August 19 chun ahkhan Vietnam Tay Ninh Myo khua  tlangval pa cu Rul nih fak ngai nih a cuk. Cu pa nih cun Rul nih a ka cuk ti an ka theih nak hnga tiah rul cu Siizung ah ai tlik pi. Sizung a vah phak ti ah siizung um mi mizaww pawl cu thinphang le thlahlau in a a chiah dih hna.Si bawi te nih Rul cu zei bantuk sivai a ngei mi dah asi lai tiah check nak an ngeih. Sibawi te nih an chimnak ahcun hi rul hi mipa nih hin a dai hmasa a tuai hmasa ruangah a cuk mi asi lai tiah an chim.A ruang cu cutluk in a hrang mi le sivaai tam mi Rul asi lem loh, An tuai hmasa ruangah a cuk mi asi ko lai tiah an zumh. Mizaw pa bel te zei bia hman an hal rihloh , a dam colh ko lai tiah sibawi nih an chimh.

Image may contain: one or more people

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Biden will defeat Trump - Switzer Daily

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha