Theih ternak :Hi kong hi a luancia caan le ni ah a rak si cia mi thil asi. Cucu zeiruang ahdah tu ah a thar in kan rak tar tthan ti ahcun election a naih chin thluamah caang caah Trump aduh mi nih Trump tthatnak le a rak tuah sernak kha anmah le Online Account cio ah an i tar.Cu bantuk cun tutang ah Trump cu thangtthat a ton taktak tthan mi cu US president vialte ah hin Amah Trump le Truman lawng nih an thlahlawh cu an mipi caah an hlut tthan duh tiah an ceih i trump cu an tthangthat.Cu ruangah cun tu ah kan rak tar tthan ve nak asi.

President Donald Trump nih thla 4 chung a thlahlawh US$100000 cu Department of Health and Human Services ah a hlut than. White house Press secretary, Kayleigh McEnany nih nizan i White house thawngzawmhnak a tuah ah thawnglatu pawl a hmuhsak hna. Coronavirus ikhamhnak caah HHS nih a herhning in an hman lai. US presidnet thla hlawh cu kum khat ah US$400000 a si.

Donald Trump: Why The Tell-It-Like-It-Is President Is Hated By Most

President Donald Trump nih election campaign a tuah lio tein thlahlawh ka la lai lo” tiah bia a rak i kam bantuk in a hmuhmi phaisa vialte cu US ram caah a hlut dih. US president lak ah Donald Trump le Truman nih an thla hlawh vialte an hlut. John F.Kennedy nih zeimawzet a hlut ve. Mi caah ipek chanh timi hi ngeih chiah le rum ruangah a si lem lo. Mizawnruahnak le dawntnak thinlung ruangah pek a si ko.

Harry Truman's Gallet Flying Officer Pocket Watch | Truman Watch

Thawngpang dang relchap duh mi caah<<Party Lutlai Sinak In Rian Ṭhumh le Chungtel Sinak In Phuah Hi A Um Tawnmi A Si Ko; Tuhrawng cu CNLD Central Executive Committee (CEC) nih Thantlang CNLD Chairman le Secretary, Party chungtel sinak in an chuahnak hna thawngpang nih Facebook cahmai a luah dih. Hi thawngpang hi CNLD le Laimi sining hrawng long a cuanhmi caah cun thilmak ngaimi (ထူးဆန်း) thawngpang a si kho men ko.

Nain Buu le Phu ah siseh, ramkhel party ah siseh a um tawnmi a si ko. USDP chung zongah party member sinak in an chuah hna i, NLD zong nih an chuah ve ko hna. Kum 2016 April thla ah khan USDP Surlu pakhat a si vemi U Shwe Mann le a dang minung 16 cu USDP chungtel sinak in an rak chuah hna. U Shwe Mann cu USDP in an chuah hnu ah UBP a dirh i, tutan thimnak ah an lut ve lai. Ṭhutdan zeimawzat zong an hmuh lai zumh a um.

 NLD zong nih kum 2018 August thla ah khan, Rangon ramṭhen, Dagon Myone in Pyithu Hluttaw palai Dr. Thet Thet Khine le Rangon ramṭhen Hluttaw palai U Kyaw Zeya cu CEC chungtel sinak in an rak dinhter hna. Cun Botahtaung Myone in Pyithu Hluttaw palai Daw Me Soe zong tukum May thla ah khan, Party chungtel sinak in an rak chuah ve. Cu long silo, nizan nai bik ah, Ayewarwady ramṭhen Wakema peng i NLD party chairman cu, Chairman sinak in an ṭhumh i, Secretary cu NLD chungtel sinak in an chuah.

Cucaah cun party lutlai sinak in ṭhumh le party chungtel sinak in phuah tibantuk hi tutan CNLD longah a cangmi a si lo. USDP zong ah a um tawn i, NLD zong ah a um tawnmi a si ko caah Thantlang peng CNLD Chairman le Secretary Party chungtel sinak in an chuah hna hi thilmak (ထူးဆန်း) tukmi a si lem lo. 16 July, 2020 Catialtu: Salai Biak Tum Lian

 Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha