Atu bantuk in Chin/laimi nih kan zohcho ngaingaimi le mi tampi nih thawngpang fawi tein rel khawhnak le theih khawhnak dingah tiin thawng a kan zamhtu le pepar in khuate tiang a phan i a kan theihtertu hna The Hakha Post thawngpang kan theih cu thinlung catlap a nuam kho hrim lo. Laimi hi kan buainak hrampi hi zei then a si lo phaisa tam deuh ahhin buai lengmang a si ko ti hi a fiang ngaingai.

The Hakha Post hi mipi zong nih kan bochanmi hna le kan zumhmi hna an si. Bu riantuannak ahcun thil i hmuh kho dih ti cu a fawi te cu a si lo nain mipi caah rian hlei a tuanmi hna le zumhmi hna cu thawngchia theih um lo in kalti lenti tuanti le thanwgtha i theih khawh peng hi siseh law zeitluk in dah a va nuamh lai mu. Minung thisa in a nung mi le mui le hmai, ruahnak thinlung i khat lo cio cu si ve kaw riantuan tha hmuhnak tha, ruahnak tha, thinlung tha tiah kan hmuh mi le kan ruah mi hi mi caah cun a rak hmang lo a si kho peng ti hi theih a rak tha ngai hih teh.

The Hakha Post Dirhtu le A ngeitu chungtel Lallawmpuia@Papui nih The Hakha Post in a chuahnak Thawngfianternak September 28, 2020 A Tuah. Papuia nih Video fianternak a tuahmi kan zoh cu ngaih a chia hringhran ko. Amah a chim ning ahhin cun atu i lutlai a tuanmi cungah tih a nung ngaingai thil a si. Minung sinak in riantuan cu i cuh phung a si ve ko nain a chung thilri phaisa kong tiang i riantuannak a lang tikah a poi kho taktak ko.

Mah hi Chin Broadcasting Network nih an rak thlahmi video ah fianternak a tuahmi kan hmuhmi a si. Papuia nih achim ning ahhin lung a fak hringhran ko, minung cu phungphai a ngeimi an si ko caah rian dinnak a si ah thil sining kong cu tha tein i hmuh ton in chim le rel in chuah kho sisehlaw a dawh tuk ding khi a si. Media thar kan i chapnak kong zong fianternak a kan tuahmi kan hmuh i kan i lawm. Hakha Times tiin a rauhhlan ah kan hmuh than lai. Video hi a si khawh ahcun CBN ah hin rak zoh khawh dih i zuam te uh.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha