US President thimnak ah a hodah teitu taktak a si timi cu nihin tiang fianter le fehter taktak loin a um rih. Vote dikcak lo a um timi ruang ah a tutiang vote thlatu hna kong cu biatak ngai in hlathlai le vote relthan a si. President Donald Trump thapetu hna nih cun US ramchung ah vote petu hna hi a thi ciami min in pek mi vote an si tiah an chim.

Trump's health 'very good' after unscheduled physical exam - BBC News

Mithi cia a thongthong min in vote deu ai thla tiah duhlonak an langhter. Cu kong he pehtlai in a dik mi zong a um i a dik lomi zong an hmuh ve thiamthiam. Hi mithi pawl min 10,000 in vote ai thla timi hi Trump thapetu hna nih Twitter ah ca an post hnu ah thawngpang nih vawlei a cul. Hi minung thonghra chung ah hin a thi mi zong an um ve taktak i a nungmi zong an um ve thiamthiam.

Doctor says Donald Trump will continue with duties

Minung thonghra hna cu an min, zip code le vote an thlak ni, an chuah ni le an thih ni…tbk in hlathlainak an tuah mi ah an langhter.Hi mi thonghra chung ah mi cheukhat cu a luancia kum 50 hrawng ah a rak thi cang mi zong an um tiah an langhter. Asinain, Journalist hna nih hlathlai taktak in an pehtlaih hna tikah an nun ko nak le Biden an vote nak kong an chim.Soure: BBC

In final debate with Biden, Trump has a lot of catching up to do

Thawngpaang Dang>> US election officials nih 2020 US President thimnak ah thimfung firnak a um tiah a chim mi cu a dik lo tiah an hnon piak. US thimnak tuanbia ah a him bik thimnak a si tiah an thanh.  US President thimnak Komiti nih 2020 thimnak chung ah mipi thimfung chung in hnawh sual mi, thlau sual mi, thlen mi votes le nawnnok mi vote an um lo, tehte kan hmu lo tiah an thanh.

Hi thanhnak an tuah mi hi Mr Trump nih vote a petu hna vote 2.7 million leng delete piak ka tong a ti hnu ah an thanh mi a si tiah theih a si. Tukum US president thimnak ah Democrats lei in Trump a zuamcawh tu Mr Biden cu teitu a si tiah ruah a si i, Trump nih teinak president sinak chanh te ding dirhmun a si cang. Mr Biden hi a tu lio ah Arizona state ah a um mi 11 electoral college cu a tei cang tiah zumh a si.

Hi a tei ahcun Mr Biden nih electoral vote 290 a ngeih lai. Mr Trump nih 217 a ngeih cang. President tlinnak ding ca ah electoral vote 270 tei a herh. 2020 US President thimnak phichuak kong he pehtlai in Tuluk lei in foreign ministry spokesman nih Mr Biden teinak cu hmurka in a lawmhpi cang. US ram mipi duhthimnak kan upat tiah a chim. Russia ram tu cu phunglut teinak kan hngak lai ti an si. Source: BBC

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.