US election ni a phaaknak dingah zarh 5 uak fang lawng ai duh cang ko nain, anmah rightwing pawl lawng teitanh riangmang in Trump cu a cawlcang i, Democrats lei nih a thimmi biaceihbawi namhnehpiak dingin Senate pawl a turhkhonh hna. Supreme Court hrang i conservative federal appeals biaceihbawi Amy Coney Barrett thim a timhnak kong cu Saturday ah khin a thanh te lai, tiah source pahnih nih Friday ah khan an langhter.

Donald Trump | Latest & Breaking News on Donald Trump | Photos, Videos,  Breaking Stories and Articles on Donald Trump

Senate nih an namhneh piak a si ahcun (Senate hi Trump i a Republican hawile nih an ukmi a si), Sep. 18, 2020 i a thimi liberal pawl i nika bang an i zohthlami kum 87 a si mi Justice Ruth Bader Ginsburg zaka cu Barrett nih a rolh khawh lai, tinak a si. Barrett hi bianak lei ah a fek ngaimi conservatives pawl nih an uar ngaimi le, cun Trump a tanh ngaingai tu a si. Nov. 3 election hlan ah Senate nih nan ka nanhmehpiak ah a tha, tiin Trump nih a chimh hna. Trump nihhin term hnihnak zong hmuh ai tim ko rih i, cun khat lei ah Democrats lei nih chamber pi cu uk khawh an i zuam ve.

Trump may be down in the polls, but he's tops for bettors - Times of India
2017 ah khan Chicago ah a ummi 7th US Circuit Court of Appeals caah Trump nih Barrett, 48, hi rian a khinh. A chanchung Justice tuan dingin fehter ah si taktak ko ah cun, Supreme Court i biaceihbawi a tuanmi nunau um hnihchun lakah a 5nak nunau a si hnga. Supreme Court ah hin conservative lei biaceihbawi hi 6-3 an si. An chilh ngai hna.

Barrett thim a si mi kong hi libral lei aiawhtu phu nih cun ralrinpeknak pakhat ah an chiah. Sumpreme Court i Barrett a thut ah cun ram pumpi ah nauhrawh khawhnak phung (abortion rights) um dingin 1973 Roe v. Wade biachahnak hi hrawh dingin thazaang a chuah khawhmi a si, tiin nauhrawhnak nuhrincovo a dirpitu phu an lungre a thei ngaingai.

A tu bantukin in raltha ngai i lungthin dihlakin minung thimnak Trump nih a tuah mi hi ka thangthat hringhran. Barrett hi Ginsburg a chawngtu dingah a thabik le ai tlaakbikmi a si, tiah nauhrawhnak a ralchanhtu phu Americans United For Life i an president le CEO a si mi Gatherine Glenn Forster nih ai lomhnak a langhter.

Contrary to Trump's claims, GOP Senate leader McConnell reaffirms orderly  transition after election - World News

Barrett pinah, a dang min a thar rih mi cu Barbara Lagoa a si i, anih hi Cuban-American a si i, nikum ahkhan Florida ah federal appeals biaceihbawi si dingin rian a pek mi a si ve. Anih hi cu campaign tuahnak ding hmunhma pical pawl ah a ka dirkamhtu tha a si lai, tiin Trump nih a chim. Cucaah, Florida a vung kal lio ah khan Lagoa hi tong lo in, Monday ah khan Barrett tu hi a vung tonnak hi a si.

Cuhlan i biaceihbawi thimnak a tuah tawn bantuk tein khan Saturaday ah khin White House ah thanhnak a tuah lai. Tutiang ko rih ah cun Barrett hi thim dawhdang cu a si ko nain, a lung zong ai thleng than kho mi zong si, tiah min langhter a duh lo mi source pahnih nih an chim. Friday tiang ko ah khan cun biachahnak ka tuah cang, tiin Trump nih thawnglatu sinah a chim ko nain, zeibanktuk biachahnak set dah a tuah, timi cu a langhter lo.

Explained: Four key differences in Trump, Biden campaigns during the  pandemic | Explained News,The Indian Express

Cuhlan ah hin Barrett hi 2016 lio i a thimi conservative Supreme Court Justice Antonin Scalia i a clerk a rak si bal. Trump nih a renghmi mipeem policy le kaupi in meithal i ngeih khawhnak covo dirpi dingin kum 3 khengte nursuan le dohdal a tamnak bik biaceihzung ah cun Barrett hi thutter a si. Campus chung i hramhram lo in nuva sualnak tuahpinak (tlaihrem) he ai pehtlai mi sualpalhnak a um tikah an sianginn kainak sianginn pawl taza cuai kho dingin sianghngachia pawl caah lam sialpiaktu cauk pakhat zong a rak tial bal.

Trump nih a thimmi hna hi cu Senate nih langhter ding hi a fiang ngai ko, zeicah tiah Senate ah hin Republicans hi 53-45 tluk in an tam. Cu hna lakah Republican lei in minung 2 lawnglawng nih an duhlonak an langhter rih.

Obama chan i president i thim kum ah a thimi Scalia zaka ah Obama nih minung pakhat ai thimmi kha Republican lei nih an rak thlaakpiak bal caah, tutan i president i thim kum i Trump nih biaceihbawi ai thimmi Senate nih namhnehpiak dingin karhlannak nan tuah mi hi kan cohlang kho ve lo, tiah Democrats lei nih an ti ve hna.

Trump or Biden: In US, the losing side is unlikely to go quietly into the  night

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha