India le Tuluk naihrawng ramri cuh buainak nih vawleipi ahninh,USA Cozah tiang aholh kha si,an i tudo te lai maw ti an ruah lio ah tucu that lei deuh panh dawh an si. Nepal le India hi ramri an si pinah unau btk in a rak umtti mi an si nain tucu Tuluk Embassy nu Hou Yangqi (Delilah) btk muidawh nih Nepal Prime Minister cu ava dawih khawh ai!

Mahti Tuluk nih India ramri acuh le buaipi cu vawleipi nih India leiah an dir dih ngawt lio Nepal PM nihcun naite ahkhan India nih kan ram an ti zungzalmi Kalapani le Limpiyadhura cu Nepal ram si tiah an ram map ah khumh in a phozar cu India an lau bak ko.Mah hihi zeitin dah Tuluk nih a kan buai siling lio ah Nepal kan mah fa btk simi ram nih mah aw-aan hi a chuah khawh timi nehnang an hun dawi cu Tuluk Embassy in Nepal ram tthumi Hou Yangqi nih Nepal PM cu arak dawih diam ti si.

Mah Tuluk Embassy nu hi India ramri Pakistan ram ah embassy a ttuan hnuah Nepal ah an vun tthialmi asi. India ramri ram deuh pohah an cawlcangh termi si kan ti lai cu,. Mah nu hi Ministry of Foreign Affairs ah kum 1996 ah lut in Chinese Consulate-General in Los Angeles hna ah rian a rak ttuan.Tuluk Delilah hi India,Pakistan le Nepal ram mipi tampi nih hmanmi holh “Urdu” hi naal taktak in a holh kho mi nih mah hna ramah atlumtlak ter ngaingai ti si. Nepal ram a poinak cu communist party an um ve tikah Hou Yangqi (Delilah) caah cun innka hun cia i luh tluk a si cang. Fimthiam pinah Mui hmelttha tungtairem kop chih nih rianttuan an rak i foih bik ko rua.

Thangpang dang<<7th July 2020 : COVID-19 News Update:Muicawl in kan chim cang ko nain ca in ka hun tar chih than. Thawngpaang fiang kan theih lo tikah thin a phang deuh. Ningcang loin thutdir a tam. Cucaah thawngpaang fiang theih kha Biapi tuk a si caah le Tutan avoi 2nk ah ruahlo in tangrai a hun karh thannak zong hi mipeem hna umnak, Holh thiam lo, thawngpaang fiang theih lo ruang le nawlngaih lo ruang hna ah a si tiah zumh le puh kan si. Cucaan ralring tein le nawlngai tein thurdir i zuam hna usih.

Victoria State ah COVID-19 rai a karh tuk caah Local Government Areas (LGAs) 32 ah Stage 3 level erhkhumhnak cu Daniel Andrew (Victoria Premier) nih thaizing 8 July zanṭim thok in zarh 6 chung a thar in zulh ding in nawl a chuah i a nunter ṭhan.Cu LGAs 32 chungah Nichuah le Nitlak Melbourne Liami kan umnak sang vialte an i tel dih.Stage 3 erhkhumh timi cu a tanglei langhmi phun dah lo ahcun inn chungah um hrimhrim ding a si:1.Rawl le a herh taktakmi thil cawk ding dawr kal.2.Ngandamnaklei zohkhenhnak le midang zohkhenh.3. Rian le cacawn – inn in na tuah khawh lo lawng ah.4. Ngandamnak caah execise tuah –nain erhkhumhmi sang ah/in luh/chuah lo ding.

VCE taang 11 – 12 le specialist sianginn siangngakchia lawng hmai zarh ah sianginn an kir ṭhan lai. A dang Prep – taang 10 tiang cu sianginn khar zarh khat sauhpiak an si.Cucaah a herh lo ah leng chuah lo ding, i lenkai hrial chung ding, kut i ṭawl lengmang ding, midang he kut i tlaih rih lo ding, i donnak i kuh tbk. tuah rih lo ding, cumpi tlangrai tlawmpal ngeih sual zong ah COVID-19 i test ding tbk. vialte hi zulh khawh hrimhrim i zuam ding an si.Duhsaknak nganpi he:ACC EM .

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha