Thawngpang Thar: Trump nih January ni 6 ah thil aithlengmi nan hmuh lai a ti cang. Trump caah cu January ni 6 cu thil liampi ai thleng ni a si cang lai. Trump caah cun sathaw taktak ei ni a si cang lai. Trump a dirpi tu le a tanh tu kan caah cun January ni 6 cu kan nih lawng a chuak ko cang lai. Trump did kamhtu an karh khawh ning cu khuaruah har taktak a si cang. Media pawl zong an dihlak tiawk in 10 chungah 7 cu Trump an dir kamh cang hna.

Trump vs. Biden: Indian Americans are conflicted | ORF

Mifim le milian le mithang tampi nih le Senators tampi nih an dirpi cang. Ai thuimi state pa 6 Chung in pa 5 cu Trump ta a si cang. Joe Biden cu nikhathmanh president a tuan manh lailo ka rak ti kha , nan hmuh taktak cang lai. Caan nih a vun ratpi lio, kan hmaika a phan dengmang. Credit: Joseph Thawng Z Ting

Christmas Thawngtha Tawi: Pathian nih vawlei a dawt caah a fapa ngeihchunh te cu a pek, cucaah amah a zum mi cu an thi lai lo zungzal nunnak an ngei lai. Johan 3:16. Kanmah le kum zat cio in Christmas hi kan dong kan hmang hna. Christmas hi zei sullam ngeih/ruah bu in dah na hman tawn.

Pathian nih Vawlei a dawt caah a fa a pek timi hi keimah a ka dawt caah a fapa a ka pek tiah ruat in na cohlaang cang maw? Kan caah Vawlei ah a ra, kan caah vailam ah a thi. Cu thih nak cu kannih nih zungzal nunnak thei par in kan zuun. Amen.. Kan caah a si. Jesuh hi mi vialte caah a ra nain a cohlangtu ca lawng ah rat chan le thih chan a ngei.

Khrihfa bu menber cauk ah min tial na si ruang ah khamh na si lai lo. Van catlap chungah min tial zong a si hlei lai lo. Jesuh hi ka caah a ra, keimah ca bak ah a si tiin kan chung nun taktak in kan zumh kan cohlaan khawh lawng ah Christmas hi kan caah sullam ngei a si lai. Christmas lawmh nak nan cungah um ko seh. Paul Za Cung Lian

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.