“USA phunghrampi cung bia aa kam balmi Republican Lawmakers congress chungtel hlun dirhmun in thimnak kong i Trump a buaining hi cohlan khawh ding a si lo tiah kan ruahning a si,” tiah Republican Lawmaker hlun 31 nih min an thut i Trump cu Joe Biden teinak hi cohlan ding in ca an pek.

Republican senator mangles Kamala Harris' name on stage at Trump rally |  Watch News Videos Online

The Hill nih a ttialning ah mah 31 hna nih hin Trump i tehte pakhat hmanh langter lo in tazacuainak a tuahmi hi ngol hngap ding in forhfialnak an tuah. Asinain Trump nih cun Tehte (evidence) um lo bak in hi Thimnak ah hrokhrawl aa tel tiah tazacuainak cu a nor cuahmah.

The count goes on — with Biden on the cusp of presidency

“Thimfung hi rel dih (ramtthen cio an ngeihmi phung ning in) hrimhrim ding a si i cu a phichuak cu cohlan ding a si. A ruang cu zapi i zumhnak caah le Demoracy caah a si,” tiah an ttial chih. An biadonghnak ah “A ralaimi caan chung ah kan i ruahchanmi cu zeibantuk party le chimrelnak zong um ko seh, president ah thimmi Joe Biden nih 2020 thimnak cu a tei ko tiah cohlan piak a si ko lai,” tiah an chimmi NewsWeek nih a ttial.

Trump accepts GOP nomination on last night of RNC, blasts Joe Biden in  lengthy speech - CBS News

General Services Administration nih Joe Biden teinak hi an fehter rih lo caah Trump nih thimnak kong i a hmuhning in rianttuan khawh a si rih ko. Amahbelte Tehte um bak lo in sungh duh lo sawh a si ahcun Republican Party caah a ttha lo ngaimi a si, tiah experts nih an tuak.

Trump accepts GOP nomination on last night of RNC, blasts Joe Biden in  lengthy speech - CBS News

Minthutu Republican Lawmakers hlun hna cu: Tom, Susan Molinari NY, Jim Greenwood, Jim Ariz, Chris Shays, Mickey Edwards ,Dick Zimmer, Jim Walsh, Ray La Hood, Peter Smith , Steve Bartlett , Charlie Dent, Scott Klug, John LeBoutillier , Doug Bereuter, Deborah Pryce, Charles Djou, Bob Inglis,Alan Steelman, Steve Kuykendall, Connie Morella,Wayne Gilchrest, Bob Bauman, Mike Parker, Tim Petri, Barbara Comstock, Carlos Curbelo , Jack Quinn and Jim Leach.

Thawngpang dang>>>Joe Biden nih mah hi ramtthen ahhin thimfung 14000 hrawng in a tei nain Trump a lungtlin lo caah a thar in an rel tthan lai tiah Reuters nih a ttial. Georgia nih electoral vote 16 a ngeih.Tutan thimnak i ramtthen (states) cio aiawhtu hna nih thimnak ah buai awk le zumh lo ding zei hmanh a um lo tiah an chim dih tiah NYT nih a ttial. Mah thimnak ahhin ramtthen pakhat cio nih ttuanvo an lak.

Republican Governor cheukhat nih Trump cu fak ngaiin an mawhchiat.Georgia hi minak le mirang kong an buai taktaknak ram tthen a si. Tu kum i palik nih lam lai ah a thaw chuah kho lo in an nenh i an thahmi Floyd kong zong kha hi ramtthen ah a si. Minak an tam ngai. 1992 thawk in 2016 tiang kha USA president thimnak ah Republican nih an tei pengnak ramtthen a si. Republican ramtthen a simi Alaska ah cun ruahning bantuk in Trump nih a tei.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

 

By Chuncha

Leave a Reply

Your email address will not be published.