Kan pa Mayanmar Vice President Dr. Henry Van Thio hla ka vung ngaih cu kaa lawmhtuknak ah ka lung zong ahno, Kawlram chungah Chinmi caah tuanbia tialtu a si ve tikah lawmh lo awk a tha lo mi tuanbia dawh a si. Dr. Henry Van Thio chan i kan um khawh ve hi cu mi vantha ngaingai kan si. Hi tluk Chinmi min thatnaknak a kan hmuh piak tu le Chinmi nih tamtuk amah thawng in thatnak kan hmuh mi pawl ruah tikah hin lawmhnak hi chin cawk lo a um.

Hlaphantu, Cung Nung Bik zong a thiam hringhran, hlasak tu kan farnu Siang Tha Zi hrim a aw he a rem tuk. Kan i lamwh hringhran. Tuanbia thar a tialtu a si caah hi nak in tam zawng in hla phuah piak le sak hi kan tuah piak ding hrim a si. Laimi cu thil pipa a tuah kho tu le thatnak a tuahtu hna hi lawmh lo in soisel thangchiat a hmangmi kan tam mi ka hmuh ahhin ka khua ruah a har ko, minung hi a ho hmanh kan tlam tling cu theih a si ko, a tha mi tampi chim ding aum ko nain a chiatmi pakhat te khi zungzal in chim le philh khawh lo ding in tuanbia tial le chim kan hmang. A thatnak le mi cuaisan zia thiam hi Chinmi Laimi hi kan thinlung ah hmun la cang sehlaw kan Chinram a thancho chinnak ah cang hram ko cang seh. Video Credit: Ding Di

Mah hi JP Biak Tin Sang nih a tialmi kan rak telhchihmi asi: CHIN Miphun zawn ruah in aa tangchiah tukmi Vice President Henry Van Thio le a nupi- VP he phone in bia kan i ruah. Kan Chinmi chung in BAHU i a tthu khomi upa tampi kan rak ngei hna. Party center committee le Nainganttaw council tiang zong an rak um. A tu nangmah tluk in Vuanci le Duh Vuanci pawl zong nih an daw hna lo i an ttihzah hna lo, kan Chin ram ca zong ah cutluk in rian an rak ttuan kho lo zei tin dah nang hi rian na ttuan cangmi ka ruah tik ah a tam in a tamtuk zei tining in dah a si hnga ka ti.


Cu bia cu a ka leh tha anuam ngai. Mah hi kong te hi mi zapi chimlo in a tu kan Chin ram ah upa rian a ttuantu upa tampi nih an kan theih thiam piak lomi a si a ti hmasa. Cun a van pehmi cu kei le Jessi nu hi kan i tangchiah ngai ngai ko. Aruang cu kan Chin miphun zawn kan ruah ca ah a si. Kan kut tang i rianttuan mihna Vuanci pawl cu chim lo in Duh Vuanci a ttuanmi hna tiang hin an lung tluanh kan i zuam. Kan Lai fatun ( faang ) hna khi Laitlaang lei ah kan cah i fatun fanghang hna thaw te in Jessi nu nih a chuan i an inn ah kan va peek ter hna.

Vice President reng le Duh Vuanci reng hna cu ai thlau tukmi a si na in kan Chin ram le kan Chin miphun zawn ruah ah dawtnaak an cung ah kan langh ter tik ah an tlaihmi le an ti khawhmi an zung cio ah Laitlaang lei in a phanmi sohluah le bomh halnak ca vialte hna cu a rannaak in an tuah i a si khawh chung in an kan bomh nak a si. Keimah va chimh theng zong hau lo in anmah rian ruah in an i ruah. Ka theih loin Vuanci Duh Vuanci pawl Laitlaag lei a tlungmi le an bomhmi hna hi a tam hringhran ko a ti. A bik in Thantlaang lei herhmi hrimhrim hi kan Vice President MP hmuhnaak khua a si ca ah amithmai a bi suallai an ti i Vuanci Duh Vuanci pawl nih ka theih lo bu in an kan tuah piakmi a tam tuk. Lam lei, Sianginn lei Siinn lei ti bantuk le dangdang a lam kip in an kan bomh ko a ti.

Hi Bia a van ka chimh ah ka lung a hno ngai bantuk in a um. Vice President pakhat a simi nih ka miphun caah ka chuahkehnaak khua le ram le miphun caah ti in mah reng le si ning dir hmun hna kal taak in toidor nun van laak i mahnaak reng niam deuh tukmi sin i van i sersiam le van i tuavunh, van i khunchuk ter hi a fawi baklo ah ka chiah. ( Kei cu ka ti kho hrimhrim lai lo ka ti ).
Vice President Henry Van Thio le a innchung nu Jessi nu hi BAWIPA PATHIAN nih ngandamnaak le nun khuasaunaak pee hna seh law kan CHIN miphun dihlak ca ah a tunaak fak deuh in hmang chin lengmang hram ko hna seh tiah thlaza cambu in !!!

By Chuncha