President Donald Trump cu tuzan lei ah White house ah press conference a tuah lio, minutes 18 tluk a rauh ah President Trump a vengtu secret service agent pakhat nih laakhruak in a auh i, leng ah chuah a hau”tiah biathli a rak chimh i, a kalpi colh caah press conference cu a ngolh colh. Press Conference ah a rami thawnglatu vialte cu an ar dih. White house inn pawngah secret service nih minung pakhat cu lam cungah an kah i, ambulance in sizung ah an tlikpi ti a si. Mi zeibantuk a si an hngal rih lo. Atu lio lamzawh a hmangmi, BLM timi minak ttanhtu pawl maw an si, ANTIFA timi left wing pawl dah an si timi theih khawh a si rih lo. A rauh hlan ah secret service pawl nih fianternak an tuah te lai ti a si.

Pushing for it very hard but not for votes': Trump hopeful Covid ...

President Donald Trump cu minute 8 tluk oval office ah a va dinh hnu ah secret service pawl nih Press Conference tuahnak ah kal khawh a si cang an ti hnu ah Press Conference tuahnak khan a rak phan i press conference cu a dih tiang tluangte in a peh than. President Donald Trump hi pakhat khat cang sual sehlaw, a ngaihchia bik dingmi cu evangelical khrihfa an si lai. A lawm dingmi cu Liberal Democrats pawl, BLM, LGBT le socialist pawl an si lai.

Trump blasts photo showing 'tan' line as photoshopped

Thawngpang dang<<<Tlangcungmi hriamtlai phu hna nih kan khelmi hi Independence si loin Federal tu a si. Tlangcung mi hriamtlai phu ahohmanh nih Independence kong an chim ti lo. Tuluk le Hong Kong bantuk “One country Two System” zong kan khelmi a si lo. Federal timi cu I tthen si loin Ikomhtu a si deuh. Tlangcung mi hriamtlai phu cheukhat nih Federal kan khelmi asinain federal lungput ngei loin Independence lungput tu kan ngei deuh rua tiah ka ruah. Kachin hriamtlai nih Kachin ramkulh ca lawng ruah, Shan hriamtlai nih Shan ramkulh ca lawng ruah, Karen hriamtlai nih Karen ramkulh ca lawng kan ruah ahcun Federal phung in ramkomh Kawlram ser dingah kan I tlak rua hnga lo. Federal lungput si loin Independence lungput kan ngei deuh ahcun ramkomh Kawlram ser dingah kan fawi lai lo.

Federal kan duh ahcun Federal lungput kan ngeih ding a si. Federal timi cu tthenmi ram si loin komhmi ram tu a si caah zeitindah kan ram kan komh lai? zeibantuk ramkomh dah kan ser lai? ramkomh caah zeidah kan pek khawh ve lai. Ramkomh kawlram cu zeibantuk pungsan in dah kan ser lai timi zong kan ruah chih a herh. Kanmah lei kap co ding le laak ding lawng kan I ruah I, ramkomh Kawlram caah pek ding, ruahmi le tuaktan mi kan ngeih ve lo ahcun Federal lungput kan ngeih si loin Independence lungput kan ngeih deuh bia a si hnga.

What to Do At a Funeral in Myanmar - Myanmar Tours

Federal ramkomh timi cu inchungkhar pakhat nih inn sak bantuk a si. Inn kan sak tik ah inn khan kan dal. Mah le inn khan cio ah mah le duhning cio in I tawlrel khawh bantuk a si. Inn kan sak hlan ah zeibantuk inn dah kan sak lai? zeibantuk inn khan in dah kan dal lai? zeibantuk a tung le a tlang dah kan hman lai timi kha felfai tein kan I ngeih cia dih ding a si. Inn kan sak hlan ah timhlamhnak kan ngeih lo ahcun kan mah duhning in inn pungsan kan sa kho lai lo. Kanmah le kan inn khan cio zeitindah kan ttamh lai timi zong a hlan kan tein ready tein timh cia a herh. Inn tungtlang van tik ah zungzal in a hmun dingmi foundation tha tein kan dirh khawh a hau. A fekmi a si a hau, Ramkomh Kalwram ser ka duh ahcun federal lungput kan ngeih a herh, Independence lungput kan ngeih peng ahcun kan dirhmi ramkomh a fek kho lai lo.

Federal lungput a simi, Shanram zong kan ram, Kachin ram zong kan ram, Karen ram zong kan ram, Kawlram zong kan ram timi lungput kan ngeih lawngah a fekmi Federal phung le a fekmi Ramkomh Kawlram cu kan ser khawh lai. Independence maw na duh, Federal tiah biahalnak um sehlaw Independence ka thim hnga. Asinain atu kan khelmi hi Independence si loin a komhmi ram Federal phungtu a si. Federal phung kan khel ahcun Federal lungput kan ngeih a hau I, Independence kan khel ahcun Independence lungput kan ngeih a hau.

Myanmar holds state funeral for late PM--

 Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha