Trump Cozah chung ah muinak nih a khuhmi hna, vawleicung kakip ralzaam vialte hna caah Joe Biden a tlin cu khua Ceu thar an hmuh bantuk ah ruahpiak khawh an si. Trump nih “Mexico lei in phungloin luhnak hi Walls in kan kham awk a si i, phungning tein USA ah an rak lut cio awk a si” ati nain, Refugee laknak le Chungkhar Sponsor tbk lottery system in US luhnak tbk vialte a phih viar ti awk a si.

Cucaah, US ah rak pem aa duhmi vialte caah harnak nganpi an tong. A bik in a him lomi Refugee nih an tuar khun. 2019 lio, Malaysia kan kal ahKhan UNHCR Rep he tonnak kan ngei hna i, cu lio ahcun, Trump ( US) nih Refugee lak a phih ruang ahhin Europe ram tbk vialte zong nih Refugee lak hi an ngol cio ve i, resettlement lei cun harnak nganpi kan tong an ti.

A bik in Denmark hna zong cu pakhat hmanh an la ve hna lo. US dirhmun zoh in an thu dir cio ve hna i, a poi tuk an ti. Canada tu hi tambik a lami Ram ah ai cang. TRUMP nih kan hnu October ahkhan 20-21 caah Refugee 15,000 lawng lak dingin min a thut.

Asinain US nih an thim tharmi President elected Joe Biden nih a harsami refugee cu 125,000 bakte lak dingin timhlamhnak thar a ngeihnak kong a phuan. Cucaah, Trump chan ah a muimi Refugee life cu, Joe chan ah ceunak an hmuh tthan lai ti khawh a si TRUMP nih innka a awnh duhlomi hna ralzam cu Joe nih innka a von awnh tthan cang hna lai i, US a hawi,Europe’s Ram tbk vialte zong nih innka an von awn piak cio tthan hna lai tiah ruah khawh a si caah, Ralzam caahcun Joe a tlin cu Thawng ttha ngai ngai a si tiah ka ruah.

Thawngpang dang >>Joe Biden nih mah hi ramtthen ahhin thimfung 14000 hrawng in a tei nain Trump a lungtlin lo caah a thar in an rel tthan lai tiah Reuters nih a ttial. Georgia nih electoral vote 16 a ngeih.Tutan thimnak i ramtthen (states) cio aiawhtu hna nih thimnak ah buai awk le zumh lo ding zei hmanh a um lo tiah an chim dih tiah NYT nih a ttial. Mah thimnak ahhin ramtthen pakhat cio nih ttuanvo an lak.

Republican Governor cheukhat nih Trump cu fak ngaiin an mawhchiat.Georgia hi minak le mirang kong an buai taktaknak ram tthen a si. Tu kum i palik nih lam lai ah a thaw chuah kho lo in an nenh i an thahmi Floyd kong zong kha hi ramtthen ah a si. Minak an tam ngai. 1992 thawk in 2016 tiang kha USA president thimnak ah Republican nih an tei pengnak ramtthen a si. Republican ramtthen a simi Alaska ah cun ruahning bantuk in Trump nih a tei.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.