Thaizing lei cun US Thawngpang hi ngaih a nuam ngai men lai. A tanglei ka ttialmi hi na duh le zum, na duh lo le zum hlah. 2021 January 12 zan ttim ah Youtube in a rung lutmi a si. Nangmah tein cuai rak thlai ve ko. (1) Nancy Pelosi hruainak in minung 200 renglo nih Trump cu taza an cuai cang lai. Trump nih zeitindah a leh ve hna lai? Trump nih president a ttuan ding ni 6/7 te lawng a taang komi hi ziah hi tluk lawmman hin taza cuai an i hnawh hnga? Biden president a ttuan hnu ah taza an cuai ko lo? Micheu nih cun an sual a puang dih sual lai ti an phan caah a si an ti.

Donald Trump continues to say that US Election 2020 was 'stolen', World  News | wionews.com

Democrat media pakhat ah cun 2024 ah Trump nih president aa cuh than sual lai ti an phangmi a lang. Zeicahtiah 2014 ah aa cuh than ah cun Trump nih an kan tei cikcek lai ti an phan caah atu te in hmailei ah aa cuh than khawh lo nakhnga minchiatnak pek i kham an i zuam ti a lang. (2) Nancy Pelosi i laptop le a dang laptop pawl an laakpiakmi in thilthup tampi a chuak lai tiah media pakhat nih a taar. Pelosi laptop hi an laak lio ah email aa ong ti a si.

Pathumnak, Politician pawl phaisa ningcang lo in an i kuatmi pawl a lang chin thluahmah i an nehnang hlohnak ah US i a ummi ATM seh pawl thaizing/kiptuh lei caan khatkhat ah a mit kho men ti a si. (4) Thaizing lei in thil sining tampi aa thleng lai tiah Youtube in media pahnih nih thawng an thanh. Ralkap pawl an cawlcang lai. Politics lei milangsar pawl zeimawzat lawng kha an kawl hna lai. Mipi cu nan thinphang hlah u tiah X22 Report nih thawng a thanh. A ra laimi ni 5/6 chung ah thil lianngan a cang lai a ti.

Pelosi's Lies Expose Criminal Intent behind Coup Plot against Trump |  LaRouchePAC

Panganak, Apple le Google phone a hmangmi caah update an pek hna ahcun cucu rak update rih hlah u. Na update ahcun Message, Youtube tbk alert an tuah tawnmi kha a pit lai ti a si. (6) A ra laimi ni 5/6 chung ah US i thil a cangmi hna hi zumh naa harh ngai lai ti a si fawn. (7) Sidney Powell nih cun Trump caah lam a um rih ko. Taza a cuaimi pawl pine Supreme Court nih bia an chat thlu rih lo ti a si.

Pariatnak,  Parler nih a taarmi video hi Democrat pawl nih an ttih tuk caah hi tluk hin Trump tazacuai an i hnawhnak a si an ti. Cu video ah cun Trump mee pawl Biden mee ah thlenter ding in an i chimhnak a lang. A video cu kan share ngam hna lo. Facebook nih sensor a chiah caah an ka phih ve sual lai ti ka phang.

Pakuanak, Trump nih aa thuhmi phe (card) an timi hi zeidah a si hnga? Atu tiang ah nawlngeihnak a ngeimi hramhram lo in a hmanh rih lo va si kaw, cu a nawlngeihnak hman a timh ti a si hnga maw? Kha vial kha thawngpang kan hrawmh khawhmi hna a si. Adik le dik lo cu caan nih a ratpi te ko lai.

Pathian fale cu a kan dawtu ruangah teitu vialte hna lakah teitu cem kan si (Rom 8:37). Satan ral kan do lio ah hin kan sungh caan zong a um ko lai. Sihmanhsehlaw kan donghnak cu aa fiangmi a si. Khrih nih kan ralpa cu a kan teipiak cang!!! Kan umnak vawlei pi cu a chia lei a panh chin thluahmah ko lai. Sihmanhsehlaw cu chung cun Bawipa nih teinak lam ah a kan hruai chinchin ko lai. Jesuh nih Satan a teinak kha a thihnak le a thawh tthannak in a si ti kha philh hlah mu. Mi nih na sung an in timi khi na tei zirziar a si kho ko mu! Credit: Rev. Biak Lian Vel

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.