Tulio Chin Politics ah aa paihmi ideas pahnih cu:-

1, CNLD Supporters: = “Chin Ram Development nakin mahte iuk khawhnak/ self-termination/ political change hi a biapi deuh. Kan herh deuh” tiah an aupi. An palh maw? Palh hlah! Amahte belte biahalnak cu, an tuah khawh tak lai maw? timi hi a si.

2,  NLD Supporters := 2008 ningin Political Party nih a tuah khawhmi cu, Chin Ram development hi a si bantuk in, Chin Ram development a ttuan khomi le political change zong a tak ah a ttuan kho hnga dingmi party/NLD thazaang pek hi, ram sersiamnak ah a lam a si” tiah an aupi ve.

NLD thazaang pek hi ttualttang/lung pakhat in fate pahnih chaih bantuk a si timi ideas hi an kalpi. An palh maw? Palh hlah. A tak ah a cang khomi a si ve.

CNLD hi Hakha- Thantlang ahcun an thlihran a ttha ngai. Mino thinlung tampi an lak khawh i, ka thangtthat ngai hna. Asinain Hakha le Thantlang lawng ah an tthawng i Myone/Peng dang ah zeihuaha an si lo ahcun, Thantlang -Hakha caah sunghnak nganpi a si kho. Zeicatiah, Ram le Peng sersiam timi cu Chin Ram nawlngeihtu tthutnak ah an tthut lawng ahhin tlam a tling kho deuh hnga. Catialtu: Za Sang Cinzah

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha