US President thimnak vote an rel thlu deng cang. Atu tiang ah cun Biden nih toden 290 a hmuh tiah media pawl nih an thanh chung. Official nih thanhmi cu a si rih lo. Georgia, N. Carolina, le Alaska i ai teimi hi an phuang duh rih lo. Arizona zong Biden nih a tei tiah an ruah cang nain Trump vote hmuh mi zat a karh deuh ve i Biden nih 15432 lawng in a thlau cang. Vote rel ding 77000 hrawng a um rih an ti. Cucaah, AZ ah hin aho nih dah a tei thai te lai ti chim khawh cu a si tuk rih lo.

Would Biden or Trump recover lost jobs, boost the economy faster?

Atu ning in cun Trump nih George, N. Carolina, Alaska, le Arizona ah tei dih ko hmanh seh law toden 259 a hmuh lai i 270 a tling hlei lo. Cucaah, an i tluk ngai nak state dang Wisconsin le Pennsylvania ah a tei hrimhrim rih a hau. WI le PA ah hin Biden nih 98% an rel cangmi ah vote 20540 le 45475 in a thlau rih. Trump nih a tei kho ṭhan hnga maw ti hi ruah awk ngai cu a si.

Trump Up One Point on Biden in Texas, Quinnipiac Poll Shows | The Texan

President Trump caah ruahchannak pakhat a um ve rihmi cu court i legal challenge lawsuits an tuahmi hi a si. Cabawm in vote thlakmi (Mail in ballots) an tawlrel ning le phungning lo i vote thlakmi le vote rel ning kong tbt. ah thil dik lo fraud le irregularities a ummi an hmuh/theih khawh i court i an chuahpi khawh ahcun thil sining ai thleng ṭhan khomi cu a si ko. Nain, cuhlan i rak ton cangmi thil sining zohchih tikah court biakhiahnak in 2020 US Election result hi a dih ding cu zumh a um tuk lo. Lungsau in hngah rih tu cu a hau ko lai.

Trump, Biden at war over union support - ABC News

Zarh thum chung ah President Trump le a team nih Very Solid Evidence an hmuh khawhmi court ah an chuahpi khawh a hau lai. Zumh awktlak taktak thil diklo tuahmi an hmuh khawh lo i Court nih a ceihpiak duh hna lo (denied) ahcun President Trump nih thachia ngai in ka sung ko ti a cohlan i Congratulations President Elected Joe Biden tiah a phuan hau te ko lai.State cio nih vote an relmi result hi a hnubik December 8 hlan ah an fehter a hau lai i December 14 ah electors pawl nih vote an pek cio lai i President hi an thim lai. Electors pawl nih vote an pekmi hi Congress nih an cohlan (approved an tuah) hnu ah President thimmi hi January 20 ah biakamnak (Oath) tuahter a si telai. Credit: TCV News

Biden's double-digit lead over Trump likely over president's COVID-19  response: POLL - ABC7 San Francisco

ThawngpangDang>>> Khoidah Biden Chimmi Covid19 Phung tiah Donald Trump press scretary Kayleigh McEnany nih Twitter ah Joe Biden teinak a hmuhmi a lawmtu pawl a bubu in an ummi cu biahalnak a tuah. Trump nih Campaign a tuah lio ah mi bu a thong thong in tonnak a rak tuahpi hna i cucu Joe Biden nih a si awk si lo, zawtnak rang tuk in a karh lai tiah a rak chim. Campaign lio ah cun a si khawh chung mi tlawmte lawng le online lawng in a rak tuah. Asinain atu teinak a van hmuh tikah aa lawmmi American pawl cu White House hmai si seh an khua cio lamcung ah mi bu nganngan in an itong hna.

Trump Campaign ah minung 30000 leng an i chonh i 700 leng an thihmi kong Stanford University report kha kan rak thlah cang.Atu hi Biden nih mi zapi sin ah bia a chim rih lo pinah mibu i ton kong le Covid19 phun kong ah tuanvo ngeimi cu Cozah a si, Biden hi cu president a si rih lo. Nain mipi sin bia a chim tikah mipi nawlnak le Covid19 phung zulh ding forhfialnak a tuah lo ahcun cucu fakpi mawhchiat ding a si. Foto: NYP/ AP

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.