Minung ngai hi sual tuah duhnak ngei zong ah amah le zatawk hi a um ve. Kum 5 long ngakchia zeihmanh a chiatha hmanh a theih rih mi pi hi ti bantuk in sual pi duhnak le thil tihnung a tuah duhnak thinlung a kengtu hi minung a si kho hnga maw? Saram thinlung dah a ken tiawk in minung lungthin a ngei ko mi nih cun hi bantuk rakthlak mi thil tuah hi cu ngaihchiat taktak khi a si ko.

Atu bantuk in ngakchia nu kum 5 te lawng a si rih mi nu cu kawlram pa nih a sualpi caah atu ni July 5, 2020 ah an tlaih khawh tiah theih a si. Mah hi Thailand ram Mesawng khuapi i ummi kawlram ngakchia nute kum 5 atlaihrem tu pa cu Thailand police nih an tlaih khawh caah a sualpi lio a tuah ning vialte cu amah kha an tuah ter tiah theih a si. Mah ngakchia a thattu pa hi thonginn ah maw an chiah lai i athah cawlh lai ti mi hi a konglam theih a si rih lo tiah an langter.

Ngakchia kum 5 mi nu a auh i a kalpi i thihlak bak in a tlaihrem tiah thawng theih ning a si. A tuah ning kong vialte an cawn ter mi ahhin ngakchia kum 5 te cu zei tluk in dah a va tuar hnga, a kut hna a hnu lei a let, hri in a tlai i a tuah mi pawl hmuh a si tikah atuar tu nu le le chungkhar caah thinlung a fak lai ning ruah tikah celh a si lo. Mah hi ngakchia hi thihlak bak in a sualpi mi a si caah ngakchia ngeitu hna an chungkhar pawl caah ralrin thiamnak caah video hi an langter mi asi tiah theih a si. Credit: Heizakiah Oote Zanfahnak tein a video hi Heizakiah Oote facebook ah hin zoh khawh a si lai.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha