House Speaker Nancy Pelosi le Secretary of Treasurer Mnuchin cu tonnak an ngei than i, cozah bawmhnak Stimulus check 1200 pek dingmi cu October thla chungah pek khawh a si men lai tiah an chim. October 2 i kap hnih lunglinnak an ngeih khawh ahcun October 12 ahcun mipi sin ah bawmhnak a phan kho tiah an chim. Kap hnih lungtlinnak in bill thar chuahpi an timh. US$ 2.4 trillion a si lai tiah zumh a si. Mah chungah airlines, small businesses, state cozah, rental assistance, unemployment assistance, election security le U.S. Postal Service ca zong a tel lai tiah an chim.

President Donald Trump turns 74 years old today | WKRN News 2

Thawngpang dang>> Hi hmunhma hi kan uk than khawh hrimhrim lai, tiah zumhngamnak ka ngei, tiin Sunday ah khan Azerbaijani President Ilham Aliyev nih a chim. Azerbaijan, Arenia le Nagorno-Karabakh ah Martial Law kalpi dingin tlaang an au cang. Caucasus Mountains i buaibainak an tawlrel khawh ti lo hi kum sawm 30 lenglo a si cang i, tu le tu buainak a um tawn nak hmun a si. July i ramri buaibainak ruangah minung 16 hrawng an thi i, kum tampi chungah a nganbikmi duhlonak langhternak cu Azerbaijan khualipi Baku ah an tuah. Kan hmunhma laak than kan duh, tiin mipi an au.

President Donald Trump is obsessed with the media. There's no other way to  put it. - Poynter

South Caucasus hi Caspian Sea in vawleichung markets kipah zinaan le gas an kuatnak pipe (peep) an kalternak hmunpi a si caah, a tu bantuk i buaibainak nih hin vawleicung markets pawl hi a hnursuan ngai ding khi a si. Hranhramlo in hmunhma chuh a tongmi Azerbaijan ram hi a si khawh chungin ka bomh lai, cun vawleipi zong nih vun dirpi ve u law a tha, tiah Turkey President Recep Tayyip Erdogan nih a chim. Hlan tein khan Azerbaijian pawl hi Trukey miphun an rak si i, Turkey he pehtlaihnak naihniamtein a ngeihpi mi an si.

Donald Trump Says He's Going to Ban TikTok in the U.S. - Variety

Russia hi Armenia hi a hawikomtha a si ve i, tutan buaibainak hi a ran khawh chung in kahdaihnak tuah i cabuai cung ah ton biaruahnak hmang tiin daihter cang ding in a nawl hna. Midang nih lehnak an tuahmi pawl: Hi kongah ka lungre a thei ngaingai. Cucaah nan kaphnih in kahdohnak ngol u law ka duh, tiin UN Secretary-General Antonio Guterres nih a chim. Armenia minung tampi an umnak France zong nih kahdohnak donghter dingin le cabuai cung biaruahnak tuah dingin a sawm hna. Azerbaijan le Armenia he ram innpa a si mi Iran zong nih lamkaltu thlahpiak hna i remdaihnak tuahpiak hna dingin a duhnak a langhter. Hi buaibainak a dongh ding hi US i kan duhnak a si, tiin President Donald Trump nih a chim.

Note: Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

 

 

 

 

By Chuncha