Trump a sunghnak Pennsylvania ramtthen biaceihzung pakhat nih November 9. tiang i a phan lomi thimfung-catlap pawl cu rel lo ding in bia a ceih caah Trump nih tazacuainak cu a tei. Rel rih lomi thimfung vialte rel ti lo ding a si tiah Fox News nih a ttial. Trump te pafa tazacuaimi hi thimfung 10000 hrawng kong a si. Hi ramtthen phungning ah thimfung thla khotu hna nih Election-ni in ni ruk chung ah an “Identity” kha rian ngeitu sinah pek/ langhter caan an ngei.

Trump rallies flout virus rules, Pennsylvania governor warns

Pennsylvania i biaceihzung sangbik nih Election-ni hnu ni thum chung i Post in a phanmi, Election hlan in rak kuat ciami, Election-ni aa khenhmi paoh rel u a ti. Cu hnu a phanmi paoh hlonh a si lai. Fox News nih a ttialning ah hi tazacuainak hi Trump te pafa nih an tei nain Pennsylvania ah thimfung 54000 in Joe Biden nih a tei caah atu thimfung 10000 hi Trump nih a tin zong ah a phichuak cu aa dang lai lo, Joe Biden nih thimnak a tei ko. Asinain an lung dong lo i Michigan, Wisconsin, Georgia, Arizona le Nevada ah tazacuainak cu an nor cuahmah lio a si rih.

At Harrisburg rally, Trump vows to win and renews warning about ballot  cheating - The Morning Call

Thawngpang dang>>>Joe Biden nih mah hi ramtthen ahhin thimfung 14000 hrawng in a tei nain Trump a lungtlin lo caah a thar in an rel tthan lai tiah Reuters nih a ttial. Georgia nih electoral vote 16 a ngeih.Tutan thimnak i ramtthen (states) cio aiawhtu hna nih thimnak ah buai awk le zumh lo ding zei hmanh a um lo tiah an chim dih tiah NYT nih a ttial. Mah thimnak ahhin ramtthen pakhat cio nih ttuanvo an lak.

Trump shifts focus to Pennsylvania to shore up reelection

Republican Governor cheukhat nih Trump cu fak ngaiin an mawhchiat.
Georgia hi minak le mirang kong an buai taktaknak ram tthen a si. Tu kum i palik nih lam lai ah a thaw chuah kho lo in an nenh i an thahmi Floyd kong zong kha hi ramtthen ah a si. Minak an tam ngai. 1992 thawk in 2016 tiang kha USA president thimnak ah Republican nih an tei pengnak ramtthen a si. Republican ramtthen a simi Alaska ah cun ruahning bantuk in Trump nih a tei.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.