US President caah tiah Democratic party nih an thlahmi Joe Biden nih nihin ah achimmi cu, Virus hi control lo ah cun zei paoh hi a kan don khan dih caah, Virus hi ka control bak lai tiah a chim. Cu cu zeitindah a si lai ti ahcun, kan ram mipi himnak dingah virus in runnak a hau cang, shutting down tuah ahau tiah scientists nih an ti ahcun, shutting down ka tuah bak lai. Zeitintiah pandemic virus chungin kan him khawh hi a biapi bik tiah a chim.

Biden calls Trump 'absolute fool' for not wearing face mask ...

 

Nihin tiangah Donald Trump nih cun medical scientists nawl a ngeihlo ruangah rampi sunghnak lian tuk kan phan tiah a chim chih.Nihin tiangah US ramchung virus ruangah a thimi hi minung 175000 renglo an phan cang. Nov.3, thimnak hlanah vaccine hi chuah a si kho men tiah President Trump nih a chimmi cu, zeihmanhlo si dawh asi. Zeicatiah Dr.Fauci nih 2021 kum hramthawk hrawng lawngah vaccine hi tlamtling kho men tiah a chim. Vaccine hi thimnak hlanah chuah kho hna sehlaw Trump caah 90% ruahchannak a um, nain 2020 chungah vaccine chuah khawhlo ding dirhmun a si tikah Biden nih teinak a hmu khomi asi cang.

Hate Just Hides': Biden Vows to Take on Systematic Racism – NBC4 ...

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha