Rev Lian Ceu nih mual akan liamtak, apoi hringhran ko ee. Kanpa kan pu kan u a simi Rev Lian Ceu hi a khua Vomkua a si i a umnak hi Hakha ah a si. Kan hnukum ah khan an khuami nih rak kan tlawng tiah an auh( An Khua Civui pi)  ah an auhmi a si i a phak tlawmpal in faak ngaiin a dam lo i mualpho ngai in a rak zaw.

Thihdar. Rev. LianCeu nih US ah mual akan liamtak.

Cu nak cun tuni tiangah dam thai huaha lo in a um peng i, hitihin a kan liamtak nak hi a si. Semnak runinn le Thaisung,fale rual anka tonglo le khuamual phak lo in dahngai. Na liamsia herhtuk ko laimu. Taantakmi chungkhar le khua mi hna Bawipa tunih in hnem hramhna seh mu . chinpress

May be an image of 1 person, standing and outdoors

Yangon (CBN News) : Myanmar sihni nih ralkap State Administrative Council (SAC) hna cu 2008 phunghram phaoh in ralkap thazang hmang i ram pakhat cozah an doh ruang ah taza cuai awk ah an auh hna. SAC taza cuai dingin NLD party nih an dirhmi Committee Representing Pyidaungsu Hluttaw (Union Parliament) (CRPH) cu ruat an si.

CRPH cu international court dang dang ah SAC taza cuai dingin forhfial an si, Myanmar sihni hna nih ralkap hruaitu hna cu a fah khawhchung in sual phawt i an hruaitu bik Min Aung Hlain zong thihdan (death sentence) ing kho ding ah an ruah. “asi ning takte ah cun ralkap nih thazang hmangin cozah a doh, hi ruang ah ralkap council SAC cu supreme Court of Union ah taza cuai hrim hrim an silai” tiah an chim.

Ralkap nih thazang hmangin 2008 phunghram an phaoh mi hna cu Articles 201, 203, 347 le 375 an si i commander in chief, Min Aung Hlaing pumpak hi state emergency thantu a si tiah sihni nih an chim.

Article 201 nih a langhtermi cu state emergency hi National defence and Security council member minung 11, President tangah ralkap bawizik rank paruknak hna, Vice president in minung 2, parliamentary speaker in minung 2 hnatlakpi nak tello in thanh khawh a silo tiah sihni nih a chim.“Nawlngeihnak an lakmi cu 2008 phunghram nih a sianhning in kan lak an ti, a sinain 2008 phunghram an buarzia taza kan cuai lai, kan tuah khawhmi paoh kan tuah lai” tiah CRPH member U Myo Naing nih a chim.

Ralkap leinih CRPH i tinhmi an zoh tik ah Ralkap cozah dohnak a si tiah CRPH member tlaih khawhnak arrest warrants an chuah. “Mipi zong lungrual te in an cawlcang, a tu kan i tinhmi cu ralkap uknak dictatorship hlonhthlet a si. mipi nih ruahnak lungkhat le awka khat in an doh awk a si” tiah U Myo Naing nih a chim.

SAC nih 2008 phunghram ah tazacuainak sang article tialmi cheukhat cu a bia an rak remh manh cang, a sinain cu an thlenmi cu CRPH nih an duhlo i mipi sin ah article an thlenmi theihpi lo dingin an cah. sihni nih an chimning ah 2008 phunghram thlen hi a cian (draft) in suai hmasat ding a si cucu parliament ah chuahpi i president nih hnatlaknak min a thut hnu lawng lawng ah phunghram ah cohlan khawh a si tiah an chim.

By Chuncha

Leave a Reply

Your email address will not be published.