Maw vawlei hi ngaihchiatnak long te a si ko ee, mah pawcawmnak caah rian a tuan lio pi ah hi ti bantuk in thihnak kan tong mi hi cu a poi ti pinleiin cun chim awk a um ti lo. Tuni June 22.6.2020 suimilam 1:00pm ah khan Hlimen le Samtlang kalnak mawtaw lam kam Sangbera quary(Lunglak) nak cu a min/cim nih Samtlang tlangval Lalhruaizela kum 23 cu a minh chih i a ruak JCB nih an lak cuahmah lio a si.

Thinlung a fak ngaingai mi pakhat cu atu hi Samtlang tlangval Lalhruaizela (23) s/o Pi Lalnunthari ruak lak lio a si ko nain le vanchiatnak a tong lio pi ahhin hringtu a nu cu a tu hi a fapa thihnak thawng zong a theih rih lo ti a si. Hringtu a nu hi ratuai kawl in ramlak ah a kal lio a si i a mobile a ngei lo caah atu tiang hi an chawn khawh rih lo tiah an chim. Hruaizela hi a u pakhat le a nu tiin Samtlang khua ah a um mi an si.

Mizoram khi kan theih dih cio bang in quary-lunglak in paw ai cawmmi tampi an umnak a si. Samtlang tlangval Hruaizela kum 23 hi chungkhar pawcawmnak caah tiin a dam ahcun nichiar tein quary ah lunglak in kuli a ttuan zungzal mi a si. Vanchiat ah ruahpi in lung an lak nak quary nih a minh chih hi a si.

Samtlang tlangval Hruaizela kum 23 ruak cu tu tiang an chuah kho rih lo. A video zoh khawh asi. Minung tampi nih an chuah hna i, JCB pahnih nih aruak an cawhmi cu an hngak ko hna. Nai hrawng Mizoram kan unau le thawngpang cu ngaihchiatnak lawng te a si ko a pawi kho taktak. Tu hi JCB nih a ruak a kawl cuahmah lio a si. Fawi tein a ruak an lak khawh nak lai Bawipa nih bawnchan ko hna seh. Ref; Video MLB

By Chuncha