Nihin Febuary 1 ni ah Kawl ralkap nih uknak an vna lak sinnin vawleicung mizapi cu thinphang le thlalau in kan um cio hna. Hi kong he pehtlai in kan Chin mi caah nunak thap in ramca rian a tuan cu Col. Solomon Thang Ding cu CBN nih biaruahnak kan ngeih.  Atanglei ah tling deuh in rak rel ve law.

Col. Solomon Thang Ding Europe Ah Ni 90 Timi Cauk Tlangzamhnak An Tuah;  Ahodah Catialtu A Si? - THE CHINLAND POST

CBN: 2020 Kawlram thimnak kha NLD nih teinak an hmuh tikah USDP le Ralkap nih mah thimnak hi a dik lo cu caah a thar in thimnak kan tuah piak than uh an ti mi zawn ahkhan nang zeitin dah na hmuh ?

Chin Chin Pek Thang mee pek ding in Thantlang Peng ah a vaak an ka timi hi  lih a si: Pu Solomon - The Hakha Post

Solomon: Aw politic si i Kawl te cu buai an duh ah cun kawlram cu buai awk tamtuk. Kan ni uk nak le kan kal mi hrim hi hlan piin a chia tuk mi a si i a dik mi chuah hi cu a har ko lai buai ding lawngte a si ko kap hninh in.

CBN: Nihin ah ralkap  nih uknak an lak mi cung ah tlangcung hriamtlai (a bik in CNF) nih nan lungput zeidah a si?

Solomon: Ralkap nih uk nak lak cu ho nih kan duh mi si lo.

CBN: A tu ah NLD nih teinak kha zuatuak 83 tluk an co I, rian zong pek an i tim  Febuary nikhat cu Hludaw meeting ding kha a si mah lio ah ralkap nawl ngeihnak an lak i thimnak thar kan tuah than lai an ti mi hi a si kho lai tiah na ruat maw?

Solomon: Aw an mah kap hnih an i chawnh i an ni hmuh thiam hau mi si. Cucu an ni hmuh thiam lo ca ah a tu hi tin hin ralkap nih an ti mi si ti in ka ruah ko.

CBN: General Min Aung Hliang nih 2008 phunghram pi hi nan zulh lo ahcun hrawh khawh a si tiah a chim  cu kong he pehtlai in hal kan duh mi cu a tu Phunghram hi a hrawh in hrawh ah maw a that deuh lai si lo le a remh in remh ah dah?

Solomon: Tlang cung mi nih kan duh mi phunghrampi chuah ding ah cun a zei poh kan duh ko.

CBN: Kawl Ralkap nih uknak an van lak thawng van theih in Chin mizapi an thin a phang, ral i kahnak le kuliphurhternak a chuak than sual lai tiah thin domh in an um mah kong he pehtlai in mizapi sin ah chim na duh mi?

Solomon: Aw kawl te zia cu chim awk tha lo a sining hoih  in kal mi si i tih ding um lo, kan nih tlangcung mi NCA min thu mi ca ah cun a tha ko lai tih ding si lo. Mah le rian cio kha tuan ko uh, a dik mi thawngpang tu chim hna sehlaw mah nih tawnchom in mah ruahnak in mipi lauter tih ding thawng chim lo kha tha bik lai. Chin mi kan lung rualnak  ah hmang ko hna uh sih

CBN :Kan biaruahnak ah na caan sunglawi na kan pek i lungsau tein kan biahalnak na kan leh caah lunglawmhnak tampi kan ngei. Solomon: ka lawm tuk ve.Credit:CBN News

 

Relchih: Nihin myanmar ramkomh ah tatmadaw nih cozah uknak cu a lak tthan taktak cang. Zing suimilam 8:30 am ah rampi uknak cu general min aung hlaing sin ah ap a si cang tiah ralkap tv a si mi myawady tv nih a thanh cang.

2020 thimnak ah thimfung firnak le tlamtlin lonak a um ruang ah ramkhel daihnak a hawh ruang ah ramrian cu tatmadaw nih kan lak tiah tatmadaw lei nih an thanh cang. A tulio myanmar ramkomh cozah hruaitu a si mi president u win myint le daw aung san suu kyi telh in, ramkulh ramthen chief minister hna zong tlaih an si cang.

Ralkap nih uknak an lak thawk vice-president pakhat a si mi u myint swe cu caankarlak rampi president ah an thim chung. Ramchung ah kumkhat chung zualral thawng an thanh i, ralkap nih kumkhat chung uknak an i tlaih lai.

Tatmadaw nih an tlaih mi hna chung ah nld party hruaitu upa hna leng ah ramkhel cawlcang tu zeimawzat an i tel. Sianghngakchia hruaitu hna zong an i tel tiah theih a si. Atu tiang ah nld chimrelnak nawl ngeitu monywa u aung shin, 88 sianghngakchia hruaitu ko min ko naing, ko mya aye, ba-ka-tha hruaitu min thwe thit hna zong an tlaih hna tiah theih a si.

Yangon khuapi chung ah tatmadaw security pawl tampi an chiah cang hna i, zing suimilam 7:00 am hnu in security an rengh. Yangon international airport zong luhchuah an phih cang. Ramchung ah internet line le phone line an thah ruang ah atm in phaisa an chuah kho lo i, mitam pi thinphang le thlalau in an um tiah mithmutu hna nih social media ah an tar. Source: bbc

Relchap: president donald trump cu february 8 ni thawk in biaceihnak hram an thawk cang lai. President donald trump nih a hlanmi sihni lawyer 5 cu nizan zanlei in an i let than. Zeirungah an i let timi fiang in an chimmi um rih lo. Asinain president trump he an ruahnak a kalh caah a si lai tiah zumh a si. President trump tazacuainak cu zarh khat lawng a duh cang caah aho nih a sihnih an tuan lai timi a fiang rih lo.

Senator cheukhat nih an chimnak ahcun president a si ti lomi impeachment tuah le tazacuai cu us phunghrampi ah a um lomi a si caah sihni caah phaisa tampi pek a phu lo, democrats pawl nih a tei zong an tei lo dingmi a si caah sihni hlan hrimhrim a phu lo tiah a chimmi zong an um. Sihni hlan nak caah hin $300,000 tal cu a tlawn lei in a dih lai tiah ruah a si.

Senator 100 chungah democrats le republican senator minung 50 veve an um, senator 67 nih a sual tiah vote thlak lawngah president hlun trump cu sual phawt khawh a si lai. Republican minung 17 nih democrats lei i an ttannak ding lam a um lo.

News cheukhat nih cun president trump nih a sihni pawl cu keimah tein tazacuainak ah ka kal ko lai tiah a ti hna caah atu bantuk in a sihni pawl an i letnak a si tiah an chim.

By Chuncha

Leave a Reply

Your email address will not be published.