Trump nih teinak ka hmuh cang tiah thawngthang nak a tuah tthan cang. Tutang President nih a facebook timeline ah thawngthanhnak a tuah mi nih mipi a van lauter ngaingai tthan hna. Hi thawngthannak  a tuah hlan deuh ahin,Democrate pawl nih thil dik lo in an tuah sernak vialte cu aa tial hmasa.A Chim mi cu Democrate pawl nih ka minung tam lak an vote an hlawt lawng si loin, ballots million vote vialte cu anmah Democrate ca lawng an rel ii, keimah vote vialte pakhat hman an rel loh, mihrut hrol an si tiah a tial.

Cun,Democrate pawl lawng si loin, Fake News pawl nih, thil dik thil hman dirhpi in Lampi ah minung a thong leng nih duhlo nak an langter mi vialte mipi sin ah thawngthanhnak an tuah duhloh, an thuh peng ko rih tiah Media pawl zong a thuat chih hna.Tutang ah a chim mi cu 2020 mail-in vote vialte chung in a hman lo in result cu US phunghrampi nih  a cohlan lo mi asi, A dik mi result lawnglawng Phunghrampi nih  a cohlan mi asi tiah a chim. Vawlei pi nih a kan zoh ko ti zong in achim chih. Hi ruang ahin, 2020 presidency ah teinak ka hmuh tiah thawngthanhnak a tuah tthan.Source : DJT

Thawngpan dang>>Satan hmanrua Biden tanhtu misual pawl cu an firkhut an i phuhrung tuk cang i an ningzah celh lo ah velh in an tang cang! Zarhteni ah khan US khualipi Washington DC ah Trump a tanhmi 1,000,000 renglo cu Trump nih thiimnak result le mee firnak kong a hlathlai cuahmahmi thapeknak ah dai tein lamzawh an i tiim ko nain zanlei mui chupchap hrawng ah cun Satan hmanrua Biden tanhtu pawl nih bia in siseh, kuttum in siseh an ra chuahhnawh hna I an buaibai ngaingai.

Video pakhat ah cun Biden tanhtu hna nih mipa pakhat kha a lu ah an thongh i mah hngal loin vawlei ah a rilh ko lio ah khan an chuih chih lenmi a um. A phone zong an firpiak chap rih. Trump lei 99% hrawng a tin hnu ah Biden lei nih cun tar pawl kha an zuamteih hna. Palik pawl cu an va phan ko na in an tlai deuh cang.

Nuva hna cu Biden tanhtu hna nih an hnu in an dawi hna i an cumh hna i ti-haang in an cheh hna. Minu pakhat cu an dawi i a lu ah an thongh. Chungkhar pakhat cu an fale he lam an kal lio ah hna hnawhnak an pek hna. Trump nih cucu Tweer in a mawhchiah hna i Washington khuabawinu Muriel Bowser cu, “A rian a tuan lo.” tiin sual a phawt.

Biden tanhtu hna cu a thaizing ah DC lam pakhat ah khan an i tong i kan duhmi kan hmuh lo cun kan khangh lai tiin an au. Palik bawi pahnih cu hliam an tuar i mipa pakhat cu nam in sawh a tong. Minung (20) an tlaih hna.

Cucu Pathian le biaknak zei rel lomi hna nunning a si kha. Biden nih bunker in asiloah thonginn in a uk te hna lai kha! Credit: Rev. Biak Lian Vel Cherhchanmi: Khrihfa thawngzamhnak CBN news, 11/15/2020 08:47:51 AM Andrea Morris

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.