Tutan i mual a liammi Ginsburg i a hawikom tha ngai a si mi Justice Antonin Scalia zong kha 2016 Feburary a ruah lo in a nunnak a liam ve i, cu lio ah cun Supreme Court ca i President Obama nih a thimmi Merrick Garland cu Rep. McConnell nih a rak hnonpiak bal. Liberals (Democrats) pawl lakah minthang le tihzah a tong ngaimi Justice Ginsburg zaka i a thu dingmi ah hin tutan zarh chungah Trump nih minung thim ai tim. Ai ngaitthlaibik mi cu Chi Amy Coney Barrett of the Chicago-based 7th U.S. Circuit Court of Appeals and Barbara Lagoa of the Atlanta-based 11th Circuit hi si dawh cem a si.

Full Transcript and Video: Trump Picks Neil Gorsuch for Supreme Court - The  New York Times

Ginsburg thihnak nih hin Nov. election hi a derthawmter ngaingai. Trump ca belte ah thazaang bantuk ah a cang. US rampumpi ah Abortion (nauhrawh) tuah khawhnak nawl phungningtein a onhtu 1973 Roe v. Wade biachahnak hrawh than a si dingmi hi Trump nih hmuh lai ai ngaih hringhran. Cun, US Senate vun uk than duhah biatak tein tuaitamnak a phunphun chuahpi chap ai tim. Hmaizarh in cun justice i thutdan a lawngmi caah minung thimnak ka tuah lai. Nunau a si lai. A lawngmi thutdan ah mi vun thutter ko u, tiin Fayetteville, N. Caroliana i campaign a tuah lio ah Trump nih a chim.

Why Donald Trump Nominated Brett Kavanaugh to the Supreme Court | The New  Yorker

Minung thimnak le vote peknak dingah Trump le McConnell nih a zatawk in caan an i ngeih. Nov. 3 i election ni cu a si ko nain, Congress thar hi Jan. 3 tiang lo ah cun biakamnak ngeihter an si rih lai lo caah, cun president le bang hi cu Jan. 20 lawngah khin biakamnak tuahter a si fawn lai caah, caan tampi an ngeih rih, tinak a si. Piangrang tein chim ko cang sih – Thimnak hi Democrat co in, White House le Senate hi hei uk ding khi si hna sehlaw, a tu tein cun pei Supreme Court ah a thu dingmi cu an i thim ve cang awk a si cu, tiin NBC’s Meet the Press ah Rep. Senator John Barrosso nih a vuivaimi Democrats pawl cu a ziah hna.

Neil Gorsuch nominated as Supreme Court justice - CNNPolitics

Hi karhlannak hi ven awk a tha lo mi thil a si. Kan ram i a cang cuahmahmi thil hi tihnung taktak khi a si cang. Nawlngeih duh ruangah kan phunghrampi hi thalo lakin nuarsuan a tong cang, tiin 1993 lio i Justice ah tu dingin Ginsburg a rak thimtu Bill Clinton zong nih a chim ve. Trump nih justices minung a thimmi hi 2 an si cang: 2017 ah khan Neil Gorsuch, 2018 ah khan Brett Gavnaugh. 1982 lio i Maryland i high school kan kai ti lio ah Kavanaugh nih a ka sualpi bal, tiin California university professor Christine Blasey Ford nih Kavanaugh cu sual a phawt hnu in a min chia i, thitha in an suapha ti lo.

Brett Kavanaugh judicial misconduct complaints transferred to Colorado

Thawngpang dang <<<“Biatak chim ahcun mi tlaihhremtu hna hi mi zapi hmai ah thlai ka duh hna, nain nuhrin covo kha zulh a herh caah Chemical hmang in an chiatha hrawh hi kan duhpiak hna,” tiah Pakistan prime minister nih tu zarh thawk ah khan a rak chim. A ruang cu tu September 9. ah khan nutung pakhat Pakistan khualipi Lahore khua leng lampi ah a mawtaw Bensin a dih. A mawtaw chung ah a fale pahnih innka a hrenhkanh hna i palik chawn in bawmh a hal hna.

Palik a hngah hna lio ah cun patling tam ngai nih an hun fuh i mawtaw thlalang an khuai hnu ah mah nu cu le a fale cu leng ah an rawt hna. Cun nu cu a fale hmuh hngan ah an tlaihhrem. Cun a tak i ummi thilri an lak i an zaam tak hna. Cu he pehtlai in patling 15 cu an tlaih hna. Cu kong ah atu bantuk in an prime minister nih a chimmi cu a si. Cu kong ah khua lam zawh in tlaihhrem a hmangmi cu kan thah piak u tiah nu he pa he duhnak an langhter.

Asinain Muslim ram an si caah an tlaihhremmi nu kha a palh a titu an um. A ruang cu nutung, nungak, nu ngakchia hi amah lawng in mui le zingka ah umter le chawhter hi an duh hna lo. A phung ah an chia lo, i aa chawkmi cu nu ttha lo ah ruah an si. Mah an tlaihhremmi nu cu France rammi sinak aa tlaihmi Pakistan nu a si. Amah lawng aa chawkmi nu nih lam tthadeuh le mi tamnak a si lo ah timhcia te in Bensin aa rawn ding a si, amah a palh tiah hi kong a hlattu pa nih Guardian ah a chim. Credit : TRCT News

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha