Trump a ttanhtu pawl, nan Pu cu zoh ko uh hi. Andrew Johnson hnuah amah hi the Inauguration ah a tel lomi/a kai lomi pakhatnak a si lai ti si ko hi. Pathian nan thimtermi le nan hmantermi pa cu nikhat hnu nikhat in zohchia thil a tuah lengmang ko hi. Pathian a lawm lai lo, a lungfak lai. US mipi, US democracy, US phung le lam, a party hawi, le Democratic Pary pawl zei i a rel hna lo le a upat hna lo zong a si fawn. Zeitluk zohchia dah a si.

Image may contain: 1 person, text that says ''I will not be going to the Inauguration' PRESIDENT DONALDTRUMP DONALD TRUMP wfla...com'

Thla nan campiak deuhdeuh, thil ttha lo le zohchia thil tam deuhdeuh in a tuah ve. Capitol innpi i a lutmi pawl zong US cozah sihni pawl nih bia an ceih hna lai, palik nih tlaih ding in an kawl cang hna lai ti si. Thong ah an thlak dih hna lai. Facebook le Media i, Trump ttanhtu, Laipawl cheukhat, duh poah in, a dik a hman loning in le holh chiakha hmang in ca a ttialmi le comment a pemi pawl khi Capitol innpi i a lutmi bantuk nan si ve. Arthluak bantuk a neimi deuh nan si. Musalim ralhrang nan lo. Pastor le Khrihfa bu a nei lomi ko nan lo. Fapa tlau bantuk nan si. Credit: Van Tum

2020 US thimnak cu a dih cang. November 3 in Nizan January 6 tiang kha ruahning le hmuh ning a phunphun cio in chim le rel cio a si. Minung cu kan pum ai dan bang kan ruahnak zong cu a rak a dang tuk ve I a phung a si ko, a nuam ngai ka hei ti ko. Asinain Trump le a Party pawl nih an zumh bikmi sihni pawl I hlan in tazacuainak 60 renglo an chuahpi. Hitluk anmah power neih lio asi ko nain cu an tazacuainak cu states level in siseh federal in siseh supreme court in siseh an hnon piak dih hna. Amah Trump a ttanhtu le a dirkamhtu bik pakhat a simi AG William Barr hmanh nih 2020 thimnak ah hlathlainak kan tuahmi chungah lih le hrokhrol a umnak kan hmu bak lo tiah a chim.

Hurt feelings, anger linger after Mike Pence, Donald Trump clash - world  news - Hindustan Times

Cu ruangah Trump nih a rian in phuah a timh nain amah tein a rian in kai din lai a ti I aa din. US election officials nih 2020 thimnak hi US tuanbia ah a him bikmi a si an ti. Hitluk in lam phunkip in sual an puh nain tehte evidence an chuahpi khawh lo caah an hlawh a tling ballo. US hitluk mifim thiam sang hna nih lih le hrokhrawl a um lo an timi hi kannih Laimi zong nih lih le hrawkhrol puh ve ti hna hlah u sih law a ttha deuh lai. Mizo le Laimi khrihfa pawl hi Kan i Ralrin deuh a hau. Lih le lih in Pathian nih bia a ka chimh tiin hrokhrawl chim hi tthin hna u sih. Hruh le lih mangmanh zong hi hrial deuh hna u sih. Kan Pathian belnang nalh ti hlah uh.

Pathian min a chim menmi paoh le Bible ai put menmi paoh khrihfa ttha tuk le piangthar tuk ah ruat ti hna hlah sih. Va aukhuan men hallelujah ti paoh zong hi piangthar ah ruat hna hlah u sih Donald Trump, Amah miaknak le power neih khawhnak a si paoh ahcun midang zeitluk fahnak le harnak an tuar zongah a mit a chinhkanhmi, mah tlamtlinlonak I hmu duh lo riangmang in midang tu sual phawt a hmangmi, vawlei cung minung vialte lakah lihchim a hmang bikmi pa, Nizaan bantuk US ram nih a hmuh ton ballomi buainak a chuah tertu, US constitution le democracy zei a rel lo I vawlei pi mithmuh ah belnang a nalhtu pa hi Pathian a ttanhtu le khrihfa ttha tuk ah kan ruat peng ti hnga maw?

Can Donald Trump be removed from White House before Joe Biden's  inauguration? Explained | World News – India TV

Nihin in Fb nih permanent in an block mi pa a si hoi, Twitter le YouTube zong nih an block rihmi, Hitler bantuk in mipem a huatu le a rem lotu a si hoi. Vunrang lawng hi miphun sang kan si timi lungput white supremacy lungput a neitu pa cu a ni caan kutdong thluk te lawng a tang cang. Atu a caan ni 14 dih hlan hmanhah a President sinak an chuh khawmi dirhmun ah a um cang. President ai cuh lio ah ka rak uar tukmi, teinak a hmuh I ka rak i lawmh tuk ve I ka mitthli tiang nih a rak Lawmhpi mi a si. Asinain caan a hung kal deuh I a biachim, a lungput a sining ka hmuh le ka zoh ve lengmang tikah a mipem dirhmun le US ram ca ka hei ruah ve ah ttih a nun ning cu ka hmuh ve.

President a ttuan ka in kan rak uar tukmi pa hi a donghnak lei a tuanbia zoh tikah ngsihchia le zaangfak lei khi a si a caan donghnak lei tuanbia le ro legacies a chiahta mi zoh tikah US President a ttuanmi vialte lak ah a chiakha bik le tuanbia chia bik a ttialtu ah an chiah te dingmi a si. Trump le 2020 kongah hawikom hna he kan ruah ning cio in bia phozar le I al pah in caan kan rak hmang hna. Trump le 2020 thimnak ruangah hawikom chungah nan lung kan father sualmi hna nan um len ko lai. Atu cu a dih cang . Hi ca ka ttialmi chung in siseh a liam cia caan chung ah siseh nan lung kan fahter sualmi hna vialte hi ca hin ngaihthiam kan hal fawn hna. By: Robert Tling

By Chuncha

Leave a Reply

Your email address will not be published.