November election hlan ah Trump nih Supreme Court ca i a thimmi minung hi maw vote vun pe sual hna lai u ci. Trump hi a hramhramlo in a political nawlngeihnak hman ai tim ko cang rua, tiin Biden nih Senate Republicans pawl bia a ronh hna. Friday i a nunnak a liammi liberal Justice Ruth Bader Ginsburg zaka ah a ran khawh chungin minung pakha thim dingin Trump nih timhlamhnak a ngeih mi rengsan lei ah a pahnihnak a si mi Senate Republican nih a lungtlinpi lo nak a langhter hnu ah a tu bantukin Biden nih bia a chim hi a si. Cu bantuk i Senate nih hna an tlakpi i 6-3 vote in an tei i, President nih mipakhat rian a pek sual a si ah cun, American law le nunnak hi kum tampi chung amah duh paoh in nawl a ngeih khawh cang lai, tinak asi.

Trump Threatens to Adjourn Congress to Install Nominees. McConnell Demurs.  - The New York Times

Kan ram vote petu pawl an authawng hi theihpiak awk hrimhrim an si. A tu bantuk i Justice ah a thu dingmi minung rian khanhnak nawl hi kan Phunghrampi nih mipi kut ah a pek mi a si. Senate pawl rinhchanh riangmang in Justice ah a thu dingmi minung thim hi cu hranhramlo in nawlngeihnak hman duh bia a si, tiah Philadelphia ah Biden nih a chim. Nov.3 election ah buan ka co a si ah cun, Supreme Court justice a tuan dingmi duhthim khawhnak cantha ka ngeih ve awk a si, tiah Biden nih a chim.

Can Trump Adjourn Congress and Appoint Without Senate Confirmation?

Cuhlan i a hman cang bangin khan, tutan zongah Trump nih Supreme Court justice tuan dingin minung a thimmi hna a langhter tikah, a thimmi hna an tuannak biaceihzung nih an i ngeih cio mi phung zeiah a relpiak hna lo pinah, mipi sinin hrialawk tha lo mi politic le dohdalnak zong a ton/huater phah hna lai, tiah Biden nih a chim. President tuan khawhnak caantha ka ngeih ah cun hi justice court i riantuan dingah hin African-American nu ka hman lai. Tuanbia chungah avoikhatnak a si hnga, tiah Biden nih a chim.

Ginsburg nih a tantakmi thutdan ah thu dingin khulkhul rangrang in Trump nih minung thimnak a tuahmi hi ka dirpi lo, tiah Sunday zingka ah khan Senator Lisa Murkowski of Alaska nih a chim. Chamber chung i thutdan 100 lakah hin Republicans nih an tincomi hi thutdan 53 a si i, Lisa hi tutan Trump khuakhaannak cungah Republican lei in duhlonak a langhtertu pahnihnak a si. Hi lawngmi thutdan ca i minung thim ding rian hi cu tutan election ah buan a cotu paoh nih an tuah ding rian a si, tiah Satuarday ah khan Republican Senator Susan Collins of Maine nih a chim. Anih hi ai thimthan hau a si i, Lisa belte hi cu hi hnu kum 2 hrawng cu a rian pehzul ding a si.

Anthony Marcum: The Senate's war powers vote is one step toward Congress'  living up to its constitutional responsibilities

Kei cu vote pek hi a poi ka ti lem lo. President i thim kum a va si ko zongah, kamah Republican president nih Supreme Court ca i mi thimmi a ngeih tiakah Republican Senate majority nih amah lei tangin vote pek a si ko lai. Cu ti vote ka pekmi cu khuaruahhar awk zeihmanh a um lo, tiah ka ruah, tiah Rep. Senator Lamar Alexander nih a chim. 2016 lio ah khan Democrats lei nih an i thimmi minung kha a ra lai mi (Trump) President nih a tawlrel te ko lai, tiah Republican Senate Majority Leader Mitch McConnell nih a rak kham bal cang hna.

Divisions on display at Trump's State of the Union address | News, Sports,  Jobs - The Daily news

Justice department ca i vote pek awkah ngainthiam le rutreu pungsan in Republican lei nih karhlannak an kan tuahkanh tikah kham khawh kan i zuam lai. Cu ti kham khawhnak dingah cun member 60 nih an kan dirkamh a hau. Ahmasa bik kan tuah dingmi cu majority pawl an lung kan lak a hau. Cu ti i majority kan tei a si ah cun, cabuai cung ceihkhaan ding lawng a taang cang ko hnga, tiah Senate Democratic leader Churck Schumer nih a chim.

Biaceihnak zung i Conservative minung kan hman than rih hna ah cun ngandamnak kongah le, nunau hna kongah le, LGPTQ rights kongah tihnung thil a cang te lai, tiah Schumer le US Representative Alexandria Ocasio-Cortez of NY nih joint news conference an tuahnak ah an chim. A tu i a lawngmi justice thutdan ca i minung thim hi cu Nov. election i buan a cotu i a rian a si awk a si, tiah Republican minung tampi telhchih in American mipi lakin 62% nih an duhnak an langhter.

Impeachment vote: Sharply divided Senate acquits Trump on both articles -  ABC News

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha