi lai lo ti kha theih peng ko. A caan ruah cun a caan nih a liampi vete ko hna lai. Tulio Corona virus hna nih hmailei naa tinhmi kha in hrawk kho hlah she, tlawmpal ah an lo ko lai. Namah le na rian le naa tinhmite kha I tlaih pengko.

Four. You Learn More From Failure Than From Success: Failure and Experiences are Expensive so You will Value Lesson learned From Them. If you avoid failure, You also avoid success. Minung tam deuh hna cu, Hlawhtlinnak an hmuh lionak in, Harsatnak le buaibainak an tonmi chungin an hmuhtonmi nih, an nunnak ah lamtha a hmuhsak deuh ton hna.
Thilman fak deuh in na cawkmi na thilri cu fawi tein na cawkmi nak in tha deuh in na zohkhenh, naa chiah tawn hna. Cubantuk cun harsatnak, sunghzathlakknak na rak hmuhtonmi cu lung mansung bantuk an si. Cubantuk cun Na caan, thazaang le chawva in na pekchanhmi nih minung cu fimnak tam deuh an rak hmuh ton ve.

Vawlei cung ah catial lei in minthang le Mirum a rak simi Robert Teqsaki nih a chimmi cu, Hlawhtlinnak a hmumi pa nih cun, sunghnak an ṭih lo nain, Teinak, Hlawhtlinnak ahmu lo dingpa nih cun sungh ding kha an rak ṭhih tuk ti asi. Ti duhnak cu misifak hna an sifahnak cu zeituah hmanh kha an ngamh lo, ka sung sual lai timi lawng kha an phan. Ngaite kan ti sicun, palhnak le sunghnak, buaibainak nih hin hmailei kan lam tluannak ding caah lam a rak kan hmuhsaktu pakhat bantuk an rak si kha kan thei khawh lo caah a rak si. Palhnak le harnak, buaibainak kha na ton bal rih lo sicun, Hmailei caah tinhmi zeihmanh na tuah bal rih lo tinak asi.

Asi, harnak na tonmi nih a rak in tei lio ah khan cun, hi vawleipi hi sual na phawt ko lai, a dik lo tiah na ruah sual caan a tampi ko lai. Nain mah na rak tonmi na harnak nih khan hmailei teinak phuntling in an hmuh termi cawnpiaktu saya tha a rak si te lai kha philh hlah. Sunghzatlaknak kan rak tonmi hna kha zeihmanh nih a cawk khawh lomi lungvar mansung bantuk asi. Kei hna hi kan ngakchiat lio tein kan sii rak faktuk hlahsehlaw tubantuk in sipuazi tuah duhnak ka rak ngei lai lo. Mokok in China ah Ruby lungvaar ka rak zuar I mah ka rak sunghmi nih a ka chimhmi cu investment tuah tik ah phaisa a hman dan tampi a ka cawn piak.
Ka rak sungh lio ahcun, vawlei pi ka mawtchiat lawng silo in keimah le keimah sual ka rak i phawt len ve ko, nain mah kan tonmi nih thil tampi a ka cawntermi kha tu ahcun ka hmuh ve I ka hmanmi zong a si. Minung kan nunnak lamthluan cu pangpar phahmi lam lawngte arak si bal lo, wedding, nupi kan thit, leh kan I thah dih zan hmanh in buainak le thencheunak in caan a hmangmi an rak tampi ko. Khakha minung kan chuahchan cu asi ko, nuamhnak le buaibainak, sifah caan le sithat caan tiin caan hman ding kan si caah, ralrin zia le caan hman thiam kha a rak biapi ngaimi an si kha philh ding kan si lo. Cu thil tha thil chia chung kar ah a rak I tenhmi kan cawn awktu kha kan nun lam hruaitu dingah hman khawh I zuam hna si tiah kan sawm hna.
Life is a mixture of good and Bad. You have to go through both. You learn more in your failure than Success . Failure and experiences are expensive, so you will Value lesson learned From them. Na rak tonmi kha lungvar man sung an si kha philh hlah.
Khat leiin kan chimh ahcun hi harnak cu hneksaknak a si, cu hneksaknak cu Zumtu nih kan tei dingin Bawipa nih a kan tuah piakmi asi ti kha philh hna hlah si.
Hi na relmi nih hin harnak na ton tik ah bawmchantu pakhat si hram seh tiah forhfialnak he,,,,

Catialtu: Moses Lian
USA

By Chuncha