US Department of Justice nih Tuluk miphun pahnih hna cu US cozah, private company le Covid-19 kherhhlainak an tuahmi pawl a thlithup in online an in fir, an hack caah DOJ nih taza an cuai hna. Tuluk cozah caah spy rian kum 10 renglo a tuan cangmi, Li Xiaoyu, 34, le Dong Jiazhi, 33 cu Tuluk ram I a ummi an si caah Tuluk cozah nih US ah an kuat lai an zum lo.

Two Chinese hackers face federal charges in major cybersecurity ...

Maryland, Massachusetts le California ah Covid-19 research an tuahmi thilri le file zong fir an I zuam ti a si. Zeiltuk an fir cang timi chim khawh a si rih lo. Tuluk cozah nih hin US ah sianginn kaimi Tuluk singngakchia pawl asiloah Tuluk ram in computer hacker a thiammi pawl hna hmang in US cozah le private company pawl thil an sermi le research an tuahmi pawl cu an fir I, a ttuh tampi an serchuah ti a si.

Republicans split with Trump on celebrating China - POLITICO

Thawngpang dang<<Pu Ngun Maung nih CNLD party a kaltak cang hna, independent in cuh aa tim; USDP cozah chan ah Union Deputy Minister tiang a rak tuan balmi Pu Ngun Maung cu CNLD candidate thimnak he pehtlaih in a lungtlin lonak a um ca ah a kaltak cang hna, independent in aa cuh lai. Hakha peng CNLD candidate thimnak ah Pyithu Hluttaw candidate ticket cu Pu Ngun Maung le Saya Robin an rak i cuh, nain EC vote ning ah Saya Robin nih a tei.

EC thimnak kong ah Pu Ngun Maung nih,”A hlan ah cun EC nih candidate thim tikah Hakha peng khuate kip in EC chungtel pakhat cio kawh dih a si tawn, cu tikah mipi duhmi candidate an chuak kho. Nain, tutan cu khuate lei chungtel pakhat hmanh kawh an si lo, Hakha khuapi um EC lawng nih thimfung thlak a si ruang ah ka sunghnak a si,” tiah a chim.

Hakha peng ah Pyithu Hluttaw MP ai cuh ding minung pathum an si cang– NLD in Pu Tial Ling, CNLD in Saya Robin le independent in Pu Ngun Maung an si. Biadang ah, CNLD cu arti an khuai khawh hlan ah an party lehlam arti bang a kuai ko cang mu😊. Catialtu: Salai Lungthli Tum

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha