Tiphul authawng
Tiphul cu lungrethei le vansan in kan umnak hi ni 5nak a si cang. Hlaphuahtu pakhat(a min ka philh i ka ngaithiam u, a hngal mi nih ka chim hram u) nih ‘Tilim sia kum note an thah lai te khin bang zul thluaimal- – – rungrul bang’ a ti bang zul thluaimal in an hruai hna nak ni nganak a si cang. Chanchung mithlam ah a lo kho lo ding a si. Lung a lo khua a pit.


Bawmtu kan herh, chanhtu kan ngai, nain atu tiang bawmtu a ra mi Vancung mi hna cu, ka hngalh tawkin Hakha Diocese Covit 19 response in i vennak thilri le Mi-e mino nih eidin pawl lawng a si rih rua.( Philh mi um suah ah ka ngaithiam u)
Thawng ka theih mi ah facang bawmhnak tampi a ra ding a um an ti, kan i lawm tuk, nain kan herh hmasa mi cu:
1. Sii bawite nih checking tuah hnu ka dam ko, zawtnak ka ngei lo ti.
2. Hi ralrinnak sii le vitamin hna, bianaah, Cevit hna, ka din ko i ka him lai ti.
3. Cun puplic place timi mi i ton a tamnak inn le hmunhma vialte rungrul thahnak sii an kap dih cang i ka hna ngam ti hna hi an si.
Hi hna hi an ra rih lo, pakhat hmanh.
Atu ka theih mi biavak cu lunghrinh mi pawl kha innthong thlak dih hnu Lockdown kharkhumh tuah an hngak ti a si. Cucu zei ruahnak dah a si?
Chonh cang mi lawng zohkhenh i chonh rih lomi zohkhenh lo ding maw? Hakha hruai mi hna tluk in khua ah a taang mi zong lung zawtnak kan ngei ve hi tuanvo ngeitu hna nih an hngal lo maw? Hi lung zawtnak hi tuan in a dam ti lai lo.
Kan Bawipa bia, ‘Kei cu Tuukhal tha ka si, ka tuu ca ka lu kaa hloh siang (John 10) timi hruaitu hi kan Lai ram ah a har cang ko rua lai hi.
Lungum bia le siaherh bia te an si. Hi zawtnak in luat hram u.

May 2, 2020 tialmi..

Hakha ah maw quarantine tuah a fawi deuh maw Tiphul ah?, dihheu le retheih te khoika ah aa ning deuh lai? tihi ka ruat ngai.
1.Tiphul cu khuate a si, inn 105 hrawng a si i Hakha in meng 15 tling deuh lo a si, khuathat caan ah cun minute 30-45 kal a si. 2.Hakha-Hmandaw lamthluanpi cung a um tikah admin, (zohkhenhnak) caah a fawi.
3.Khuate ka ti nain middle school a um, khuapi hall pahnih a um certual pahnih a um.
4.Bu thum a um i miseh pathum a um, datsi a um ah phang awk a um lo.
5. Kan kum a vui i rawl cu phang awk a um rih lo.
5.Ti a tha.
Tuanvo ngeitu pawl hi lau rumro lau hi si loin khua mi ruahnak hna kan halpah hna sehlaw fak ciocio a fah a dim deuh hnga lo maw ka ti. Zapi ca ruat in
Fr. David Khin Hmung
Tiphul Hmunthu siangbawi
Ph no 09264163789
Mail- fatherhmung@gmail.com

May 1, 2020 tial mi..

#Theih_a_herh

Kannih Tiphul khuami hna cu thlalau in kan umnak hi nithumnak a si cang. Chungkhar kan i then, lungthin a kuai. Voidang theih nuam mi motor thawng nih a kan lauter cang. Ralzaam phunthar pakhat a si.A hrut mi hruh man liam cawk lo ti cu a hmaan nain tutan kan ton mi cu pawcawm kawlnak le tihnak phannak ruangah a cang mi a si. Khatte lei ah uknak le vennak a that ahcun hitin a cang lai ti khawh a si lo.
A si mi cu si cang ko sehlaw chungkhar chikkhat aa then hi za cang sehlaw zungzal aa then lo ding a biapi i dirkamh a herh. Midang kan chonh lo ding a biapi bang kanmah le kanmah kan i chonh lo a biapi ve. Tiphul kharkhumh hi za sehlaw Hakhapi le pawngkam vialte kharkhumh lo ding a biapi.
Cucaah hika in tuanvo ngeitu vialte upatnak he zaangfah kan nawl duhmi hna cu:
1. Khua ah a taang mi zong kan chanh zawkzawk u.
2. Khua chung lam le inn vialte sii rak kap zawkzawk u.
3. Eidin le sii a hleivuan tiang rak kan chanh zawkzawk u.
4. Kan thi vialte rak kan check zawkzawk u.
Mizaw a ngei mi nih holiday an la bal lo, an i din bal lo. Uktu tha le hruaitu tha kan sinak cu atu bantuk caan ah kan langhter lo ah zeitik ah dah kan langhter lai?. Atu hi fang zun caan a si. Kha kaa lawm. Tuanvo ngeitu hna nih thei hram hna seh.

#creditDavid KhinHmung

By Chuncha