Keimah duhning le ruahnak ka van chim ve ahcun, US ram tuanbia ah a um bel lomi, US democracy uknak le US mipi zei rel lonak, US tuanbia ah a muichia bik a ttialtu le a tuahtu, Trump dantatnak ah tiah a taangmi ni 12 chunghi president ttuanter ti loin, Mike Pence nih Trump i din lonak tuah a fialmi a pom lo ruangah, Pence tuk president sinak pek i ni 12 chunghi ttuanter hna seh law a ttha hnga ka ti, na felman laksawng ah tiah. Mahcun US mipi thinlung a damter deuh lai i Trump ttanhtu pawl an lung a fim deuh lai.

Image may contain: ‎1 person, ‎text that says '‎PIXO NEWYORK'SVERYOWN VERY OWN Mב BIDEN CERTIFIED Congress confirmed President-elect Joe Biden's victory after hours of violence at the U.S. Capitol.‎'‎‎

Cuve bantuk in, Trump cu vote pek ding in mi a forhtu, Laimi pastor cheukhat le vawlei lei hruaitu cheukhat pawl le Media ah duhpoah in lih le hrokhrawl in Trump ttanhtu pawl ruahchannak a pe pengtu hna, mipi zaran thluak a hrawktu, le Trump ttanhtu cheukhat pawl nih mi cattialmi tangah khawmenh (comment) dawh lo ngai le holh chiakha pek a hmangtu pawl nih Laimi (Chinmi) nan unau cheukhat sinah ngaihthiam halnak tuah uh law a ttha tuk lai ka ti. Culawng siloin, a bik in Pathian sinah ngaihthiam nan hal i nithum chung rawl-ulh in thla nan cam a hau lai ka ti. Aruang cu nanmah pawl hi Laimi (Chinmi) tuanbia dawh loin a ttialtu nan si ve ti khawh nan si i Chinram le Chin miphun a hrawktu le a khangtu nan si ve.

Chin miphun le Chinram caah thluachuah a phur lotu/a khamtu nan si fawn. Chin miphun le Chinram mui a chiattertu le belmang a nalhtu nan si. Culawng hlah, nan i thawh riangmang i nanmah duh tein, Trump cu Pathian thimmi, hmanmi, le umpi mi le thluachuah mi a si nan ti rih. Mahkong ah Pathian a lung a rawk tuk lai. A lawm lai lo. Pathian nih nan sinah biahal awk tampi a nei lai ka zumh. Ziah ka biathiang, Bible chungah Trump bantuk minung ka hmannak hna a um maw a ti lai. Ziah Khrihfa tuanbia zongah Trump bantuk cu sualnak dohding ah le ka ram kauhnak ding caah ka hmang bel ttung hna lo, mah zong cu nan tuak lo maw an ti hna lai. Cucaah, Trump ttanh le vote pek cu pialsual/kalsual phunkhat a si ko.

Joe Biden vice president pick: Kamala Harris is a leading contender

Trump vote pek ding in mi a forhtu hna, Lai pastor cheukhat le vawlei lei hruaitu cheukhat zong sualnak nganpi pakhat nan tuah ve ti khawh a si. Kan Lai miphun le kan Lairam caah thluachuah a khamtu le a dawntu nan si ve ti khawh a si. Mah ruangah Pathian sinah ngaihthiam nan hal a hau lai. Raldoh a duh tukmi le mi puarhrang, Republican party ttanh cu mithah duh ve bantuk he a lo.

Khrihfa mi cu Bawi Zisuh bantuk in nunnem nun le toidor nun a nei ding tuk kan si deuh. Trump bantuk lungput le ziaza a neimi, Pathian nih a hmang bel hna lo. Ka fim ngai tiphun in le ka theihdih tiphun in, hehtiah Trump ttanh ding le vote pek ding in, video le cattial in mi a forhtu hna bantuk pawl khi Bible nih cun “MIHRUT” a ti hna. Trump ttanhtu, Laimi cheukhat cu Trump nan ttanhnak ah, Sodom le Gomorah khuami hna tluk tein nan sual ve cang ti khawh nan si.

Congress confirms Biden and Harris Electoral College win

Cucaah, Pathian nih Lai miphun le Lairam cungah dantatnak a tlunter nak hnga lo le a thluachuah a kham lo nak ding caah, rawl ulh thlacamnak cu nanmah le nan umnak khua cioah rak tuah tengteng uh tiah kan cah hna/kan forh hna. Biden le Harris le Democratic Party cu hi hnu a tlawmbik kum 8 in US ram caah le vawlei cung ramkip le miphun kip caah Pathian nih hmangchin ko hna seh! Credit: Van Tum

Tutan US election nih Lai phungthluk a tlinter Tutan US thil cangmi nih hmalei US dirhmun zei a lawh te lai timi a ka ruahter ngai. Carel tu zong nan si cio lai ka zumh. Kan hnu zerh tiangah President Trump nih a lungthli in ai ruahchan ngaimi thil phun 2 um dawh asi. Pakhatnak ahcun vote diklo pawl hi congress an chuahpi tikah Vice President nih a hruai ko lai caah kan pom kholo tiah power hmangin a thlak te lai i a dih te ko lai tihi si dawh asi. Cucu a hnu bik Georgia a tlawn lio abia chim mi ah alang.

Donald Trump may be coming to terms with loss he won't acknowledge - The  Economic Times

Pahnihnak VP nih power a hman lo cem zongah congress ah an ceih te lai i vote dik lo cu R party nih an hnawl te ko lai ti sidawh si. Cutik ah Georgia in a hungtlun hnu Tuesday hrawngah khan VP cu power na hman lai tiah a chimh tik ah a duh nai sai ti lo. Cu nih Trump a khuaruah har ter dawh ngai asi. Cucaah ruah channak bik a dih cang hnu ah mipi tukha cawl dingin a nawl cang hna. Congress chung luh hnu ah congress meeting kaimi nih mipi lung zawn in khua an ruah te lai ti zong asi kho. Cu tikah congress meeting an luh le cang ka in media pawl nih duhlonak tuah tu nih US ai an awh lo tiah heh tiah an rak au len ve.

An luh hnu ah congress meeting cik khat an ngol i tlawmpal ah an pehthan. Congress ahcun cuhlan a umbal lomi Electoral College vote relthannak le cohlannak an tuah. Swing State an buai biknak Georgia, Michigan, Pennsylvania etc pawl kha cohlan lonak an tuah nain VP Pence nih State 3 cu apom piak hna lo. Senate min thut mi nan neihlo caah… tiah ati. Cun kankuat nak a cohlan mi State pawl zong vote an lak than i an mah party R pawl nih an dirkamh ve lo caah a sung than. Ai ruahchan mi 2nak zong a tlamtling kho tilo.

Covid, Economic Recovery, Racial Equality Top Priorities For Joe Biden,  Kamala Harris

Cucaah tutan Trump dirhmun hi ka kawi ka ral ah a tla timi Lai phunthluk atling ngai. VP aithim mi a rawl kheng ai hrawm mi nih a rawi bak, cun a party hawi asi mi R pawl nih an rawi ve thiam cun media nih an rawi ve. Cucaah President asi nak in a dih cang ti khawh si. Jan 20 ah incharge ipek ding lawng atang cang. By Van Bawi Kam Zaitu

By Chuncha

Leave a Reply

Your email address will not be published.