Tulio Kan Boruak: Thantlang Khua Kong Thawng Kan Theih Cu A Poi Kho Taaktak

Tulio Kan Boruak: Thantlang Khua Kong Thawng Kan Theih Cu A Poi Kho Taaktak

Tulio kan boruak: 1. dawr ngei bal lo zong nih dawr an ngei cu chap ah thantlang dawr nak deng deuh in an zuar khawh (a zin um lo hrat cun a miak lawng te si kaw) 2.Than tlang i mi inn um TV lian lian kha tu ah cun a ngei tu si lo mi sin thantlang peng (vei tlang )ah an phan dih cang 3.Thantlang rawl chumh nak pawng uu pawl zong a ngei tu si lo mi nih an hmsn pin ah dengtak tak in an zuar rih (khuate ah dawrtuah bl lo mi nih pawng uu dawr hna an tuah huar ko)

May be an image of outdoors

4.Thantlang ii inn zong nei lo dawr zong nei lo mi kha ni chiar thantlang ah an lut le cycle khat in balang ket tha tha cu an i purh hna (tt dawr hngak an um ti lo ralkap sin ah an i cawk rua) 5.vawlei cawh in khur chung thil chiah mi le tang ka phum mi cu mah phum mi te bang khin a chuak cu an i awlh ngai (mh inn si lo mi inn kawmtang kip cawh dih) 6.Thantlang ii hni puan te te chiah ta mi zong nupi le fa le daw ngai bang mi ta pi kha kn nu caah kan fa caah ti hin a tha deuh thim in hei i phurh thup ko cu aw(an i fenh eih ah mi ta pi cu an i za in an i rem hnga hme maw )

7.thantlang dawr khan a hlei in siang inn sang dawr khan poh cu thantlang peng vei tlang le vei tlang nih mah dawr tlat in va tlat a si (dawr tuah nak zin an rak i thawh ve rua) 8.thantlang inn ngei mi le thil nei mi hmanh tt ah kn lut leng mg lo nan thantlang i inn nei lo thil nei lo mi tu hi an lut leng mg cu awh (ralkap lak ah thih ngamh bk in an lut huam ko) Tial ah cun tial ding tam ko nain a fir tu ning zak lo in a hmu tu ning zak ti khi si le ka tial pah hin a fir tu ka mittlam kn suai hna hin ka ning zak.

 

May be an image of sky, tree and mountain

Lai mi chung in hi bn tuk mi nung le chungkhar kan um hi khuaruah har kan si ko .lung re thei le har zat tuar in ral zam dir hmun kan dir lio ah tlawmpal te tel khi zang fah nak thin lung nan nei kho ve bak lo maw? Sa hnger ni naa arfa tap naa kan si ko hih Mi cheu ca cun sifah nak a chuak Mi cheu cacun irum pi nak a si ko hih. Credit: Farthahlawn

𝐍𝐚 π‚πšπšπ‘ 𝐈𝐧𝐧 𝐊𝐑𝐚𝐧 π“πšπ¦π©π’ 𝐀 𝐔𝐦 𝐊𝐨-𝟏 π‘πžπ― 𝐃𝐫 π‹πšπ₯ 𝐏𝐞𝐀 π‹π’πšπ§ Lai nunphung hi duh a nung i khuazei hmanh ah i zapi awk a si lo. A bik in nuhmei, pahmei le ngakttah an rak zohkhenhning hna hi an kan chimh tikah uar a um tuk. Khua pakhat ah nuhmei nih inn sak aa timh ahcun khuapi te nih a herhmi dihlak an bawmh i i dornak ttha inn cu sakpiak a si. Nuhmei nu kha a man an la lo, anmah lungtho tein, an thiamnak, thazaang le chawva dih in inn cu sakpiak a si.

Innkang mei-ttet a um sual zong ah kha ngaihchiatnak a tongmi hna he an sining an i hrawm colh, an herhning in zuan hnawh colh a si. Hi kan nunphung hi phaisa nih a cawk khawh lomi, kokek tthatnak le zawnruahnak an rak ngeihmi a si caah uar lo awk a ttha lo. Laitlang cu Pathian nih kan pupa hna sin in a kan pekmi ram a si bantukin kanmah ta bak te a si. Khuazavanrang toi ah sining phunkip ruangah kan miphun cu i tthek i darh len in peem ko hmanh usih law Laitlang le Lairam cu kan ram a si zungzal. Hmundang i khua a sami vialte Laitlang (Chinland) cu na ram le na ro a si zungzal.

May be an image of 2 people

Ram ngei lo kan si lo. Hihi Pathian pekmi rosung taktak a si. Cucaah Laitlang khuazei hmun paoh cu na inn a si kho i a ummi vialte zong nih khual le mising in hmuhnak nawl kan in ngei kho hna lo. Kan inn cu na inn a si i kan lo cu na lo a si ve, kan dum cu na dum a si ve. Kan biakinn cu na biakinn a si ve i fingtlang kip i ram kan vaihnak siseh, tizu ngacel kan suatnak tiva vialte na ta an si dih. Lairam le kan miphun a hmunh chung cu na ta, na miphun a si zungzal. A thlizil, a pangpar dawhdawh hna cu na ta an si.

𝐍𝐚 π‚πšπšπ‘ 𝐈𝐧𝐧 𝐊𝐑𝐚𝐧 π“πšπ¦π©π’ 𝐀 𝐔𝐦 𝐊𝐨-2 π‘πžπ― 𝐃𝐫 π‹πšπ₯ 𝐏𝐞𝐀 π‹π’πšπ§ Kan nunphung lakah uar a um khun rihmi cu khualtlung kan zohkhenhning hi a si. Kan unau, mizo (lusei) pawl hi khualtlung zohkhenhning an thiam ve ko nain Laimi cu an kan tluk deuh rua lo tiah ka ruah. Khualtlung an kan zohkhenhning cu an koktlong deuh, kannih Laimi cu khualtlung papek zia, upat zia kan thiam deuh ko rua. Khualtlung kan hawikomh ning le daan ah mizo kan unau hi kan lonh deuh ko hna ti ning law porhlawtnak in ka chimmi cu a si hrim lo. Kan pipu hna nih ro ttha an kan rohmi hi uar a um tuk. Saperh an ngeihmi kha anmah nih an ei siang lo, khualtlung caah an i reet.

Kanmah chung in hun chim ve ahcun khualtlung kan ngeih lawng ah ka nu nih ar a thah i kan ngakchiat lio ah cun khual ngeih cu kan i lawm tuk, zeidang ruangah si lo in arsa kan ei khawh ve caah a si. Thantlang peng nakin Hakha peng ah hin khualtlung an daw kho deuh rih fawn. Rawl thaw bik an pek hna i khualtlung nih thaithawh zanriah an ei tikah inntek nih khual cu an eiter hmasa hna. Anmah te lawng an eiter hna, zeicahtiah an zakzum sual lai i rawl an i khimh sual lai lo ti kha an phanpiak hna. Hakha peng kan tlawn ah hi bia hi ka chim tawn i anmah lila nih an chim vemi cu Thantlang peng tluk in khualtlung hi ngei peng ve usih law kan daw kho cawk hna lai lo, anmah tu nih khual an dawh khawh deuh hna an ti ve.

May be an image of sky and mountain

A zei a si hmanh ah a tawinak in kan chim ah cun khualtlung cu kan bong le mal an si ti kha pipu hna nih an rak ruah i an rak i nunpimi a si. Kan Baibal nih a rak chimmi he aa tlak ngaingai (Heb. 13:2). Khual cu kan vanmi bantuk a si taktak ko. Nai hrawng, chan tiluan ruangah khual a tlawngmi nih riahbuk (hotel/guest house) i zalong ngai in um kha an hun duh deuh i Hakha hi khual kan ngei tuk ti lo. Lam le sul a tthat deuh pin ah motor bike in a mikip nih tlunkal cio a si cang i khuate lei nih Hakha an tlawn ah a laang deuh in an tlawng cang. Khualtlung kan ngai hna, kan ci a hai.

𝐍𝐚 π‚πšπšπ‘ 𝐈𝐧𝐧 𝐊𝐑𝐚𝐧 π“πšπ¦π©π’ 𝐀 𝐔𝐦 𝐊𝐨-3 π‘πžπ― 𝐃𝐫 π‹πšπ₯ 𝐏𝐞𝐀 π‹π’πšπ§ Kan Bawipa Jesuh Khrih hi vawlei cung i caan tawite a um chungah khan, khual a si ve tawn i ttha te in an sawmnak ahcun zan zong a riak ve. Abiana ah Samaria mi nih an sin i caam ve ding in an sawm ah khan zan hnih a tlung hna. Samaria minu lawng si loin khuami hna zong nih Pathian thluachuah an tinco (Jn. 4:40). Johan Thawngttha nih a kan chimhnak ah cun kum thum chungah kum fatin voi khat lengmang cu kan Bawipa Jesuh Khrih hi Jerusalem ah a kal, a ti.

Asinain Jerusalem ah a caam bal lo, a pawng khua a simi Bethani khua tu ah zan a riak tawn ti a si. Zeiruang ah dah Bethani khua hi a tlun inn ah a hman hnga? A rak dawtu Lazaruh le a farle a simi Martha le Mary hna dawtnak le tlaihchannak ruangah si dawh bik a si (Jn. 12:1-8). Sawmtu sinah cun kan Bawipa kha a rak tlung tawn, zanriah a dumpi hna (cf. Zakia tuanbia: Luka 19:1ff). Asinain an khua i luh a sianh lomi hna kha cu khuachia khuavang a tthawl piak hna bu hmanh ah tlun-inn an rak donh i a rak tlung kho ve hna lo (cf. Marka 5:16-17).

Kannih cu kan nunphung nih khual cu kan bong le mal an si tiah kan ruah i khual ngeih cu kan uar i kan i lunghmuih ngai. Khrihfaphung nih kan kokek nunphung cu a hun thuamh chinchin tikah cun aa dawh tukmi pehtlaihnak a sersiam. Ka palh lo ahcun Laitlang (Chinland) ah kutdok in a vakvaimi Chinmi an um rua lo tiah ka ruah. Mitlamtling lo mihrut hmanh khua i an um ve tik ah bong le mal an si tiah kan ruah hna.

Bawi Jesuh nih Lazaruh te unau ttafar rual a tlun tawn hna i an i lawmh tuk bantukin atu lio ah kan miphun hawi hna Hakha hi nan Bethani a si kha philh hlah u. Nan caah inn khaan tampi a um. Kan inn cu nan inn a si, kan dum cu nan dum a si, kan rawl cu nan rawl a si i kan mawttaw saikal le mawttaw cu nanmah ta an si ve. Chin miphun caah Hakha cu Jerusalem zong a si i Bethani zong a si chih.

𝐍𝐚 π‚πšπšπ‘ 𝐈𝐧𝐧 𝐊𝐑𝐚𝐧 π“πšπ¦π©π’ 𝐀 𝐔𝐦 𝐊𝐨- π‘πžπ― 𝐃𝐫 π‹πšπ₯ 𝐏𝐞𝐀 π‹π’πšπ§ Tuanphung ah Laimi nih vate phunkhat a min β€˜riaklang’ timi kan ngei. Riak lang tiah riahnak hmun a hal hna tikah zeibantuk thingkung hmanh nih an sianh lo ti a si, zeicahtiah a riahnak thingkung kha a thi colh tiah thawng a than caah a si. Cucaah thingro cungah a riak tawn tiah tuanbia an kan chimh tawn. Riaklang vate hmanh a donghnak ah cun thingro kung cungah riahnak hmunhma a ngei kho.

Kannih kan ram, Laitlang cu kan pupa hna chan in Pathian nih a kan pekmi ram a si i riahnak um lo cun a vaivai ding kan si hrimhrim lo. Miphun dang a rak pemmi hmanh vawlei cungpi nih a theihhngalhpi hna i hmunhma pek le cohlan ding kha fial kan si, minung covo kha upat ding a si tiah authawng a thang cuahmah ko. Kannih cu kan ram lila ah mipem kan si lo i kan innlo chuhnak, kangh-uhnak, le ramhnak kan ton zong ah vawlei cu kan ta a si rih. Tlun inn ngei lo kan si lo.

Naboth tuanbia kha nan cinken cio rih ko lai. Ahab siangpahrang nih dum tuah a duh i Naboth dum cu cawkding ah a hal te in a va hal, a ai ah dum dang zong kan pek lai tiah a nawl, asinain Naboth nih a rak lehmi bia cu β€œKa pupa hna ro kan pek ding hi cu Pathian nih ka kham ko seh,” a rak ti (cf. 1 Siang. 21:1ff). Asinain Ahab nupi Jezebel nih hramhram in a rak chuh, Nabot cu lung in an rak cheh, lih an puh rih, an thah. Asinain Naboth thisen cu vawlei in a au tthiamtthiam ko. Kangh-uhnak le ramhnak kan ton cu kan sung dih cikcek tinak a si hrimhrim lo.

Lung a fak tuk ko, asinain hlan nak ttha in Pathian nih a kan pek tthan te lai. Jerusalem khuapi zong kha Israel miphun nih hlan nak ttha in an sak, an rual, an ttamh khawh tthan ko. Salm 127 kha by-heart in kan chim cuahmah hna lai i Bawipa nih kan nunnak, kan ram le kan miphun cu amah duhning in sa tthan ko sawh seh. Naboth le riaklang vate cu an vai men ko lai, asinain tuanbia nih a philh hna lai lo

𝐍𝐚 π‚πšπšπ‘ 𝐈𝐧𝐧 𝐊𝐑𝐚𝐧 π“πšπ¦π©π’ 𝐀 𝐔𝐦 𝐊𝐨: π‘πžπ― 𝐃𝐫 π‹πšπ₯ 𝐏𝐞𝐀 π‹π’πšπ§ Voi khat cu Kalaymyo in Hakha lei ah hmanlung mawttaw i cit in kan rak kai. Facang tun 100 tluk aa phurh pah caah a cit a nuam ngai. Passenger lakah nau a pawi liomi nu aa tel ve i ruah lo pin in Zawngkong kan phak lai te ah a phurti a kuai i cuticun mawttaw cungah cun faphir te a neih; pakhat cu a ruak in a chuak i pakhat cu a dam. Mawttaw cungah nu tampi an um ko nain an zuan hnawh ngam lo, vantthat ah sii lei rianttuanmi pa pakhat kan sinah a rak i cit ve i cu pa nih cun nau a ngeihter.

Facang tun pawl kha kan siam remh i naute cu ttha tein a chuahter khawh, nu hni aa ken chap zong cu an um ve ngelcel lo i pa hni tu kan phah piak. Mawttaw kha driver nih lamkam ah a dirter chung i cuticun lam cung ah naute cu neither a si, a nu cu Lumbang khua phaklai ah an ttum. Lakhruak (emergency) thil nih a kan ton ahcun hrial khawh a si lo i a sining cungah a ttha bik le aa dawh bik in i zuanhnawh, i bawmhchanh, le ton ngam kha a rak biapi tuk.

Kan Baibal chungah kan Bawipa Jesuh Khrih cu Bethlehem ah a chuak lai ti in profet chimchungmi bia cu a um ko nain caw inn ah ti cu a um lo. A rak biapi taktakmi tu cu Bethlehem, David khua, a simi tu kha a si. Tlun inn an tinco khawh ve ti lo caah a ttha bik in an i hmuh khawhmi cu caw inn kha a rak si ko i cucu Mary nih nau neihnak ah a rak hman ko. Nihin ni tiang Christmas caan paoh ah caw inn cu phun tampi in kan ttamhmuaih i hla in kan hlawi. Caw inn hmanh pei hla in kan hlawi huam cu! A biapi cu a caw inn kha si lo in minung kan chuahnak hmunhma a simi tu kha a si.

A ngaingai ti ahcun kanmah Lai lei caw inn bantuk kha Palestine ram caw inn cu a si naisai lo. Israel miphun cu sattil he khua a sami an si i an sattil an chiahnak hmun hi fihnung a si lo i minung zong mei-phu i kau in riah khawhnak hmunhma an si. Kan nunnak ah lakhruak (emergency) thil ttihnungmi nih a kan ton sual zong ah khuazeika hmun hmanh kha kanmah nih kan inn (home) ah kan sersiam khawh ahcun cu kan sersiampiaknak hmun kha hmun thiang, hmun nuam, tuanbia ah a tangmi hmun an si kho. Dawtnak le zawnruahnak in a khahnak hmun kha kan inn kan i lawmhnak hmun an si kho.

Leave a Reply

Your email address will not be published. Required fields are marked *