2020 kum thimnak ah zuamcawh ding mi ramkhel bu pawl le ramkhel rian ṭuan tu pawl cu Social Media pakhat asi mi Facebook hmang in an bu tleihtleng, cawlcanghnak, pom mi le ruahnak pawl cu thanh le chim an hun ṭan ngai hna. Digital 2020: Myanmar cazual ning asi ah cun Myanmar ram ah Facebook App a hmang tu 22 millions leng an si i hman lio mi SIM card zapi hi 66 millions leng asi tiah theih asi. Cu sining hun zoh tik ah ramkhel bu pawl nih Facebook hmang in an cawlcang deuh tiah chim kho asi. Union Election Commission nih atu lio thil sining ruang ah Party cawlcanghnak le mipi he ton biaruahnak tuah ding nawl pek asi ko nain Covid-19 zawtnak runven a hau caah minung 30 tiang lawng tonnak tuah kho asi caah thil har ngai pakhat asi. Cu ruang zong ah atu bantuk in ramkhel lei cawlcang tu pawl nih Facebook hmang in thawng zamhnak an tuah deuh mi zong asi kho men.

Myanmar Church appeals to militants, military for peace talks | Matters  India

2014 President U Thein Sein chan thok in mipi nih man fawi tein Kyats 1,500 in telephone SIM card cawk kho asi hnu ah mipi tam deuh nih Facebook zong hi kau deuh in hman kho a rak si. Ramkhel bu pawl zong nih Facebook ah an bu Page ser in mipi he pehthlaihnak tuah an i zuam thluah mah. Tu kum 2020 cun Facebook ah ramkhel bu pawl nih tangka an hman ning he pehtlai in Facebook nih facebook.com/ads/library ah fiangfai tein langhternak a tuah caah aho nih tangka zeizat dah a hman ti mi theih kho asi, kha hlan kum 2015 thimnak ah khan cun rak theih kho asi lo.

Irrawaddy News nih hlathlai mi ning ah, 2020 kum chung Party sining in Boost a tuah tu hna lak ah Union Solidarity and Development Party-USDP nih tangka tam bik a hman ti asi (USDP tang um Women Committee, Workers Committee le Farmers Committee pawl telh in). An hman mi tangka zapi hi USD 3,000 deng asi tiah hmuh asi. Cu dih in cun Thura U Shwe Man nih hruaimi Union Betterment Party-UBP nih USD 600 in 2nd a zulh i Dr. Thet Thet Khine nih dir pi mi People’s Pioneer Party-PPP nih USD 500 in 3rd a zulh cun Chin National League for Democracy Party hi USD 200 in 4th nak asi. Pumpak min in tuah mi page pawl caah People’s Pioneer Party Chairman Dr. Thet Thet Khine nih post 9 caah USD 800 nak tlawm lo in a hman tiah theih asi. Cu dih cun UBP in Daw Su Su Hlaing nih USD 500, UBP Chairman Thura U Shwe Man nih USD 100 le PPP ṭhiam ṭhiam in Daw Mon Mon Myint nih USD 100 a hman ve.

Tea Circle on Twitter: "Han Htoo Khant Paing and Richard Roewer analyze how  political parties have changed their campaign strategies to prepare for the  2020 election. #myanmar #burma https://t.co/vBjnR9PRQs…  https://t.co/1VgxSCPZka"

Atu bantuk in Facebook lei tam deuh an mernak zong hi Ministry of Health and Sports nawl chuah mi minung 30 cung tonnak tuah lo ding timi zong hi a ruang tampi lak ah pakhat asi caah Facebook hmang in bu tleihtleng, ruahnak pawl mipi sin thanh le phuan asi tiah an ti. MoHS nih nawl chuah mi he pehtlai in zeitin dah um ṭhut ning asi lai timi dikthlir zong thanh le chim a um hlei rih lo. Mipi he tonnak tuah tik zong ah ruah lo pi in minung tam le ralrin ding asi mi Mask huh, Social Distancing zong zulh kho lo sual a fawi mi thil asi. Cu caah online hman in mipi tam deuh in pehtlainak tuah kho i zuam asi tiah USDP chimrelnak nawl ngeitu U Thein Tun Oo nih a chim. Facebook ah hman mi tangka cu UEC nih khiah mi zat leng in hman asi lo tiah a chim nain bu tangka maw asi mah pumpak tangka dah asi ti cu fiang in a chim lo. Dr. Thet Thet Khine nih cun a mah pumpak min in a dir mi Page caah cun Boots tuah poh ah mah pumpak tangka ka hman tiah a ti.

UEC lei nih cun atu bantuk mipi len kai nak caah a herh mi zulhphung pawl cu a rau hlan ah chuah timh asi tiah chimrelnak nawl ngeitu U Myint Naing nih a chim. “Covid caan lio asi tkik ah kan nih zong Singapore, South Korea sining pawl i zohchun in zulhphung kan chuah lai, Thimfung thla tu mipi nih zulh ding, palai pawl nih mipi he biaruahnak ngeih tik ah ngandamnak lei zulh din le ralrin ding, zeitik um ṭhut ningcang …tbk pawl hmunkhat ah kan tuah lio” tiah a chim. Asi nain Facebook kongkau he pehtlai in chun Facebook nih a ngeih mi tleihtleng ning in a kal ko lai i UEC nih zei hlei a tuah kho lai lo tiah a chim. Mah balte, palai pakhat nih thimnak he pehtlai in kyats 10,000,000 tiang hman ding ri khiah piak asi caah atu bantuk Facebook boots caah an hman mi tangka zat he pehtlai in zeitin dah ruak chih asi lai tmi cu a fiang rih lo.

Burma's Big Test: Preventing Election Violence in 2020 | United States  Institute of Peace

Hibantuk Facebook hmang in mipi pehtlainak cu mipi zaraan nih fawi tein zumh zual i thimnak cung zong ah tampi lai a rel kho men tiah Kanaung Institute in Ko Than Myat Soe nih a chim, Facebook ruang ah mipi buaibainak, biaknak lei buaibainak zong Myanmar ram ah a rak cang bal mi thil aum tiah ati. “Ca an ṭial mi bultan lawng rel i Democracy kalnak lam thluahchuah ah pingpalo ruah i thimfung thlak mi zong i chuah sual kho a fawi te, thin phang asi”t i ah a chim chap. Cu asi caah tangka a um zat in a hleihluat in Boots tuah lo ding zong UEC nih nawl a chuah hau tiah ati.

Mipi caah cun atu bantuk Social Media hman cu thil ṭha ngai asi tiah Daw Mya Nandar Thin nih a ti “Ramkhel bu pawl kong tam deuh an theih lai, thim ding tam an ngei deuh lai. Cu lak ah a ho dah thim ding timi tu kha cu an mah pumpak ruahnak asi. Thimfung thla tu mipi caah cun party tam deuh hmuh asi lai i thim ding tam deuh an um lai caah aho palai khi dah thim ding aa tlak deuh lai tiah ruah kho asi lai” tiah ati. Ramkhel bu pawl nih 2020 thimnak caah Facebook hman a karh deuh i thimfung thla tu mipi sin ah an bu sining, tleihtleng, ruahnak le bia ka nak pawl cu zeitluk in dah thuk le kau in chim le rel kho asi lai timi cu thimnak a nai thluah mah tik ah a fiang chin thluah mah te ko lai dah…! tiah irrawaddy cherhchan in theih asi.

By Chuncha