#Thihdar: Hih-sii pek mi a thisa nih a chei lo ca ah Ngaphaite khuami rilfonghlei operation tuahnak in a thi: Thantlang Peng Ngaphaite khuami Pu Bawi Vung cu Thantlang sii-inn October 17 zinglei suimilaam 10:00 ah rilfonghlei operation tuahnak in a thi, tiah kan theih.

“Pu Bawi Vung hi kum 38 a si. Fa 4 a ngei mi a si. A thih ning hi operation tuahtu Dr. Lily nih a chim ning ahcun, hih-sii (meh-sii) kan pek mi hi hawi zat tein kan pek ve ko nain a thisa nih a chei deuh rua lo, a ti. Operation khaan in an chuahpi ah hin a nganfak tuk i tlawmpal ah a thicolh, tiah,” Messiah pa nih The Hakha Times ah a chim. A ruak cu Thantlang sii-inn in an chuahpi cang i Ngaiphaite khualei ah tlunpi an timh lio a si, tiah kan theih. Credit: Hakha Times Daily Newspaper

Relchap >>> Democrat pawl nih ceilak in an doh zong ah Pathian nih a zah cang, Democrat pawl nan sual tuk caah ka duh ning bantuk in Supreme Court ah biacei ding in ka duh mi, Trump hmangin ka thim cang lai tiah Pathian duh ning bantuk in rian a tuan peng mi, Amy cu Senator pawl nih fehter ding in hnatlaknak an tuah cang.

Senate Judiciary Committee’s meeting cu thatein ngei a si cang. Chairman Sen. Lindsey Graham, R-S.C nih Judge Amy Coney Barrett’s Supreme Court nomination confirmation/vote thlak nak ding caan cu motion an chuahpi hnuah tlamtling tein biakhianak tuah a si cang.

Chairman Sen. Lindsey Graham, R-S.C. nih cun vote thlak nak ding caan cu 1. p.m. ET, Oct. 22 confirmation hearing hnu zarhkhat ah tuah a si lai tiah US mipi thei ding in a chim. Democrat pawl nih cun, mah vialte hi President duh ning bantuk in/saduhthanak tlamtlingter ding ah an ruah.

Graham nih Democrat pawl hna cu ceilak in aphomh chih hna i, Zai, zai hla u, American Bar Association sin in panel thatein kan ngei cang. Panel ah mi 8, Majority le Minority thim mi4 ve ve kan si. Panel ah kan ngai duh lo ngai mi bia zong kan ngai ve ko lai.October 22 ah Justice Amy coney Barrett fehternak/confirmation cu tuah a si thiamthiam ko lai tiah ceilak in a phomh chih hna.Ranking member Sen. Dianne Feinstein, D-Calif nih hearing ngei cu a duh tiah a chim i, mah bantuk in rangngai in thil tuah mi hi zeidah a ruang a si tiah bia halnak a tuah.

Graham, ” 2016 election result kongah nan zai mi a tamtuk cang, Donald Trump cu President dik a si lo nan ti chap . Barack Obama nih John McCain, a tei lio ah khan fak ka ti ngai ve ko. Amy Barrett hi a rian ttuan ding mi kongah a tling lo/qualified tiah nan chim zong ah zum ding mi nan si ti lo tiah ceilak in a phomh chi hna. Credit-RTK

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha