President Donald Trump cu President I an thim hmu ah Vice President caah khrihfa tha taktak a simi, Indiana Governor Mike Pence a thim. Vice president Mike Pence nupi cu khrihfa sianginn ah ca a chimmi a si. President Trump nih cabinet meting a tuah caan poah ah Vice President Mike Pence nih thlacamnak in a thawkpi tawn hna.

Calling Out the Hypocrisy of Evangelical Christians - Shepherd Express

Obama nih President a tuan lio ah a rak hrawhmi, US khrihfa hna thlacam ni, National Prayer Day cu a nunter than. Obama chan ahcun National Prayer Day ah muslim pawl a sawm hna. Obama nih cun zum lotu hna mithmai a zoh peng caah Merry Christmas biafang hmanh a chim duh bal lo, “Happy Holiday” a ti peng. Asinain President Trump nih cun khrihfa mithmai a zoh caah”Merry Christmas” tiah raltha taktak a chim ngam.President Obama chan ahcun cozah sianginn ah thlacamnak rak tuah ngam a si lo. Asinain President Donald Trump nih cun Public School i, thlacam ruangah ahohmanh nih hna hnawhnak pek khawh lo ding in, executive order a chuah.

Doug Henwood on Twitter: "Trump had some preachers to the WH ...

Religious Liberty timi biaknak zalonnak caah executive order zong a chuah fawn. Obama nih Transgender shool law a rak tuahmi zong Donald Trump nih Presdient executive order in a hrawh. US mipi nih pekmi tax in ramdang ah nauthah le nau hrawh a bawmtu hna,NGO le INGO pawl cu federal cozah nih a pek tawnmi fund a phih piak dih hna. Obama chan ahcun nauthah le nau hrawhnak caah cozah nih phaisa rak bawmh tawnmi Planned Parenthood pawl zong President Trump nih fund a phih piak dih cang hna.

Pro Life timi, nau thah, nau hrawh le nau thlak a duh lomi bu nih an tuahmi tonpumhnak ah President Donald Trmp pumpak in a telpi hna. Pro life pawl thazang peknak le biachimnak zong a ngeih hna. US tuanbia ah President pakaht nih nau hrawh le nau thah a duh lomi hna pumtonnak ah a voikhatnak a telpi mi hna a si.

President Donald Trump Nih Khrihfa A Dirkamh Hna

Obama chan ah khrihfa tampi an hngawng a phettu hna le a thattu hna, ISIS ralhrang pawl cu President Donald Trump nawl peknak in US ralkap hna nih Iraq le Syria ram in an thio hna I, vawleicung ram tampi ah an i tthek dih. Mi tampi an thah khawh hna. ISIS ralhrang an hruaitu, alu bik a simi, Abu Bakr al-Baghdadi zong a dupnak, Syria ram, Idlib Governorate khua I, lungkua chungah October, 26, 2019 ah an va thah. Cucaah middle east ah a ummi, Syria le Iraq ram ah a ummi khrihfa tampi hna nih President Donald Trump thawng in zalonnak le himnak an hmuh.

ISIS defector explains why people continue joining group ...

US biaceih zung sangbik, Supreme Court ah khrihfa zumhnak hrampi a dirkamhtu, conservative justice minung pahnih Neil Gorsuch le Brett Kavanaugh cu biaceih bawi rian a pek hna. Federal Judge ah khrihfa zumhnak a dirpi tu, conservative judge minung 170 rian a pek hna, US Circuit Court zongah khrihfa zumhnak a dirpi tu, judges 44 le District Court ah khrihfa zumhnak a dirkamthu, conservative biaceihtu, judges 112 rian a pek cang hna.

President hlun Obama chan ahcun biaceih bawi tam deuh cu zum lotu le liberal pawl deuh an si. Cucaah Khrihfa le khrihfa a si lomi hna biaceihnak zung I an chuah tik liberal biaceihtu han nih Khrihfa a si lomi kha teinak an rak pek lengmang hna caah US khrihfa tampi cu President Obama cungah an lung a faak. An ngeih a chia. President Trump Nih Khrihfa Caah A Tuahmi

What it Would Take for Evangelicals to Turn on President Trump ...
Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha