Ramdang Visa in Australia Ram ah a Ummi Bawmhnak; Australia ram Victoria ramkulh ah caan-tawi visa ( short-term visa) in a um i Covid-19 zawtnak na ngei kho men tiah inn ah ni 14 chung umtermi (self-isolation), Covid-19 in a zaw i inn ah umtermi ( self-isolation) paohpaoh le Australia ram umthainak a ngei ko nain rian a tuan i damlo tikah company nih pekmi (sick- leave) ngei lo ahcun cozah sinah bawmhnak sawk in $1500 pek na si lai.

Bianabia ah Victoria ramkulh ah sianginn kai ah a rami, riantuan ah a rami, chawlehthal tuah ah a ra mi le caan-tawi umnak visa in a ra mi btk…. kha short-term visa ti cu a si. Australia cozah sinah phone chawnh in zarh 2 ah $1500 bawmhnak pek a si lai. Mah bawmnak cu nihin in an thawk.

Cu bawmhnak cu, Australia cozah nih zawtfah puicimh bawmhnak (Pandemic leave disaster payment) tiah a auhmi a si. Chawnhkhawhnak phone number: 1802266 a si lai. Aherhmi cu, chuahni, thla, kum, bank account number, na riantuannak company min, na visa number, na umnak address tbk…a herh lai. Credit: Pa Hen Thang

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha