Tlangcung Hriamtlai Phu10 Biatak Tein An Cawlcang Lai. CRPH An Dirhpi Nak Zong An Chim Cang

Tlangcung Hriamtlai Phu10 Biatak Tein An Cawlcang Lai. CRPH An Dirhpi Nak Zong An Chim Cang

Mipi nih an kalpi lio mi Spring revolution le CDM cawlcangnak cu kan tanpi rih lai.  NCA minthut tlangcung hriamtlai bu a si mi (ABSDF, ALP, CNF, DKBA, KNU, KNU/KNLA-PC, LDU, NMSP, PNLO, RCSS) Peace Process Steering Committee- PPST meeting cu 2021 April (3-4) ah tuah a si i, A tulio kan ram buainak he pehtlaihin Mipi dohthlennak-Spring revolution le CDM cawlcangnak cu tanpi rih lai tiin hnatlaknak an ngei pinah –

The Truth About Myanmar's New Ceasefire Agreement – The Diplomat

Min Aung Hlaing Ralkap cu Mipi kah le thah ngawl cawlh ding, Tlaihmi vialte thlah ding le , CRPH i 2008 phunghrampi hrawh mi cu kan thlawp i, CRPH nih achuahpi mi (Federal Democracy Charter) cu federal democracy sersiamnak ding caah cawlcangnak pakhat bantukin kan cohlang tiah cathanhnak an tuah.

China Derailing Myanmar Peace Talks: Top Negotiator – The Diplomat

PPST nih dirhmi ramdang pehtlaihnak committee (FRC) riantuannak zong kherhlainak kan tuah hnuah kau deuhin hmalak ding le biakhiahnak kan rak tuah cang bantukin (Military Council) he ramkhel kong ceih rih lo dingin hnatlaknak kan ngei tiah PPST hruaitu Gen. Yawd Serk nih achimh.

Relchih: Dihriam tein mipi 600 leng an kan thah hnu le an thazaang dih um nak hmang in mipi an kan doh hnu ah kahnak kan ngol lai timi cu mipi lei nih cohlan bak lo ding si. An mi lemnak a si. Thih dih le an ci mih lai an tih caah hi bia hi an chimmi a si.  Ralkap nih zahan zan ah rampi theih in thawng an thanh.

April 1 in 31 tiang kahnak kan ngol chung lai tiah an ti. An chim duhmi cu i kaap ti hlah sih tinak si. Hi kong ah micheu nih cun US lei in CNN media an phanh ca ah a si an ti. Mi cheu nih tlangcung hriamtlai tuk ah thazaang lak a duh caah a si an ti ve.

A zeibantuk hmanh si ai kun. ralkap nih an tha um eknak chuah in heh tiah thlapa thla hnih chun meithal le bomb hmang in mipi an kan thah. Dihriam tein an duhmi poh an tuah. Sualnak ngei lo an thah hna. An takpum tiang an khuai hna i mi chungril an lak.

Ngakchia le nu fapawi lio tar thlu loin an thah hna. Si nain mipi thinlung ah sungkhannak a um lo. Tihnak a um lo. Mipi an dir cang biatak in kah le doh an timh hna. Ralkap zeimaw zat mipi kut in an thi len cang.

Atu an tha a dih lei sang ah kahnak kan ngol lai an timi cu mipi an kan lemnak bak a si. Ralkap sining kan theih dih. An ti khawh lio caan cun thlachiat an ruat lo. An ti khawh ti lo cun heh tuah mi kanh an i zuam.

An tihmi poh he remnak an tuah an nek deuh mi poh zei ah an rel hna lo. Atu mipi he i kah rih lo ding a timi zong hi an ci mih dih lai le thih dih lai an tih caah a si. Cun thil a um kho rih mi cu hriamtlai phu pakhat hrawng nam a duh ca zongah si kho. Tahchunnak nihin ah Rakhine ram ah ralkap tampi a thlah. AA nih an ngiat ziar ko hna. Cucaah mipi lei nih ngol bak loin heh tiah kah le doh chih ding si. An dong cang an tla thluahmah cang. Ralkap tei kan duh cun atu an der lio caan teah kan tha umnak dihlak chuah in tuk ding si.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.Thawngpang kan tialmi hi careltu mipi caah thathnemnak si hram seh tihi kan itinhmi asi.

Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor

Leave a Reply

Your email address will not be published. Required fields are marked *