WASHINGTON/NEW YORK (Reuters) – Vote petu pawl nih an lungre a theihpi mi cu coronavirus le kan economic a tlakchiatnak kongkau hi an si ko nain, US president Trump belte nih cun mipem pawl ralchanhnak biaka lawng a thlah peng ko rih. Mipem kongkau ah rorum ngaiin a dir caah Trump nih White House ah buan a conak hi a si khun. Vawlei cungah tih a nungbikmi pulrai coronavirus nih US a den cuahmah hna lawng si lo in, miphun thleidannak a um ruangah le police pawl an buarthaunak ralchanh in US pumpi ah duhlonak langhter a si lio ko zongah cun Trump le a cozah nih cun mipem sakai pawl khamnak kongkau lawng cu heh tiah an i hmaithlaak tualmal peng ko rih.

Government response updates: Trump calls himself a 'wartime ...

Tutan thimnak caah hin a thar in tlaangtar a chapmi tete zong an um pah len rih. Duhlonak langhtermi kongkau ah dun le daan ser ding, cun coronavirus tih ruangah mail system in vote thlaak a tamtuk ah cun president thimnak hi ningcanglo pi in a kal kho mi a si, tiin heh tiah a aupi. Cu lawng hlah, pulrai a tlun cuahmah ko bu ah cun, mipem pawl khamnak policy thar a chuahpi than i, cu a policy cu Facebook chung i a campaign tlangtaar biapihlabik a si. Naite i a thar in a sermi policy ah hin, phungning tein US lei pemnak system zong tampi phihkhar ding, ti a si. Cun, ramdangmi US ah rian a hung tuanmi pawl le US ah permanent in khuasak ai timmi pawl zong kham ding, ti a si. Nihin tiang i poll an tuahmi paohpaoh ah Trump hi a mei lei ah ai thlai peng caah, a tu hi White House nih Nov. 3 election kongau ah siikaan (phung) ser chap dingin timhlamhnak an ngei, tiah Trump i a immigration agenda ca i architect a tuanmi Stephen Miller nih a chim.

I Asked Biden About Obama-Era Deportations. He Told Me to Vote for ...

Trump nih mipem kong i dirhmun hi Joe Biden i a dirhmun he ai kalh ngai te lai. Mipem kongkau i zalongnak kaupi pek a timtu hi tutan election ah political lei in sungh a fawite mi a si, tiin Miler nih a chim.

Biden nih mipem million tam taktak ram chungah luhter a timh hna. Hi hna pawl kan ram an luh a si ah cun, hi nihin i vanchiat a tongmi kan market pawl ah hin American riantuantu pawl an hmunhma an chuh ngai te hna lai hih, tiin Arizona, Florida, Georgia, North Carolina le Wisconsin i campaign an tuahnak ah Trump minung pawl nih ralrinpeknak bia an chim.

Government response updates: Trump calls himself a 'wartime ...

 

Tutan thimnak hi cu changreu le thawphat ei tlukin a fawizaang ding khi a si ko, tiin Republican mifim pawl nih an ti mi cu a si ruam ti ne lo. Trump nih rian (job) tampi a sermi ruang i a vanthatnak vialte cu coronavirus thitha in a tawlrel khawh lo ruangah mantahla lo bantuk ah an cang dih.

Mipem kham dingin tlang a tarmi nih in mipi an lung a laak lai i, coronavirus kongah an lungrethei manh lo in a tuah hna lai, tiin zanmang a ngeihmi nih hin vote petu pawl an lung a filfokter dih lehlam te ding a fiang, tiah Republican mifim Alex Conant nih a chim. Coronavirus kong, asiloah kan economy kong Trump nih a chim lo chung paoh cu, American mipi nih an lungre a theihpibik mi kongkau a chim rih lo, tinak a si, tiin piangtlar in Conant nih a chim.

US President Trump struggles to unite country as he launches ...
Pulrai a tlun hlan ah khan cun, Trump a cozah nih hin mipem khamnak kongah ni 3 ah voikhat paoh cu a policy a thlen lelek. Pulrai a tlun hnu le bangah cun, ni 2 ah voikhat tluk in a immigration policy hi a thlen cang. Immigration office hna caantawite chung a kharter thulh hna, cun pemsoknak sohluah zong a phih ta chung rih. A ngaingai ti ah cun, Trump a cozah nih hin pulrai nih a chiatchuahmi a mipi hna an ngandamnak le an economics hi thatein ai hmaithlaak hna awk a si. Cu lehlam cu, cuhlannak hmanh in a tu ko ah hin mipem pawl khamnak lawngte cak chinchin in an kalpi ko rih, tiah Migration Policy Institute ah policy lei mifim Sarah Pierce nih a chim.

Factbox: Trump and Biden take sharply different paths on ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha