Dr. Sa Sa nih aa khinhmi rian hi rianhar tak ding a si. Diplomacy rian a si hlei ah UN ah a um ciami Myanmar aiawhtu (respresentatives) pawl kha va lawnh in karhlan a haumi si. Keimah hi mipi nih theihpi in thlah mi cu ka si hih tiah a va ti khi a hau te lai caah rian har ngai a si lai. UK le US he cun zeimaw zat an dirpi lai nain Russia he harnak a tong te kho. A tu lio i UN ah Myanmar Permanent Representative cu H.E Hau Do Suan a si. Credit: Lian Thawng Hnin

Relchih: Myanmar mipi thimmi MP pawl nih Dr. Sasa cu United Nations (UN) palai ah an thim. Dr. Sasa nih, “Myanmar mipi nih democracy phungning tein an thimmi MP pawl nih Rampumpi Hluttaw Aiawhtu Kawmiṭi (CRPH) an dirh i United Nations palai ah an ka thim,” tiah tuni ah thawng a thanh.

February 1 ah ralkap nih mipi thimmi NLD uknak a chuh hnu in, mipi thimmi MP pawl (NLD deuh lawngte) nih “kanmah hi mipi thimmi kan si i cozah dik kan si tiin CRPH (Committee Representing Pyidaungsu Hluttaw) an dirh. Anmah nih cun an thimmi si. Ralkap nih an thimmi si lo. Dr. Sasa nih, “mi ralṭha Myanmar mipi aiawhtu dingah an ka thim cu kaa lawm tuk hringhran.

Dr Sasa Biography, Wiki, Age, Profession, Wife, Career, Networth

 

“Ramdang vialte hna, Myanmar rammi nuai 54 hi kan dirpi ulaw zei tik hmanh ah uknak chuttu ralkap bawi 6 hi dirpi hna hlah uh tiah kan sawm hna. “Hopaoh nih Myanmar mipi duhnak hi upat ding le dirpi hrimhrim ding asi. “Myanmar mipi nuai 54 na kan dirpi duh lo ahcun mipi a hremtu le uknak chuttu ralkap bawi 6 hi nan dirpi hna tinak asi.

“Mi ralṭha Myanmar mipi nih ralkap hremuknak an dohmi cu teinak lam a panh thluahmah cang, uknak chuttu ralkap bawi le anmah ṭanhtu pawl cu an i chuih lai i an tlu lai, uknak chuttu le anmah ṭanhtu pawl cu tuanbia nih bia a ceih hna lai. “Zei tik hmanh ah a sung kan khan lai lo, zei tik hmanh ah kan sung tiin kan i ap lai lo, Democracy nih a tei lai, Freedom nih a tei lai, Thildik nih a tei lai. “Upat awktlak Myanmar mipi le Myanmar ram hi Pathian nih thluachuah pe ko seh,” ati.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.