US federal cozah nih rian ngei lomi hna cu kan hnu April thla thawk izarh khat ah $ 600 lengmang a chapmi hna cu White house, Republican hruaitu hna le Democratic party hruaitu hna an lung a khah lo caah thaizing July 31 ah a dih kho men. Deparment of Labor nih tuchun ah report an pekning ahcun 1.45million nih unemployment benefit an sawk than tiah an thanh. Asinain kan hnu zarh chin nak cun tlawmpal an tlawm deuh ti a si.

 

Republican party nih “The Heal Act” timi bill thar an chuahpi I, Federal cozah nih unemployment benefit a ngahmi, $600 a hlei in an chapmi kha $ 200 ah thumh dingin bialu bill an chuahpi. A voihnihnak second stimulus bawmhnak chek tu cu a hlanning in minung pakhat $1200 le dependent le ngakchia poah nih minung pakhat ah $500 cio hmuh ding in an chuahpi. Minung pakhat nih kum khat income $99000 nak tam lo, nuva a simi nih kum khat income 198000 nak tam lo nih an hmuh khawh lai ti a si. Congress palai pawl nih August 7 hlan ah biachahnak an tuah khawh ahcun August thla chungah zapi sin ah bawmhnak a phan kho lai.

Unemployment in the U.S. falls to 13.3%, confounding forecasters

Thawngpang dang<<Achim mi cu nan theicia bantuk in US cu virus ruangah duh poah in party le leng chuak a um tuk lo ruangah inn cio ah nuam tein um cio asi.Cu lawng si loin kanmah nih an duh mi ram le hmunhma ah voikum bantuk in caan kan hman kho ti lo a ti .Cun A nupi sinah hi kong he petlai in capo bantuk in bia a hal mi cu , Yiah Darling nangmah hi na nuam kho bal lo, inn ah kan umpi ve peng ko tun, na lung kan nuamter kho lo hlah maw tiah a capo. A sinain a nupi nih biadang pi ah ai ruat sual ii,Zeitindah Obama hi a rak duh ti mi pawl tiah achim dih.

Obama nih a nolh tthan colh mi cu nangmah cu na dawh le ka voikhat hmuh cangkaa in ka rak I duh colh ko cuh tiah a nibu in a capo rih.A nupi nih a chiim mi cu nangmah ka rak in hmuh cangkaa in hmailei ka nunnak  ah dingfel tein le ka nun a ka zohkhen kho tu asi lai tiah ka rak in ruat colh ati.Cu caangkaa in Obama nih a nolh tthan rih mi cu keimah zong cu ka dawh ruangah na rak ka duh ve ko cuh tiah  a capo tthan. Ma hnu cun Anupi nih a chimmi cu Ka pasal Obama he kan rak I um hlan in hmailei ah kanmah miphung hna sin ahhin harnak pakhatkhat a chuakte theo lai ti hi ka rak ruat cang tiah achim.

The Year in 44 Photos - Obama Foundation

Achim duhmi cu  a tu ii minak pa US police nih an thah mi hi an chim hnawhchan cu asi.Cu tih ah khua ka rak ruat mi cu kei cu ka pasal ka vah ding hi kanmah minung Minak chuak he I vah hi ka rak duh, Aruang cu hmailei ah thil tthat lo pakhat khat kan vah ton sual ah  a ka tuar pi tu ding mi minung ka duh  caah asi tiah achim.Cun a chim nawlh mi cu kan pahnih hintu Black live matter tiah a aw pi tu hna mino pawl hi kan rak thlak ngaingai ko hna, hmailei ah ancaah thil ttha pakhatkhat cu an hmuh tee hrim ko lai ti zumhnak kan ngeih tiah an chim.

Hihi Sliddeshow ah anchim mi bia pawl an si, an rak post nak in 6minutes lawng an luan rih, si nain comments le views a tam ngai colh. Obama le a nupi cu Tu US buainak {hnahnawh nak }kongah hin hnahnawh nak a tuah tu pawl hi thazaaang an pek ngaingai hna tiah theih asi. Aruang cu anmah zong Minak ansi ve ruangah asi kho men,si lo le Trump minchiat ter an duh ruang zongah asi kho men.Obama nihcun Trump President rrian a rak I awt kaa in Media tampi hman in a ngiar peng mi asi.Nihin ni tiang Joe Biden nih a tei kho nak hnga caanttha a hngak peng mi asi .

Obama 'Quid Pro Quo' Revenge via Impeachment? [OPINION]

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha