Thantlang biakinn sang ah khuasa lio mi Pi Si Vang nih hi vawlei nunnak kal tak in a kan sertu pathian sin ah a kan dinh tak cang tiah thawng kan thei.Pi Si Vang hi  kum 70  minung asi.Nihin 24/11/2020 ah pathian sin ah kan ding tak hi asi. Careltu sin nawlnak: tutang kan thawngzaam mi kongah, a thih ning lei kong he petlai in, thawngfiang kan thanh kho rih lo caah kan ngaithiam uh tiah kan chim duh, Thawngfiang  deuh thawngzaam khawh tthan kan ii zuam lai.

Thantlang Baptist Church thawng: Kan Khrihfabu chungtel asi mi, Biakinn sang um, Pi Si Vang nih mual a kan liam tak. Taantakmi chungkhar dihlak Pathian nih in hnem ko hna she.

Image may contain: text

Thawngpang dang<<< Christmas cu a hun nai i White House ah a donghnak Christmas a hmang ding President nupi, First Lady Melania Trump kong social media ah a hun lang than.Trump president a si hnu in White House nunphung (tradition) tete an tlau i Trump te chung nih anmah duhning in an thlennawnmi zeimaw lakah FLUTUS Melania nih Christmas ttamhnak i a hmanmi thil le muici hi a si. A sen bak in senmi a ttamh chel le a hleihluat tuk in a tamhchel a si.

Christmas kong he pehtlai in a hawinu he an i chawnh lio ah a chimmi bia cu a hawinu nih Record a rak tuah le vawleipi theih in an thlah. Record a tuahmi chung in Christmas kong zawnte van zoh te.

Donald Trump hi a hmet lio ah Presbyterian Khrifabu ah Confirmed (thlacam piak) a rak si. Chawlet a rak si bantuk in vawlei thilri ah a rak buai ngaimi a si i biakinn voi zeizat a phanh cu hngalh a si lo. USA president a si hnu in Presbyterian in a chuak i atu cu Khrifabu a ngei ti lo.

Atu ah an nu Melania nih “Christmas cu zeiah hme ka rel” ti phun in pamh bia hna a chimkemp tikah hin ruah ding cu a um ngai.

Trump hi Khrifa zeimaw nih an dirkamh, Pathian mi hman a si, thimmi a si an ti. Nain a nun zoh tikah Jesus muisam a hmutu an um hnga maw? Asiloah kan duhmi politics le kan duhmi ziaza a si ruang ahdah kan dirkamh ti hi ruah a herh ngai.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor

By Chuncha

Leave a Reply

Your email address will not be published.